うどん処 今助

營業中

休息中

第一次去這間餐廳食晚餐，餐牌多數都是定食套餐，也有散叫壽司，沒有飲品供應只有凍茶，一般定食價錢也不是太貴就可以享用烏冬加壽司，我們叫了兩set牛肉烏冬壽司五件定食套餐，一set牛肉烏冬鍋炙燒壽司定食。牛肉烏冬湯味唔濃很淡，有啲失望，牛肉烏冬鍋湯底是壽喜燒的湯底味道就比較濃一些可接受，壽司定食都是一般，沒什麼特色。

太肚餓求其入左間餐廳食嘢，無服務員招呼😌食物出餐時間有點耐（可能吾係食飯時間）叫左個定食，有飯有烏冬，價錢合理，不過三文魚好咸，個南瓜沙律好難食，好彩個烏冬加反少少分，

今助可以話係👧🏻一家嘅飯堂之一，1年內去親大角咀，去食嘅機會有60%🤣細個講緊至少8年前食時覺得有啲貴，到大個咗先發現其實咁多年今助冇點加過價之餘，份量又足，男士們👦🏻唔洗怕食唔飽😶。🌟海老天婦羅炸年糕撈烏冬個人認為炸年糕撈烏冬係今助最Signature 嘅烏冬之一～當中有4件炸蝦天婦羅🍤同4件炸年糕(份量好似多咗，印象中以前得每款小食各3件🤔) 今次炸海老有啲失色，天婦羅粉漿略嫌太厚，時間掌控得一般，蝦🦐炸得全熟口感唔夠爽口😮‍💨。炸年糕就一如以往嘅好味+ 柔軟，口感唔似用水磨糯米粉做製作，而係用蒸熟嘅糯米粒反覆捶打。至於拌烏冬醬汁偏向似醬油，咸少少🤏。烏冬份量極多，👧🏻食咗一半就覺得飽，可惜似煮過龍，烏冬質感略嫌偏腍😅。🌟牛肉烏冬鍋四件壽司定食牛肉烏冬用上壽喜燒湯底，味道偏甜，烏冬盡索湯底精華👍🏻👍🏻肥牛都有5-6塊。當日壽司就有2件三文魚壽司+2件帶子壽司🍣。兩款刺身都幾新鮮，尤其係帶子特別鮮甜+厚肉！🌟自家製忌廉蝦薯餅薯餅新鮮炸起幾好味，本身預期會有啲蝦肉，又只有忌廉味，不叫也罷😞。

🥚辣味增豬肉碎溫泉蛋撈烏冬 $60一向都鍾意食撈多過湯烏冬之前每次去必點溫泉蛋撈烏冬 簡單美味但今次去已經轉咗餐牌 移除咗嗰款嚟到賣相依然好精緻 將材料擺得靚靚仔仔可惜味道小失望記得以前嘅烏冬明顯係手打 比出面嘅更加粗身 煙韌彈牙但今次去烏冬明顯幼咗好多 亦見唔到師傅揉麵糰肉碎辣味唔出 反而莫名地重酒味 好彩嗌咗另上。然後旁邊嘅綠色菜口感亦麻麻 了走更佳。

第一次寫食評，真是不吐不快😡😡😡😡星期五晚堂食，我們指著餐牌圖片點了兩個餐之後男職員落錯單，反過來指責我們指錯圖片才導致他落錯單！！！這是該怪責客人的事嗎？他還試圖叫我們接受他落錯的餐，說一大堆餐牌編號來質問我們是否正確。我怎會記得每個餐的編號呢？我只知道自己要食那一個。與男職員爭論不果，他仍然堅持自己無錯，而且態度非常差地說：「你可以投訴我」，餐廳經理亦沒有出面。最後我們都一肚氣，甚麼都沒有吃就走了。今時今日咁嘅服務態度，就算食物再好食都唔會再去啦！😡😡😡

黎到大角嘴，附近工作嘅朋友介紹我去食今助，係一個小型商場入面，感覺就有啲擔心，侍應禮貌就好一般啦🤣 裝修都好日式嘅餐廳主力係定食，我地叫咗牛肉火鍋烏冬配4件壽司 同埋 嫩雞烏冬，牛肉火鍋嘅牛肉唔錯，唔會太肥，烏冬都滑滑地有啲口感，個湯一定要趁熱飲，凍左好甜，嫩雞烏冬就非常清淡，冇咩特別，壽司都唔太差嘅，始終係配角，不過壽司豉油最好用返淡口，Wasabi就錯錯地🤣 完全冇wasabi個味或辛味，不過整體來講，呢個價錢OK啦，都好飽肚。一定會再嚟嘅😊

週末因為要去玩，就在家裡附近快餐一頓，看到有滑蛋豬排怎能不嘗試，不過味道就是正常水平，豬肉碎撈烏東也沒有什麼特別，豬肉碎很大的酒味，要加一，外賣有特價餐很便宜，不過味道讓我不會再試

呢間位於新九龍廣場嘅日本餐廳, 本人已經食了很多次, 佢主打烏冬定食, 套餐包括壽司/刺身或熱食. ㄧ個價錢可以滿足晒! 我最鍾情佢嘅牛肉烏冬煱, d 湯底好好味, 烏冬都好滑。今次我簡左牛肉烏冬鍋六件壽司定食, 壽司有三文魚, 吞拿魚及帶子壽司, 佢d 壽司都幾好味幾新鮮, 唔夠仲可以單點。若果再大食d, 可以選佢地嘅自選火煱+丼飯. 全部定食都係$100至$150左右, 兩個人狂食都唔會過$350, 全部價錢都好實惠, 真係街坊價中級享受! 就算而家放無薪假, 都可以同女朋友去chill 下啦!

嗌咗個鐵鍋烏冬🍲🍜食咗幾啖之後見到湯入面有啲黑色嘅不規則形狀嘅物體.......一開始冇為意，以為係煎咗啲乜嘢煎燶咗，跌咗入碗湯，飲湯嗰陣時仲唔小心飲咗.......🤢🤢食多兩啖啲湯水位慢慢降低，開始見到個鍋邊，先至見到「甩咗d漆」！！唔知係唔係真係漆嚟嘅？😷😷咁啱最近睇咗電影「Black Water」...講不粘鍋嘅物料係治癌嘅....至今仲有啲廠家仲用緊呢一啲物料...所以好驚呢一碗野會唔會治癌😵😵希望我只係諗多咗....自己嚇自己.....但係你地啲食物器具應該換㗎啦....🤕

本身我同朋友係專登諗住去食白布烏冬，但係去到嘅時候已經截咗龍...咁唯有喺大角咀搵野食啦～ 咁岩比我地發現左呢間質素ok,CP值超高嘅日本野😳！⠀一個set滿足你三個願望😍⠀⠀🍣 山海烏冬鍋四件壽司定食🥘 $95⠀✤ 個烏冬鍋超級豐富，有元粒帆立貝、四至五隻蜆、肥牛、溫泉蛋、雜菜、大菇、金菇、仲有天婦羅蝦添🤩🤩⠀✤湯底係壽喜燒湯底，帆立貝又大舊又厚身，肉質又勁嫩，勁有鮮味，冇煮到過熟🥰 ⠀✤蜆肉真係比我想像中多，都入味嘅，我覺得正常水準🙆🏻‍♀️⠀✤ 我勁鍾意佢個天婦羅蝦，炸得好香脆又唔油膩😋⠀係金黃色嫁🤩✤ 佢個烏冬有少少似扁少少嘅讚岐烏冬，聽聞係手打，又夠煙韌同滑溜，口感都幾QQ, 配埋壽喜燒湯底簡直一流😋⠀✤ 溫泉蛋都冇過熟😍 牛肉就不過不失～⠀⠀🍣 方面：⠀✤佢有兩件三文魚壽司同埋兩件帶子壽司⠀✤三文魚都算新鮮，唔太鍾意食三文魚嘅我都覺得呢個三文魚壽司係OK，同壽司郎嘅差唔多🙆🏻‍♀️⠀✤帶子好大舊下，我覺得味道都算過得去，我覺得同普通食日式放題嗰啲帶子刺身一樣質素，但我朋友就覺得有啲腥，咁驚帶子腥味嘅朋友要留意下啦～ 因為我就食唔到有腥味嘅🙈⠀⠀但總括嚟講，我會覺得呢間CP值係超

呢間今助幾年前係香港都有好幾間分店，旺角、沙田、荃灣都食過，不過好可惜呢幾間依家都執哂只係得番大角嘴呢間早幾日比小弟好好彩咁見番佢，所以搵左日lunch走去食呢間既烏冬同普通稻庭烏冬唔同，較為粗身同有咬口。牛肉溫泉蛋烏冬五件壽司定食湯底略為有點淡，牛肉份量多，唔會太多肥膏，整體都算唔錯！另外既五件壽司大大舊，尤其係塊帶子好厚身！另外叫既呢個係香濃滑雞烏冬鍋壽司盒併盤定食～呢個湯底比起頭先既牛肉烏冬濃，有驚喜既係雞肉同蔬菜既份量都好多！呢個壽司盒併盤份量都好多，有壽司同無壽司只係差$20，比多$20絕對食得過！

話說原本想食金所，點知因為行錯路，揸住架車兜左三個圈，去到已經七點大排長龍。故此只可以搵過第二間食飯😭周圍望下有咩食，見到睇落去最正常，幾吸引嘅就係呢一間。門面夠大，餐廳地方都好似幾乾淨，價錢仲10分優惠，所以嗱嗱聲入去試下。嘩好開心呀，淨係睇餐牌都好似返咗鄉下咁，好多嘢食，全部仲要係定食喎，呢個已經好夠吸引啦。講真一句，香港有幾多真係有咁多定食，而且價錢仲咁優惠嘅真係見唔到有好多囉。每個餐都係$100，大大份算係咁上下啦，起碼真係見得人啦。咁多個餐真係好難揀呀。呢個湯底係醬油，但係我覺得好『壽喜燒』。正呀甜甜地我中意。個活動都彈牙嘅，但當然唔夠純正日本嗰啲咁QQ 㗎。壽司就一般般啦不過不失，半隻手指咁大件。但係總體來講我覺得真係對得住價錢囉 而且坐得舒服，同朋友傾下計都唔錯啊。

收咗工陪人係大角咀附近拎件，平時好少經呢頭，所以好難得地可以發掘下有咩餐廳好食。行行下發現新九龍廣場有間食日本定食嘅餐廳，價錢唔算好貴，平平地$100內都有交易。見到有好多款烏冬定食，有凍有熱，仲有丼飯配烏冬嘅組合，日本人果然好鍾意碳水化合物x碳水化合物嘅組合-山海烏冬鍋四件壽司定食 $95烏冬鍋配料幾豐盛，有天婦羅蝦、4-5隻蜆、大大粒帆立貝、肥牛同溫泉蛋等等。烏冬闊身，入口煙韌，配壽喜燒湯底一流。蜆肉數量之多令我幾驚訝，帆立貝好厚肉，溫泉蛋滑溜香軟，保持到流心蛋黃。壽司方面，三文魚同帶子各2件，刺身味道一般，帶子雖然都厚身但感覺唔算特別新鮮。值得一讚店員都幾注重衛生，客人坐低前會幫手用酒精再抹一抹枱先。

意外驚喜呀！大角咀竟然有一間好食而又唔商業化嘅日本料理，位置喺九龍廣場，個商場比較細型，真係估唔到係呢個咁細嘅商場有一間幾出色嘅日式餐廳，唔需要等候，服務侍應態度非常好、非常有禮貌、餐聽環境感覺整齊潔淨舒適，剛剛點了山海烏冬鍋配三文魚、三文魚子刺身飯和蟹肉沙律中卷，首先個烏冬鍋好食過出面好多間；足料味道佳😋，然後個三文魚、魚子刺身飯新鮮，最意想不到嘅係個飯入面係有白飯魚🤤，而個蟹肉沙律中卷亦都好好味！我一定會再幫襯，亦都會介紹比其他friend 黎食🥰

同先生喺新九龍廣場搵嘢食嘅時候，被餐廳嘅名字吸引，於是去一探究竟，門口樹立咗部份餐牌，價錢合理，份量又多，似乎係個好選擇。定食套餐包牛肉烏冬鍋加帶子、三文魚同吞拿魚壽司各兩件，烏冬係手作自家製，比一般讚岐烏冬粗，而且口感更煙韌彈牙😍湯底係日式濃醬油湯，帶甜味，配上牛肉、鮮冬菇同溫泉蛋，整體好夾好好味😋溫泉蛋偏向似馬來西亞嘅生熟蛋，非常水嫩，亦係另一亮點♥️帶子又大又肥美👍🏻但三文魚同吞拿魚就切得稍薄，欠缺口感🙁先生叫嘅定食比我嘅平$20，壽司部份比較豐富，有吞拿魚、鯛魚、帶子、三文魚、牡丹蝦、鰻魚同甜蛋壽司，帶子司牡丹蝦刺身新鮮肥美😋鰻魚同甜蛋壽司中規中矩，但吞拿魚、鯛魚同三文魚切得薄咗少少🙁至於烏冬就冇我嘅牛肉烏冬咁吸引，雖然麵質同樣彈牙，但湯底比較清淡，而且配料欠奉，整體比較寡，不過以咁嘅價錢嚟講，有七件壽司加一碗烏冬，已經非常抵食，性價比好高。