OpenRice每年舉辦《OpenRice開飯熱點》頒獎典禮見證香港人心水餐廳！一直吸引自助餐fans encore再encore嘅唯港薈Hotel ICON內自助餐廳“The Market”，今年再度榮獲「優秀開飯熱店大賞2023—最優秀開飯自助餐」，並希望繼續用美食回饋食客。
踏入初秋，正值螃蟹當造季節。自助餐廳“The Market”即日起至2023年11月30日推出「時令蟹之盛宴自助晚餐」，酒店行政總廚何偉誠(Danny) 帶領廚師團隊網羅唔同蟹種，再以多國煮法製作各款螃蟹環球佳餚，全晚輪流供應好有驚喜，輕鬆食蟹食回本！
唯港薈Hotel ICON自助餐廳“The Market”，推出「時令蟹之盛宴自助晚餐」，一嚐多國蟹鮮滋味。
“The Market”嘅多國煮法一向好出名，自助區更設多個開放式廚房，料理都由當地廚師主理，可以欣賞大廚即席烹製，咁就更易mark實必搶新鮮出爐料理啦！
自助區設多個開放式廚房，方便mark實新鮮出爐料理。
今次冷盤至熱葷總共超過10款螃蟹料理，品嚐截然不同嘅蟹鮮味！首先有最高人氣嘅冰鎮長腳蟹，時令季節特別鮮甜多肉。其他冷盤仲有蟹肉牛油果沙律、蟹肉沙律脆多士為自助晚餐掀開序幕。
環球海鮮有冰鎮長腳蟹外，仲有各式新鮮海鮮。
想食盡螃蟹精華，必試以肉蟹熬煮嘅砂窩鮮味蟹粥，濃郁粥底吸滿肉蟹甜香，初秋食碗蟹粥暖胃特別舒暢。
砂窩鮮味蟹粥，濃郁粥底吸滿肉蟹精華。
濃味控一定唔可以放過香辣泰式軟殼蟹、韓式辣炒蟹肉年糕，連平時好高人氣嘅軟殼蟹都可以任食啦！金黃香脆軟殼蟹，配上泰式香料醬汁勁惹味；而傳統韓式炒年糕加咗肉蟹爆炒，Q彈又鮮味好有層次。
金黃香脆嘅香辣泰式軟殼蟹，配上泰式香料醬汁。
韓式辣炒蟹肉年糕，Q彈鮮味。
而高級中菜廳常見嘅花雕蒸百花蟹鉗，今次自助餐都食到啦。百花蟹鉗飽滿彈牙，每啖都散發花雕酒香氣，無論視覺定味覺都相當吸引。
花雕蒸百花蟹鉗，無論視覺定味覺都好吸引。
當然唔少得大家最愛嘅日式料理！依傳統日本丼飯做法嘅松葉蟹丼，鋪滿卜卜脆開嘅三文魚子。而香煎蟹肉包則外酥內軟，好香口㗎。
松葉蟹丼，鋪滿蟹肉同三文魚子。
香煎蟹肉包，外酥內軟好香口。
除咗一系列限定螃蟹料理，自助餐廳“The Market”繼續有經典美饌！各式刺身/壽司、冰凍海鮮、冷盤、北京烤鴨卷、海南雞飯、燉湯、印度咖喱、Godiva雪糕，全部源源不絕供應。
即製北京烤鴨卷，入口酥脆爆出油香。
講到必食之選，一定唔可以錯過矜貴嘅加勒比海野生龍蝦尾。唯港薈Hotel ICON一向以榴槤出品聞名，榴槤控仲可以捉緊榴槤季節的尾巴，飽嚐馳名榴槤甜品—迷你D24榴槤芝士撻、自家製榴槤雪糕、榴槤斑蘭菠蘿包等。
捉緊榴槤季節的尾巴，飽嚐多款榴槤甜品。
“The Market”環境優雅，好啱約會或親友聚餐。
The Market
地址: 尖沙咀科學館道17號唯港薈2樓
電話: 34001308