近年嚟自台灣嘅「築間酸菜魚」、「築間幸福鍋物」相繼登陸香港，2024年6月「築間台灣鹹酥雞」都強勢進駐旺角，全力打造築間一條街。
「築間台灣鹹酥雞」研發主廚係台灣老店工作超過20年嘅老師傅，喺銅鑼灣店已經賣出上萬份鹹酥雞啦，更曾登上OpenRice收藏榜第9名。秘訣係用咗最啱做鹹酥雞嘅雞肉，經過獨家中藥醃漬配方同裹粉技術；再用埋頂級油品酥炸出多層次口感。
最最最重要係，最後會灑上台式秘製椒鹽粉，做出傳統老店嘅終極經典滋味。
嚟到食鹹酥雞外，仲可以食埋心心念念嘅台灣夜市炸物啦～炸金針菇、炸杏鮑菇、米血糕、雞心串等等都有，勁有風味啊。
【2024年7月精彩優惠】
除咗單點小食，揀人氣套餐更抵食㗎!! 可以自選主餐、小食及飲品，最後揀埋辣度(小辣/中辣/大辣)同調味(蒜頭/九層塔/洋蔥蔥花)啦。為慶祝新店開幕，「築間台灣鹹酥雞」推出一連串精彩優惠！2024年7月連續每日推出指定套餐減$10優惠；同時可享會員優惠，累積滿一定點數後即可到「築間幸福鍋物」或「築間酸菜魚」兌換指定食品，唔使飛台灣都可以食盡築間美食啦。
【指定套餐優惠】
由2024年7月1日至7月31日，凡購買$70套餐及指定主食，即享減$10優惠！(套餐包含1款主餐、1款小食、1杯飲品)
星期一指定主餐: 鹹酥雞 星期二指定主餐: 鹽酥三角軟骨 星期三指定主餐: 鹽酥松阪豬 星期四指定主餐: 雙拼雞 星期五指定主餐: 炸蝦滑 星期六指定主餐: 炸軟絲 星期日指定主餐: 炸鱸魚 |
【會員優惠】
累積指定點數即可到「築間幸福鍋物」或「築間酸菜魚」兌換肉品、海鮮或炸物，即睇會員點數攻略～
- 於「築間台灣鹹酥雞」消費滿$50，即可累積1點 - 當月壽星得3點 - 成為新會員可立即獲得5點 |
【必食!! 招牌炸物】
鹹酥雞$35
高質鹹酥雞講究鮮嫩多汁，所以「築間台灣鹹酥雞」選用彈牙雞腿肉，利用特別按摩手法，將獨家中藥醃漬配方完全滲入肉塊。獨門中藥配方以五香粉為基底，再加入特製醬油、鹽、酒、蒜蓉等醃料，完美提升香氣。油炸前會沾上粉漿鎖住水份，再裹上粗地瓜粉靜置幾分鐘，等地瓜粉完全貼服雞肉後，再撒上一層薄薄粗地瓜粉。
經過三段式特殊裹粉技術先可以完美鎖住肉汁，做到真正外酥內軟。最後將剛起鍋嘅鹹酥雞迅速混和獨門椒鹽、九層塔同新鮮蒜片，一啖咬落去充分感受到雞肉爆汁、鹹香甜嫩口感，對住台灣鹹酥雞真係欲罷不能啊！
鹽酥蝦滑$35
使用純度高達90%嘅白蝦蝦滑混入魚漿，透過人工拋打多次增加黏性。用料單純、蝦肉飽滿，經過少量調味後裹粉油炸，表面口感酥脆，內裡清爽鮮甜。就算放置一段時間後，仍然可以感受到彈牙嚼勁㗎。
松阪豬$35
選用每一隻豬只能取出兩塊豬頸肉嘅珍稀部位，肉質油脂豐富，口感鮮甜爽脆。以辛香料稍微醃製後，經過二次油炸去除多餘油脂與水分，食落有迷人肉香同曲奇般嘅酥脆表面。
鹽酥三角軟骨$28
三角軟骨係雞胸附近最爽脆彈牙部位，一隻雞只能取出一塊。除咗保有更好脆度同膠質外，仲帶著少少肉絲，雞肉香味存在感好強！如果再飲啖啤酒，就係台灣人宵夜必備嘅平民必食配搭啦！
【脆口小食】
金針菇$15
金針菇經過油炸後，好容易吸收油脂同流失水分。所以要炸出酥脆金針菇，「築間台灣鹹酥雞」秘訣在於使用日本天婦羅粉，並以特殊比例調製成秘製漿水，形成薄膜包覆整棵金針菇。最後撒上地瓜粉油炸出外脆內軟口感，又脆又清甜好吸引。
杏鮑菇$15
酥炸杏鮑菇喺台灣夜市好高人氣，口感好似雞肉㗎!! 深受素食者喜愛。經過油炸後，菇類天然香氣更加濃郁。同台式獨門椒鹽粉絕對係Perfect Match！爆發嘅鮮甜菇汁同胡椒辛味，交織出能令人再三回味嘅香甜滋味。
【地道台式飲品】
冬瓜檸檬／阿里山烏龍冷泡茶$23
喺台灣最開心就係一邊食香脆小食；一邊飲冰涼台式飲料～想喺香港回味美好時光，當然要飲埋清甜冬瓜檸檬，同埋清新純粹嘅阿里山烏龍冷泡茶啦。解渴又充滿台式風味，同各式酥脆小食一級絕配啊！
築間台灣鹹酥雞
地址: 旺角砵蘭街240-244號文華商場1樓C號舖
電話: 35966198