初春微風，好啱坐室外食嘢Chill吓。呢間中環手工Pizza店 “Abbraccio”有個大戶外用餐區，坐籘椅梳化眺望大館幾好Feel。
好天氣坐戶外真係特別正。
開揚露天座位可眺望大館，有種異國氣氛。
行入“Abbraccio”先見到酒吧位，然後係一整排室內梳化卡位，有時仲會望到廚師手搓麵團整Pizza㗎。想邊食邊影吓靚相，好推薦坐室外有中環夜景。
室內軟皮卡位，係另一種浪漫情調。
晚餐可揀3 Courses $398/人(前菜/沙律 + 薄餅/意粉 + 甜品)、4 Courses $498/人(前菜/沙律 + 薄餅/意粉 + 肉扒 + 甜品)；或者直接單點都得。每日4:00pm-6:00pm都有Happiest Hour，揀啱時間嚟仲有Live Music表演㖭，即睇詳情～
Happiest Hour優惠詳情
每日4:00pm-6:00pm，惠顧紅/白酒、啤酒、雞尾酒、無酒精雞尾酒均享買一送一。 |
Live Music表演！
逢星期四、五、六(9:00pm-11:00pm)特設Live Music表演，現場聽歌飲酒更好Feel。 |
“Abbraccio”唔只得Pizza食，呢度嘅前菜、意粉同肉扒都幾高質，睇吓有咩選擇啦～
【前菜】
Polpetoni
好多熟客都會揀嘅Polpetoni，係意大利番茄汁肉丸灑滿帕馬森芝士。肉丸自家手打Dry Aged牛肉，肉味特濃，口感幾紮實。
Piovra
Piovra主角係彈牙八爪魚，配埋24個月帕馬森芝士、檸檬汁、柑橘沙律醬。酸酸地幾開胃，好啱食主菜前飲酒傾偈。
【沙律】
Insalata di Pollo
呢個沙律嘅雞胸肉超多!! 做Gym操肌人士必食呀。加埋24個月巴馬臣芝士、微辣香料洋蔥、香醋調味好有層次。
Frisella
望落好似迷你Pizza嘅前菜，其實下層係脆麵包(Dough Crust)，比Pizza批底更煙韌。食之前，戳開圓碌碌嘅流心水牛芝士(Burrata)好有儀式感。
【白醬薄餅】
Cacio e Pepe
呢度全部Pizza都係手工製，搓麵團、新鮮出爐都可以透過玻璃見到。特製石窯爐高達450°C，高溫環境將Pizza焗到外脆內輕韌㗎。芝士控必食Cacio e Pepe～唔使多餘配料，成個Pizza都鋪滿馬蘇里拉芝士、車打芝士，一拎起即刻極量拉絲!! 鋪滿爆多芝士嘅批底軟綿綿啲，每啖都係芝士味勁滿足。
【創作薄餅】
Nduja di Manzo
如果你為Pizza而嚟，呢款Nduja di Manzo(晚市套餐+$48)好值得試，因為好難喺其他地方食到。主角係自家製牛肉Nduja腸，比一般香腸軟綿有肉感，一入口就好香辣，同時又有多種芝士、乳酪平衡吓。
【意粉】
Alla Bolognese
“Abbraccio”由外籍大廚主理，意粉、肉扒都做得高質。呢道Alla Bolognese望落係普通肉醬意粉，實際上係用慢煮牛肉做，完全無混入豬肉，所以牛味特濃㗎。
Salmone e Panna
想食啲海鮮解吓膩，Salmone e Panna有滿滿煙燻三文魚，用白酒、白蘭地煮製，富酒香又輕盈。
【肉扒】
Filetto牛柳
呢度有自己嘅熟成牛扒櫃，其實淨係嚟鋸扒都好吸引。Filetto牛柳有220g，輕鬆一刀切到底好軟嫩，入面仲係好粉紅。大廚用咗鼠尾草、迷迭香突出肉味，一上枱就聞到好香啦。
【甜品】
Tiramisu Classico
點估到手工薄餅店，招牌之一係甜品—Tiramisu Classico。自家用意式軟芝士(Mascarpone)、可可粉、手指餅同Espresso製成，食落軟綿綿幾濕潤，仲好重咖啡香，女生必食呀!!
Abbraccio
地址: 中環雲咸街75-77號嘉兆商業大廈5樓
電話: 26333878