原來午市都有高質印度菜㗎～呢間絕美宮廷風印度餐廳“CHUTNEY”，午市套餐有前菜、主菜、甜品；免費跟配窯爐即烤印度薄餅一客。絕美宮廷風環境，體驗完全唔同嘅印度料理。
絕美環境，沉浸式享受印度氣氛。
門口懸垂金色綢絹好唯美。
【“CHUTNEY”午市印度套餐】
前菜 | 4選1
獅子唐辛子小食(Shishito Chilli Chaat)
炸到金黃嘅獅子唐辛子好搶眼，辣中帶脆幾香口。連埋茅屋芝士、乳酪、羅望子醬等一齊食，層次好豐富。
Tandoori 烤雞髀(Tandoori Tangdi Kebab)
“CHUTNEY”用餐區可透過大玻璃望到廚房，兩大Tandoori窯爐頻頻新鮮出爐，呢道烤雞髀就係其中之一喇!! 所以雞髀肉有陣炭香，上面仲灑滿巴馬臣芝士，配埋薄荷醬幾有風味。
大蝦印度青瓜沙律(Shrimp Kachumber Salad）
前菜揀沙律都幾吸引，全部外國直送嘅新鮮蔬菜，有心內美蘿蔔(Watermelon Radish)、迷你生菜(Baby Gems)、番茄等。醬汁係清涼嘅薄荷汁，加埋兩隻大蝦幾滿足。
咖喱燉菜(Keema Pav)
如果你鍾意濃味嘅印度菜，好推薦揀咖喱燉菜。鹹香碎羊肉超多超綿密!! 撈埋脆薯條中和吓膩感，配麵包食好吸引。
主菜 | 5選1(跟配印度薄餅)
幾款主菜都偏濃香，好夾免費跟配嘅印度薄餅啊，可揀原味／干胡蘆巴葉／蒜蓉味。
牛肉丸咖喱(Beef Goli Kebab Masala)
用牛肉剁成嘅牛肉丸，好食到牛肉肉感同香料味，咬開仲有啲肉汁𠻹，用薄餅夾住食又係另一種風味。
Chutney印度牛油雞(Chutney Butter Chicken)
今次午市套餐有招牌菜牛油雞，用午市價錢食好抵。炭燒本地黃雞，加埋個牛油汁勁香啊。咖喱都唔會好濃，輕甜帶奶香。
雜菜咖喱(Paneer Jalfrezi)(V)
素食者可以揀雜菜咖喱，濃郁咖喱加茅屋芝士，好啱配印度薄餅食。
雜菜印度香飯(Vegetable Biryani) +$48
好有地道風味嘅印度香飯，每啖都好食到乳酪雜菜，再配啖豆湯幾正。
雞肉香飯(Chicken Tikka Biryani)+$58
印度風味嘅煙燻炭烤雞肉幾大件，用薄餅包住雞飯食，雙重澱粉+蛋白質好滿足啊！
追加優惠 | 烤肉拼盤(Mix Tandoor Platter)+$318
同場仲可以用追加烤肉拼盤，有Tandoori窯爐燒澳洲五星羊扒、澳洲盲曹、印度烤雞。
CHUTNEY
地址: 中環雲咸街75-77號嘉兆商業大廈4樓
電話: 23300027