好多人對中菜印象就係嘈得熱鬧，一大班人share幾道小炒。其實中菜都可以好典雅，就算情侶拍拖、閨蜜約會都好啱氣氛。荃灣西如心酒店中菜廳「如」佔地11,000平方呎，耗資三千萬裝潢。環境高貴，用餐區設落地大玻璃飽覽海景。同場5間VIP房供預訂，享受私隱空間。
「如」由葉振文師傅主理，葉師傅曾於多間著名中菜廳掌廚，憑藉豐富經驗將現代元素融入經典菜式。想一嚐葉師傅手藝，而家星期一至四晚都有CP值高套餐—「如」嚐味菜單，只需$588/人就有6道中菜+2道甜品喇。
「如」嚐味菜單
日期：即日起至2023年12月14日(逢星期一至四晚) 價錢：$588/位
至尊蜜汁叉燒、話梅番茄
蟲草花螺頭燉雞
鮮蘆筍炒鮮帶子蝦球
6頭南非鮑魚扣鵝掌
花膠絲鮮竹濃湯浸時蔬
鮑魚粒荷葉飯
蝶豆花豆腐凍
如心蝴蝶酥
*以上價錢已包加一，另付茶芥 *套餐每日限量供應，指定日子除外 |
今次限定「如」嚐味菜單用上矜貴食材，仲可以食到多款招牌菜式。前菜先以酒店級自家燒製至尊蜜汁叉燒揭開序幕，香濃麥芽糖漿包裹半肥瘦叉燒，微焦燶邊好香脆，入口鬆軟香甜。
品嚐叉燒過後，配以另一招牌—話梅番茄。以話梅製作嘅自家漬物，酸酸甜甜解膩開胃。
單單前菜已經由2道招牌菜開始，可想而知高級料理陸續有嚟。及後呈上滋陰養腎蟲草花螺頭燉雞，長時間燉煮逼出螺頭鮮味。
酒店廚師團隊先準備鮮蘆筍炒鮮帶子蝦球，以鮮味清新味蕾，令你後續沉浸式享用矜貴中菜—6頭南非鮑魚扣鵝掌。以傳統煮法熬煮鮑魚，香濃入味、肉厚彈牙，配上鵝掌絕對係經典組合。
賣相精緻嘅花膠絲鮮竹濃湯浸時蔬，花膠絲鋪滿時蔬，儼如高貴版麵條好有新鮮感。每啖花膠絲都掛滿濃湯，Q彈濕潤好獨特。
最後仲有鮑魚粒荷葉飯，打開小巧荷葉飯好足料。荷葉飯粒粒分明，每啖都食到鮑魚粒㗎 。
最後甜品都好IGable，唯美藍色蝶豆花豆腐凍，為晚餐劃上完美句號。
如
地址: 荃灣楊屋道8號荃灣西如心酒店7樓
電話: : 2280 2923 / 5970 0532
