【隱世藍帶主廚】中環54折嘆晚市六道菜二人套餐! 3-8PM食法菜送Crémant

早年擺花街出名手工意粉嘅「紅館RaRe Restaurant」，因為重建被逼結業引嚟網民不捨。原來佢哋已經喺干諾道中開設新店，fans又可以食返高質手工意粉喇。

呢度由藍帶主廚Ryan同太太一齊家庭式主理嘅法國菜，新店仲有種去到外國小餐館食飯嘅感覺，原來呢個亦係Ryan初心。想大家嚟到好似外國人嘅氛圍，輕輕鬆鬆咩都食吓、飲酒傾吓偈。

六道菜晚市二人套餐 | 優惠$699/2位(原價$1,288/2位)

外國人鍾意一晚食幾道料理，所以Ryan設計咗3款套餐畀大家揀。最入門係「六道菜晚市二人套餐」，正值優惠價$699/2位(原價$1,288/2位)，有燒美國安格斯牛肉泰式青木瓜沙律、低溫慢煮雞胸冬陰功醬扁意麵、紅館姜母鴨等等。就算簡單如蘑菇湯，都係自家用蘑菇blend成，無額外加薯仔、麵粉，啖啖濃厚菌香都係真材實料啊。

六道菜晚市二人套餐菜單

第一道菜

巴馬火腿沙律

或

燒美國安格斯牛肉泰式青木瓜沙律+$28

第二道菜

蘑菇湯

第三道菜

低溫慢煮雞胸冬陰功醬扁意麵

或

新鮮龍蝦手打意大利關麵+$168

第四道菜

紅館姜母鴨

或

摩洛哥燴羊肉+$48

或

美國安格斯肉眼牛扒(10oz)+$188

第五道菜

芒果拿破崙

或

鮮果芝士撻

第六道菜

咖啡或茶

藍帶主廚Ryan，擅長以法國菜技巧煮製各國食材。好似「六道菜晚市二人套餐」嘅摩洛哥燴羊肉+$48，就以多種摩洛哥香料—花椒、丁香、肉桂、薑黃粉等燴製，羊肉煮到好軟腍，少辣暖胃好啱秋冬食。

摩洛哥燴羊肉

套餐前菜都絕不遜色，燒美國安格斯牛肉泰式青木瓜沙律+$28嘅牛肉燒到好粉嫩，夾埋酸甜清爽嘅青木瓜絲一齊食幾有層次。

燒美國安格斯牛肉泰式青木瓜沙律

呢度最出名係手工意粉，六道菜套餐有新鮮龍蝦手打意大利闊+$168，亦可揀低溫慢煮雞胸冬陰功醬扁意麵。前者用自家熬魚湯做底汁，加埋慢煮6小時龍蝦殼再過濾，龍蝦汁香濃不膩；後者有椰奶香，濃稠微酸辣，彈牙手工意粉幾掛汁。

意粉可揀: 低溫慢煮雞胸冬陰功醬扁意麵 (上) 或新鮮龍蝦手打意大利闊麵 (下)

紅館姜母鴨RaRe Ginger Duck Leg

呢度嘅姜母鴨係招牌菜，平時食開嘅中式口味都好重藥材味。而「紅館RaRe Restaurant」係用法國慢煮做法，抽真空65°C煮4小時，將鴨肉煮到入晒藥材味之餘，鴨肉比傳統做法更濕潤嫩滑。

呢度全部甜品都係自家製，六道菜套餐就有芒果拿破崙／鮮果芝士撻揀喇。

【Happy Hour & High Tea 】

除咗晚飯時段外，早啲嚟可以enjoy埋Happy Hour 或下午茶啊。

Happy Hour套餐 | $888(3pm-8pm)

好少見送成支酒嘅Happy Hour套餐!! 仲可以揀法國葡萄餐酒1支／法國氣泡酒Crémant 1支。套餐有一系列法國料理—法式香草焗蝸牛配薯茸、香草白酒牛油煮藍青口、燒椰菜花都好精緻佐酒。特別係唔顯眼嘅燒椰菜花，其實係Ryan最推薦嘅料理。因為椰菜花以海鹽、牛油燒到金黃，做到外脆內嫩口感，好多食客都覺得好驚喜。