去居酒屋唔只食壽司刺身，出名IGable嘅「黑木亭」每個月推出創作料理，嚟到2024年9月就有萬眾期待嘅新鮮原隻波士頓龍蝦二食啦!! 正值優惠期間，黑糖啤酒拉麵2.0、山葵滿盤烤肉、三味鐵板A5和牛鵝肝等等都低至7折，鍾意好玩好食嘅話唔好錯過啊。
【2024年9月人氣新品】
秋季必食秋刀魚
而家係秋刀魚當造嘅季節，魚肉肥美，食落甘甘地，做刺身同燒物都合適，而魚皮燒過後特別香口，做下酒菜一流。
秋の直送-秋刀魚刺身 5折$198 (原價 $396)
日本直送-鹽燒秋刀魚 5折$198 (原價 $396)
新鮮原只波士頓龍蝦刺身/天婦羅 (2選1)
| 5折$359 (原價 $718) +$99 追加龍蝦芝士日式泡飯
5折就食到原只波士頓龍蝦!! 大隻多肉，仲可以揀一食/二食。舍人好鐘意一食嘅原只龍蝦天婦羅，炸到脆卜卜，龍蝦肉仲keep到好彈牙有蝦味㗎。
新鮮原隻波士頓龍蝦一食/二食都好吸引!! 龍蝦夠新鮮彈牙。
講到抵食啲就一定係二食，因為有貴價龍蝦刺身啊～龍蝦頭、龍蝦鉗同龍蝦殼仲可以放埋落鍋中，自己倒埋芝士、飯團入去自製龍蝦芝士日式泡飯，一班人share好啱啊～龍蝦天婦羅都可以+$99追加芝士日式泡飯。
【Bookmark低至5折優惠】
多國生蠔 | 買一送一
優惠涵蓋3款生蠔～
法國Les Huitres St Martin$48: 蠔肉飽滿又有海水味
西班牙Castillo$128: 就好厚身鮮甜
令和之怪物$178: 出名大隻嘅日本生蠔，豐富礦物味會於口中留有餘韻，蠔迷必試!!
時令海膽 | 半價$198(原價$396)
時令海膽海水味濃，半價好抵食。
山葵滿盤烤肉 | 7折$298 (原價$428)
好suprise烤肉+山葵咁好食!! 記住用生菜包住食，清爽辣辣地又唔會膩。上枱前已經燒好晒喇，有封門柳、豚角煮、洋蔥牛肉、菠蘿、墨魚腸等等等，食嗰陣繼續開火熱住食，完全係懶人烤肉呀。
山葵滿盤烤肉，完全係懶人烤肉。
用生菜包住烤肉、山葵食更有風味。
三味鐵板A5和牛鵝肝 | 7折$298 (原價$428)
超豐盛鐵板啊～有燒到半熟嘅厚切和牛、大蔥蒜蓉和牛，見到粉嫩肉色已經心心眼，就算咁厚切依然入口化出油脂。另一主角燒鵝肝都好吸引，奢華細膩口感，配蘋果平衡油香啱啱好。
三味鐵板A5和牛鵝肝，奢華享受和牛、鵝肝。
脆脆法包配和牛食，雙重口感。
骨膠原奶蓋牛骨鍋配韓式公仔麵 | 7折$298 (原價$428)
網民一直研究好多韓式拉麵食法，暫時未見呢個奶蓋牛骨鍋喎。用牛油忌廉打成嘅奶蓋鹹鹹甜甜，同時令拉麵更掛湯香滑。而牛骨味道存在感都好強，牛肉、蘿蔔都煮到好軟腍入味，輕甜啖啖肉。
骨膠原奶蓋牛骨鍋配韓式公仔麵，韓式拉麵又有新食法！
牛骨都有幾多肉㗎，炆到軟腍入味。
黑木亭原創 | 黑糖啤酒拉麵2.0 7折$128 (原價$183)
去年黑木亭原創嘅啤酒拉麵引爆人氣，終於等到強勢復刻啦，仲要進化做黑糖啤酒拉麵2.0！啤酒杯繼續裝滿特製拉麵，上層牛油忌廉新加入黑糖醬！豪氣拎住啤酒杯食拉麵，又鹹又甜好上癮。仲可以自己加啲紫菜絲、wasabi撈出自己口味。
強勢復刻！黑糖啤酒拉麵2.0
【打卡推介】
薄脆TACO
墨西哥 x 日本菜嘅創意Taco，共4種口味選擇—鵝肝牛肉$68／原條鰻魚$68／海膽魚籽$108／雞尾酒醬吞拿魚蓉$68。Taco皮好薄脆，未食已經見到餡料多到爆滿。私心鍾意大大件原條鰻魚，香甜啖啖肉；吞拿魚蓉就好似加咗脆片嘅壽司咁，口感豐富。
墨西哥 x 日本菜嘅創意Taco，餡料爆滿。
雞尾酒醬吞拿魚蓉，儼如壽司加脆片好豐富。
【打卡甜品】
新品布甸份量豐富，幾個人Share食都得。黃鴨士多啤梨焦糖布甸杯有隻好可愛嘅黃色鴨仔軟糖，一啖食晒忌廉、布甸同士多啤梨幸福感爆滿。
黃色鴨仔軟糖布甸杯好可愛啊。
另一款見到就手癢癢嘅爆谷發財焦糖布甸船，估唔到麻雀、熊貓軟糖擺埋一齊咁有喜感，麻雀友飯局一定要食，齊齊發財(笑)。
麻雀友必食布甸船，越食越旺!!
【尖沙咀食Lunch推介】
「黑木亭」午市都有多款抵食丼飯，燒菠蘿炒牛肉丼$88好啱女仔食，一啖肉一啖菠蘿唔會膩。鵝肝和牛石鍋飯$98真係熱辣辣石鍋上，熱力逼出鵝肝油香，食到最後仲有飯焦。
「黑木亭」午市有多款抵食丼飯。
【2024年9月 - 10月優惠一覽！】
唔好錯過精彩優惠～
優惠1: 晚市單點餐牌88折 晚市單點餐牌88折(星期五享9折)
優惠2: 限定版清酒 | 買一送一(低至$398/2支) - 米一途 純米酒$398/2支(720ml) - 本月特選限量版$538/2支(720ml) - 作 惠乃智 純米吟釀$728/2支(720ml) (全日供應。不適用於星期五)
優惠3: 午市單點餐牌85折 所有午市單點餐牌85折 (午市定食、所有套餐、本月推介 及 飲品除外)
優惠4: 人多有著數，你今晚飲咗未? 凡滿指定入座人數，即送酒類飲品:- - 5位以上，送清酒1支(180ml) - 8位以上，送紅/白酒1支(500ml) - 10位以上，送啤酒半打
優惠5: 生日優惠(正日前後一週內) - 訂位免切餅費 - 免費生日驚喜大燈牌 及 生日歌助慶／點播你心水歌曲 - 消費滿$1,500，即送指定甜品1份(附設免費寫名服務) - 8人以上預訂「黑木亭」尖沙咀分店，免費升級VIP Private K房(必須電話及訂金確定)
以上優惠日期: 2024年9月1日 至 2024年10月30日 *如優惠時段相同，所有優惠可同時使用 *必須登記做會員，才獲得單點餐牌折扣優惠 |
黑木亭居酒屋 (尖沙咀店)
地址: 尖沙咀金馬倫道58-60號國鈀大廈地下至1樓
電話: 23296669