原來聖誕食泰菜都可以好唯美，泰國fusion餐廳“ASOK THAI GARDEN”係冬日白色小屋主題，雪花裝飾、木材餐桌加上柔和燈光，營造靜謐浪漫用餐環境，估唔到泰菜都可置身冬日雪地嘅夢幻氛圍啊。
$1288 (需四日前預訂)
今個冬日於12月16至31日期間，Asok團隊精心設計聖誕限定菜單，可以自選Combo之餘，仲有超大隻6kg火雞!! 火雞釀入香草、火雞腎、栗子慢煮3.5小時至嫩滑入味，再200°C焗脆雞皮。食嗰陣撕開雞髀仲爆出肉汁，好少食到咁juicy嘅大火雞，節日氣氛滿滿！好啱8至10人食個豐富聖誕大餐啊。
聖誕限定菜單中最驚喜係「炸手打蝦球配冬蔭薯仔泡沫」，向《黑白大廚：料理階級大戰》港式點心女王鄭智善嘅「麻辣奶油蝦」致敬。加入泰菜元素—新鮮蝦球及冬蔭薯仔泡沫，又脆又酸辣好過癮。
"ASOK THAI GARDEN” 聖誕限定菜單 $288
聖誕限定料理 自選Combo 前菜 及 主菜各一 限定料理選擇 前菜 炸手打蝦球配冬蔭薯仔泡沫 香辣布包芝士配薄荷草莓醬
主菜 泰皇虎蝦白咖喱蟹肉意大利飯 法式鵝肝鵪鶉千層批配金巴利燒汁
甜品 雲尼拿栗子冧酒蛋糕$88 香梨檸檬朱古力蛋糕$88 |
【前菜】
炸手打蝦球配冬蔭薯仔泡沫
港式點心女王鄭智善嘅「麻辣奶油蝦」於節目中成為最暢銷菜品，嚟到“ASOK THAI GARDEN”真係要試吓泰式變奏版啊!! 外層炸到酥酥脆脆，咬開入面係彈牙鮮甜嘅新鮮蝦球。
大廚巧妙以特製冬蔭薯仔泡沫取代一般醬汁，更輕盈地呈現清新酸辣風味，撞上強勁脆感蝦球都唔會膩。
香辣布包芝士配薄荷草莓醬
芝士控一定要食嘅流心水牛芝士!! 一切開即刻爆出奶香，加上泰式微辣香料粉、薄荷草莓醬，撞出微辣清爽層次。相比平時食嘅水牛芝士更有新鮮感，又有聖誕氣氛。
【主菜】
泰皇虎蝦白咖喱蟹肉意大利飯
表面好似平時嘅意大利飯，但虎蝦真係有驚喜。先以南薑、蒜、檸檬葉醃製，令蝦肉有種泰式鮮味。食嗰陣將蟹肉撈勻，綿綿密密又有東南亞風味，幾正。
法式鵝肝鵪鶉千層批 配金巴利燒汁
如果你好重視聖誕儀式感，可以揀呢道傳統法國菜。千層批皮係層層酥脆口感，入面有鵝肝、鵪鶉、煙肉，每啖都好鹹香豐富，餘韻仲有鵝肝油香。蘸啲果香甘甜嘅金巴利燒汁，更感受到法國菜嘅精緻，情侶約會必點。
【甜品】
“ASOK THAI GARDEN”另有自家餅店，所以全店甜品都喺自家餅房，每日新鮮製作。就算平時嚟食飯，都好值得嗌個甜品食㗎，即刻睇埋有咩聖誕限定甜品先～
雲呢拿栗子冧酒蛋糕$88
以精選雲呢拿同栗子為基底，做出柔滑綿密質感。入口仲有淡淡冧酒味，恰好平衡甜度啱啱好。
香梨檸檬朱古力蛋糕$88
將新鮮梨子同清新檸檬，融入濃郁朱古力，充滿佳節甜蜜幸福感，為聖誕晚餐畫上圓滿句號啊。
【聖誕限定特飲】
“ASOK THAI GARDEN”嘅飲品一向唯美打卡，嚟食聖誕餐梗係要飲埋Cocktail或Mocktail先圓滿。Cocktail有Fireball威士忌及新鮮蘋果汁嘅Apple Craze；又有Baileys及伏特加相結合，形成濃郁朱古力風味嘅Rocky Road。
Fireball Whiskey
Apple Craze
Rocky Road
Mocktail就有蘋果汁、葡萄柚汁、原個橙煮至溫暖嘅Mulled Wine，感受冬季溫馨；另有結合蔓越莓汁、蘋果汁、新鮮士多啤梨嘅Cheesy Berry，上層乳酪奶泡有驚喜。
Mulled Wine
ASOK THAI GARDEN
地址: 荃灣楊屋道1號荃新天地UG樓UG37號舖
電話: 26681007