每到夏天就好掛住海風撲面嘅感覺～其實喺香港都可以去個小旅行㗎。將軍澳恬靜海傍就有呢間A Tavola，食完飯沿海影相、踩單車好chill，餐廳更設海景戶外座位。無論你係將軍澳街坊，定放假想嚟海邊放鬆吓都好啱。
難得放假梗係想帶埋狗狗同行啦，A tavola 亦係一間寵物友善餐廳，同狗狗一齊望海食嘢不是夢。作為一間酒吧餐廳，呢度嘅Happy Hour時段相信係全港最長之一～因為午市、悠閒下午茶、晚市都有Happy Hour優惠㗎！同場仲食到高質意大利料理。
講起意大利菜，好多人只諗起速食pizza、意粉，其實地道意大利菜好高質㗎。所以A tavola 特別從可靠知名嘅本地、國際供應商引入新鮮健康食材，並將傳統意大利菜發掘更多可能性。
呢度有頂級烤肉、自家製pizza、高質意粉，同埋令人零抵抗力嘅甜品，好啱三五知己share㗎。
意式炸海鮮Seafood Fritto Misto
勁香脆～Fritto Misto(多款炸物拼盤) 係一道好有趣嘅意大利菜，有好多脆炸海鮮同香料，配辣椒蛋黃醬同甜辣醬，好啱一班人開心share。
番茄布拉塔沙律Tomato Burrata Salad
沙律混合多種vine ripe番茄，配上好creamy嘅布拉塔芝士、羅勒、意大利香醋同檸檬醬。
香烤八爪魚Pacific Grilled Octopus
如果你都鍾情Q彈口感，呢道香烤八爪魚好值得一試。咬落Q彈軟嫩，仲有淡淡煙燻香，Happy Hour佐酒一流。配菜有薯仔、番茄同自製莎莎醬
香煎牛柳Beef Tenderloin 8oz
一咬落牛柳就feel到菲力牛柳一貫賣點—全牛最嫩肉位！配埋大廚特調醬汁牛味更濃。記住食埋伴碟嘅薯蓉、蘆筍同小番茄，吸咗肉汁好好食。
香烤豬肋骨Baby Back Ribs
呢款香烤豬肋骨係用自家製乾調味料醃法，再塗上燒烤醬焗至嫩滑可口，特別惹味。配以薯條、花園沙律同涼拌菜。
肉醬千層麵
大廚一手包辦呢道傳統意大利料理，牛肉肉醬特以慢煮處理，更腍更有肉味。當中嘅意式白醬更係靈魂，每啖千層麵都掛滿醬汁肉醬，濃郁豐富，食完有滿滿力量去海邊遊山玩水呀。
蘑菇意大利飯
意大利飯，係意大利家傳戶曉嘅地道料理。大廚亦依傳統意大利煮法，將全素配料煮得濃郁creamy，每啖都食到菌香㗎。
熱情果及白朱古力慕絲
好多人話甜品係第三個胃，特別係呢款忌廉白朱古力熱情果慕絲，係令人好回味嘅夢幻搭配。
A Tavola Bar & Grill
地址: 將軍澳澳南海岸唐俊街23號MONTEREY Place 地下G08號舖
電話: 26633321