最近Cinnamoroll忙緊咩呢? 原來Cinnamoroll正為黑木亭居酒屋肩負重任，擔當海鮮採購員從豐洲市場入手時令海鮮，滑溜迅速穿梭魚市場，今次採購行程好順利， Cinnamoroll成功將滿滿漁獲帶到「黑木亭」啦。2024年11月17至 2025年2月16日，一齊嚟同Cinnamoroll享用美食啦。
此外，呢度定期新推打卡料理，就算成日嚟都有驚喜。好似今個12月開始就有冬季限定—*請勿打擾*熊の壽喜鍋、鯛魚湯百寶海鮮鍋 配秘製沖繩菠蘿醬汁、熊之降臨豆乳豬骨鍋等等等，多款鍋物都大大份!! 最鍾意有熊仔湯冰嘅壽喜燒，望住熊仔慢慢融真係好療癒啊。
【冬季限定品】
*請勿打擾*熊の壽喜鍋
一上枱就好靚嘅熊の壽喜鍋，熊仔湯冰會慢慢融化壽喜燒湯出嚟，真係少女心爆發!! 可以自選A5宮崎和牛/爽脆豚肉片 或 雙拼都得，全部7折幾抵食。
*請勿打擾*熊の壽喜鍋，超爆滿和牛!!
熊仔湯冰會慢慢融化壽喜燒湯。
鯛魚湯百寶海鮮鍋 配秘製沖繩菠蘿醬汁
海鮮fans一定要試嘅百寶海鮮鍋，鍋邊放滿日本松葉蟹、南非鮑魚、生蠔、鱔、大蝦等等等，想食咩就直接喺鍋邊夾幾方便。跟配蘿蔔蓉香蔥汁、秘製沖繩菠蘿汁，酸酸甜甜更突出鮮味。食到最後真係忍唔住飲埋湯汁，集合晒海鮮精華勁鮮甜啊。
鯛魚湯百寶海鮮鍋，集合多款新鮮海鮮。
熊の降臨豆乳豬骨鍋
配M7澳洲和牛珍寶雜錦盤 優惠價$378(原價$540)
另一款熊仔鍋係豆乳豬骨湯底。熊仔湯冰係天然豆乳雪成，開火後慢慢融入豬骨湯底就食得啦！自家製豬骨湯底係用骨筒、豬肉熬10幾個鐘而成，零味精好乳白濃郁㗎，用嚟淥和牛好正!! 鍋料豐富，有M7澳洲和牛、帆立貝、豬腩片、野菜等。
熊の降臨豆乳豬骨鍋，自家製豬骨湯底零味精。
【刺身生蠔精選】
原板時令海膽40g | 5折$198/份(原價$396/份)
5折食原板海膽CP值極高!! 口感好滑膩，會慢慢滲出天然甜味同海水味㗎。
多國生蠔 | $48 買一送一
生蠔優惠就有嚟自法國、西班牙、愛爾蘭3款生蠔揀。3個地方生蠔都各有特色，試晒3款已經有半打生蠔啦～
-法國Les Huitres St Martin$48 蠔肉飽滿富海水味
-西班牙Castillo$48 厚身鮮甜
-愛爾蘭 Irish Rock $48 肉質飽滿爽脆
【A5宮崎和牛精選】
「黑木亭」長期喺飯聚bucket list上，因為呢度有好多A5宮崎和牛料理啊!! 撞啱優惠期真係好抵食。呢期仲有特製淡忌廉芝士醬，鹹甜鹹甜嘅層次，有種著迷上癮感覺~
金山和牛塔7折$238 (原價$340)
真係堆到座山咁高嘅和牛塔!! 仲加咗罕有牛眼蓋肉位，嫩到好似入口即融嘅感覺啊。食之前淋滿特製芝士醬，再戳開蛋黃好似火山爆發咁澎湃～ 入面係滿滿椰菜絲，連埋和牛、芝士醬一齊食解膩啱啱好。
三味鐵板A5和牛鵝肝 | 7折$298 (原價$428)
超豐盛鐵板啊～ 有燒到半熟嘅厚切和牛、大蔥蒜蓉和牛，見到粉嫩肉色已經心心眼。另一主角燒鵝肝都好吸引!! 奢華細膩口感，配蘋果平衡油香啱啱好。
三味鐵板A5和牛鵝肝，一次滿足和牛同鵝肝嘅心。
和牛好厚切，入口依然化出油脂。
【黑木亭冬季創意料理】
松葉蟹芝士石鍋海鮮飯
又嚟到松葉蟹既時令季節，秋冬期間蟹肉特別豐滿鮮甜㗎。「黑木亭」都喺日本引入松葉蟹，揀呢款松葉蟹芝士石鍋海鮮飯就食到啦。
松葉蟹芝士石鍋海鮮飯，一嚐秋冬時令松葉蟹。
石頭鍋飯上面，鋪滿特製芝士醬。
【黑木亭 X Cinnamoroll】
忌廉咖喱蝦飯糰 配炸洋蔥圈
Cinnamoroll嘅柔和藍白色化身忌廉咖喱，跟配香脆炸洋蔥圈，又脆又軟綿好吸引。最大難題係Cinnamoroll飯團太可愛，真係唔捨得食!!!
雜錦漁上刺身四點 配日本珍珠米飯團
Cinnamoroll喺豐洲市場搜羅好多新鮮漁獲，自己動手用印有Cinnamoroll的紫菜及尾巴圖案飯團自製壽司啦，好食又好玩。
蟹膏甲羅多士
每件多士都印上Cinnamoroll採購員造型，可愛模樣融化粉絲嘅心～ 將蟹膏甲羅撈勻，伴上Cinnamoroll多士一同享用啦~
玉子吉列豬扒三文治 配南蠻醬
注意注意!! 三文治都有Cinnamoroll同尾巴圖案出沒，並有玉子燒及麵包兩款三文治口感。藍色南蠻醬上嘅蟹仔餅都好得意，配埋三文治一齊食會點呢?
海の檸檬梳打
士多啤梨荔枝梳打
棉花糖梳打跟配有Cinnamoroll粉色飲管，並會隨機配上一塊杯墊(共4款)。梳打上面嘅棉花糖海洋仲食得𠻹，完全少女心爆發。
爆谷荔枝焦糖布甸
藍白雲朵伴隨Cinnamoroll馬卡龍出現，一脆一軟嘅爆谷及布甸組合都有口感驚喜。
雲呢拿海鹽雪糕多士
Cinnamoroll終於完成採購任務，於是帶大家嚟到日本祭典玩樂慶功，一同品嚐夢幻藍色啫喱。享用甜品後，碟中神秘圖案就會現身，好期待啊。
「黑木亭」更為粉絲準備大量Cinnamoroll精品，包括3款Cinnamoroll浴巾、Cinnamoroll吉祥物鑰匙扣、Cinnamoroll密胺瓷碟、Cinnamoroll海鮮採購員造型嘅綿質T恤或多用途尼龍購物袋等。
Cinnamoroll活動不設OpenRice訂位。如有查詢請 WhatsApp 65194553 https://wa.me/85265194553 或在小紅書商業號查詢。
【2024年12月 - 2月冬季優惠一覽！】
唔好錯過精彩優惠～
優惠1: 原板時令海膽40g | 5折$198/份(原價$396/份)
優惠2 限定版清酒 | 買一送一(低至$398/2支) - 米一途 純米酒 $398/2支(720ml) - 本月特選限量版 $538/2支(720ml) - 大嶺三粒米 純米吟釀 $728/2支(720ml) *全日供應。不適用於星期五
優惠3 多國生蠔 | $48 買一送一 - 法國Les Huitres St Martin$48 << 蠔肉飽滿富海水味 - 西班牙Castillo$48 << 厚身鮮甜 - 愛爾蘭 Irish Rock $48 << 肉質飽滿爽脆
優惠4 生日優惠(正日前後一週內) - 訂位免切餅費 - 免費生日驚喜大燈牌 及 生日歌助慶／點播你心水歌曲 - 消費滿$1,500，即送指定甜品1份(附設免費寫名服務) - 8人以上預訂「黑木亭」尖沙咀分店，免費升級VIP Private K房(必須電話及訂金確定)
以上優惠日期: 2024年12月1日 至 2024年2月28日(農曆新年照常營業) *如優惠時段相同，所有優惠可同時使用 *必須登記做會員，才獲得單點餐牌折扣優惠 |
黑木亭居酒屋 (尖沙咀店)
地址: 尖沙咀金馬倫道58-60號國鈀大廈地下至1樓
電話: 23296669