多數夜晚先諗起印度菜? 原來呢間靚靚宮廷風印度餐廳“CHUTNEY”，午市套餐只係$148/人，就有前菜、主菜、印度烤餅、甜品；仲可以優惠價追加Tandoori烤肉拼盤(澳洲五星羊排、烤澳洲盲鰽魚、烤Malai雞肉)。
只需+$40即享Mango Lassi/啤酒/紅白酒等；+$28就有汽水/青檸梳打/Masala Tea，下晝想同朋友飲嘢chill吓幾抵㗎。
“CHUTNEY”午市套餐只係$148/人，有前菜、主菜、印度烤餅、甜品。
“CHUTNEY”由外籍大廚完美還原傳統印度料理，一入門口嘅懸垂金色綢絹幾靚㗎。今次Summer Menu午市套餐，都有多款印度地道料理選擇，如炸小圓餅(Chaat)、燉羊肉(Keema Pav)、奶油雞(Chutney Butter Chicken)等；素食人士亦可揀粟米咖喱(Baby Corn Curry)。
全部主菜都免費選擇1份原味印度烤餅/葫蘆巴葉印度烤餅/蒜香印度烤餅，食埋是日甜品真係好豐富啊。
“CHUTNEY”門口嘅懸垂金色綢絹好唯美。
“CHUTNEY”午市套餐菜單。
【前菜3選1】
Bhalla Papdi Chaat
呢款印度街頭小食，脆餅上面會淋滿印度醬料Chaat Masala，香濃又脆卜卜。
Squid
鍾意食辣嘅話一定要揀魷魚啊～香辣輕甜，而且辣得好快好衝撃味蕾。魷魚都大隻彈牙，越咬越辣嘅感覺好正。
Keema Pav
完全係主菜份量嘅Keema Pav喺印度好常見㗎。個包仲係好熱同鬆軟，自己舀啲肉碎上去一齊食，口感好豐富啊。
【主菜3選1】
Chutney Butter Chicken $198
“CHUTNEY”招牌菜之一嘅印度牛油雞，炭燒本地黃雞勁香!! 連埋個牛油汁真係好開胃。咖喱唔會好濃味，輕甜帶奶香，配印度烤餅一流呀。
Fish Chatpat Curry
印度東部有好多特色咖喱魚料理，魚肉會煎到輕焦再加入香料、蔬菜、醬汁一齊燉煮。魚肉輕焦內嫩，比平時食開嘅魚料理有驚喜。
Asparagus Corn Masala
一向好受歡迎嘅素食咖喱，會用大量印度特色香煮製。入口先食到柔滑咖喱汁，然後又有粟米嘅爽甜，夏天食幾清新啊。
【免費跟配印度烤餅1份】
“CHUTNEY”店內有兩個大Tandoori窯爐，可以即場炭烤薄餅、肉類同海鮮。今次食嘅印度烤餅都係喺度新鮮出爐㗎，有3款口味揀—原味印度烤餅/葫蘆巴葉印度烤餅/蒜香印度烤餅。
新鮮出爐好再炭香。
午市套餐免費揀選印度烤餅1份—原味印度烤餅/葫蘆巴葉印度烤餅/蒜香印度烤餅。
CHUTNEY
地址: 中環雲咸街75-77號嘉兆商業大廈4樓
電話: 23300027