情人節晚餐想有個大海景，可以試吓將軍澳海傍呢間“THE HUNTER”，坐室外有一望無盡嘅海景天際線，仲有個鞦韆位打卡。室內嘅海洋風裝潢都好靚，大玻璃門超開揚。
“THE HUNTER”特設JOSPER焗爐，係香港好少食到嘅真·炭燒!!所以嚟到好值得試佢哋嘅炭燒牛扒，好有獨特風味㗎。今年外籍大廚為大家準備咗《THE HUNTER Valentine’s Day Special》，有炭燒澳洲牛柳之餘，仲有吞拿魚他他、和牛芝麻菜卷等等；仲可以優惠價$298追加新鮮海鮮拼盤，有新鮮生蠔(2隻)、半隻波士頓龍蝦、青口、沙白蜆等，有扒有海鮮正啊！
戶外鞦韆打卡位。
坐室外有一望無盡嘅海景天際線。
室內海洋風裝潢，特設大玻璃門超開揚。
即刻睇詳情~
《THE HUNTER Valentine’s Day Special》$520/位
THE HUNTER Valentine’s Day Special $520/位
【COUPLE SHARING】新鮮海鮮拼盤+$298
新鮮生蠔(2隻)、半隻波士頓龍蝦、青口、沙白蜆、粉紅蝦
好推薦大家用優惠價+$298追加海鮮拼盤，一坐低食啲海鮮、飲啖白酒好有儀式感。
新鮮海鮮拼盤+$298
【FIRST LOVE For Him & For Her】
吞拿魚他他 & 和牛芝麻菜卷
之後就有2道前菜，分別以吞拿魚、和牛做主角，一次滿足想食海鮮同牛嘅情侶。
吞拿魚他他特選黃鰭吞拿魚，肉質特別細膩又有海水味，混合泡菜、茄子蓉、Hunter自家招牌醬汁，口感綿密好開胃。
吞拿魚他他
用和牛捲住芝麻菜嘅食法，有種外嫩內爽嘅獨特口感，上面仲有塊脆脆巴馬臣芝士𠻹。和牛原始肉味都好突出，相信一眾牛控都會鍾意。
和牛芝麻菜卷
【ROMANTIC MAIN COURSE】
澳洲牛里脊 / 煙燻扁鱈魚 配陳年香醋 / 蟹肉意大利飯
3道主菜中，私心推薦係澳洲牛里脊，始終“THE HUNTER”係炭燒扒房，最值得食一定係炭燒澳洲牛里脊，加埋自家熬出嚟嘅牛肉汁精華好正!!
澳洲牛里脊
第一次食陳年香醋煮嘅銀鱈魚柳，有糖醋骨嗰種甜酸風味。而入面嘅魚肉又好軟嫩，沾滿牛油魚子醬汁一齊食又有另一種風味，真係幾驚喜。
煙燻扁鱈魚 配陳年香醋
以可持續海鮮—登格斯蟹(Dungeness Crab)入饌，對海洋環境更友善外，蟹肉都好鮮甜又有海水味㗎。大廚用濃郁番茄、貝類醬煮製，意大利飯creamy鮮甜。
蟹肉意大利飯
【SWEETS FOR SWEETHEARTS】
玫瑰及大紅花炖梨 配生朱古力及朱古力醬
最後甜品有精緻典雅嘅花花炖梨，會即席喺你面前淋上嘅朱古力醬，加埋伴碟嘅生朱古力一齊食，完美融合果肉同朱古力甘甜，相當有層次內涵。
玫瑰及大紅花炖梨
《THE HUNTER 午市套餐》
除咗情人節套餐外，平時想嚟“THE HUNTER”睇海景chill吓，都好推薦大家試《THE HUNTER 午市套餐》。價錢依每道主菜決定，最平$118就有沙蜆扁意粉；同場仲有澳洲36號濕熟成南部牛扒M2+、澳洲36號乾熟成21天南部助眼M2+、蟹肉意大利餃、軟殼蟹漢堡等。
真心全部主菜都好吸引!! 午市仲包括甜品、飲品；另優惠價+$18追加是日餐湯 或 地中海沙律，CP值好高啊。
即刻睇詳情~
THE HUNTER 午市套餐
【STARTER 2選1】是日餐湯 或 地中海沙律(+$18)
只要優惠價+$18就可以追加是日餐湯 或 地中海沙律。地中海沙律有迷你羅馬生菜、橄欖、紅洋蔥、石榴等，配上自家醬汁清爽輕甜。
是日餐湯
地中海沙律
【MAIN】
沙蜆扁意粉$118。以蒜頭、辣椒粉、特級初榨橄欖油煮製。
米蘭雞扒$128。炸雞胸肉配濃郁番茄醬、新鮮芝麻葉沙律及刨碎巴馬臣芝土。
蟹肉意大利餃$138，滿滿海鮮醬好滿足。
The Hunter軟殼蟹漢堡$148。有大大隻軟殼蟹、泡菜、生菜、半乾番茄等，跟配薯條。
澳洲36號濕熟成南部牛扒M2+ $208。呢個價錢有咁大塊熟成牛扒相當抵食，跟配薯條及青胡椒醬。
澳洲36號乾熟成21天南部助眼M2+ $308。同樣跟配薯條及青胡椒醬。
【DESSERT】
雲呢拿焦糖布甸。以經典法式甜品作結，口感柔滑並富焦糖風味。
THE HUNTER
地址: 將軍澳唐賢街29號藍塘傲地下11號舖
電話: 23300204