近年大家報復式飛日本，都知日本人好鍾意夜晚去居酒屋飲酒食嘢，而家喺香港都可以感受呢種氣氛喇。尖沙咀和天后都有分店的「黑木亭居酒屋」，店家定期推出新料理，基本上每次嚟都有新嘢，keep住有新鮮感。而家仲有熊の降臨豆乳豬骨鍋7折、原隻鮮麵包蟹粥 7折、A5宮崎石燒厚切和牛7折、法國生蠔買一送一、火灸M7澳洲和牛壽司半價，同埋$68任飲啤酒/紅白酒優惠，熔岩梳乎厘，CP值好高!!
【人氣龍蝦料理】超抵必食
活波士頓龍蝦刺身2食 | 7折$498 (原價$711)
「黑木亭」足料抵食龍蝦料理，一向大受歡迎。今次新料理繼續有活波士頓龍蝦2食。龍蝦約1斤夠晒多肉肥美，一個價錢可以食盡刺身、意粉、龍蝦膏！正值麵包蟹季節，店家亦推出活麵包蟹粥、爆炒麵包蟹，一嚐出名爆膏鮮香嘅麵包蟹啦。
活波士頓龍蝦刺身 (一食)
首先有原隻活龍蝦刺身，龍蝦肉晶瑩爽彈，蘸少少芥末豉油提鮮，龍蝦鮮甜味會慢慢喺口中爆發。
新鮮龍蝦刺身特別鮮甜。
蜆肉龍蝦汁扁意粉(二食)
最濃郁嘅海鮮汁，就係全靠蝦殼熬製，更何況今次係用龍蝦殼熬汁。享受刺身後，師傅將龍蝦殼熬成醬汁，意粉掛滿龍蝦汁、蜆肉係另一種鮮味享受呀。
龍蝦殼熬汁極香濃，意粉掛滿龍蝦汁、蜆肉。
【麵包蟹季節來臨】
原隻鮮麵包蟹粥 | 7折$398 (原價$569)
麵包蟹嘅蟹鉗、蟹殼均有豐富蟹肉蟹膏，正值時令季節就更加肥美。有時外國人飲杯白酒，再配隻麵包蟹已經係一頓饗宴喇。「黑木亭」再下一城煮製原鍋麵包蟹粥，用均勻熱力逼出蟹鮮。
食之前將滿滿蟹籽、蔥花撈勻，食啖吸滿海鮮精華嘅綿密蟹粥，又再拎住隻蟹鉗食啖蟹肉，肉質結實又充滿海水味，最鍾意係隻手唔會留有蟹腥味，拎起酒杯再飲啖酒真係一大享受。
活麵包蟹粥有原隻麵包蟹，大鍋足料可供2至4人享用。
爆炒香辣麵包蟹 | 7折$398 (原價$569)
去居酒屋想食得香口啲，可以揀用韓式辣醬嘅爆炒麵包蟹。食嗰陣記住要舔埋蟹殼上嘅辣醬，少辣惹味絕對精華所在。
麵包蟹上嘅辣醬都好好食。
【秋冬鍋物】
熊の降臨豆乳豬骨鍋 配M7澳洲和牛珍寶雜錦盤
7折$338 (原價$483)
熊の降臨係一定要食嘅鍋物!! 一上枱已經畀熊仔冰吸引，趁佢未溶前就要影相喇。唔好以為啡色嘅豆乳熊仔冰加咗色素，原來純天然豆乳冰凍後會變啡色㗎。零味精豬骨湯底係自家用豬骨筒、豬肉等熬10幾個鐘，濃郁湯底集滿精華。熊仔冰完全融化後就可以開動喇，鍋物配料有M7澳洲和牛、豚肉、帆立貝、野菜等等。
望住豆乳熊仔冰慢慢融化好療癒。
椰皇壽喜 A5宮崎+M7澳洲和牛寶盒
7折$398 (原價$569)
另一鍋物就有呢個和牛寶盒！一個價錢食齊A5宮崎和牛、M7澳洲和牛、牛肩脊、大蝦、日本福袋。正值秋冬，就算自己一個突然鍋物癮起都可以食得滿足呀。開動前，可自行將純天然越南椰子水倒入野菜鍋物，待滾起再輕灼和牛。此前未食過壽喜燒+椰子水，原來兩者嘅清甜、濃郁互相平衡係咁夾！天然椰子水仲好解膩，配和牛一流。
估唔到清甜椰子水同壽喜燒咁夾，食多兩件和牛都唔怕膩。
朝鮮大醬牛腸鍋 | 7折$198 (原價$283)
牛腸鍋係九州名物，當地人好鍾意放工同朋友食個牛腸鍋、飲杯啤酒，暖住返屋企好滿足。不過香港就好少地方有得食喇，因為處理牛腸工序繁複。而「黑木亭」亦多番研究煮法，決定徹底清洗牛腸後慢煮至入味，臨上枱前再剪開畀大家滾住食，咁樣係最惹味Q彈㗎。如果你都掛住日本秋冬味道，放工約朋友嚟食個牛腸鍋真係別有一番風味。
日本人冬天必食嘅九州名物牛腸鍋。
【半價特選】
原板紫海膽 | 半價$198 (原價$396)
北海道產紫海膽，比起常見嘅馬糞海膽海水味更濃郁甘甜，所以一向受識食之人歡迎。趁優惠期間，原板紫海膽半價就食到，一嚐較少見嘅紫海膽刷新味蕾。
比起常見嘅馬糞海膽，紫海膽更罕有、海水味更濃郁甘甜。
法國生蠔/ 令和之怪物 買一送一$48起
法國生蠔海水味偏濃，蠔味層次更豐富，入口冰涼滑溜。趁生蠔買一送一真係可以瘋狂掃食，一解刺身癮。
生蠔買一送一多款選擇包括法國St Martin $48, 令和之怪物 $178，一解刺身癮。
火灸M7澳洲和牛壽司半價 | $28 (原價$56)
身為肉控，當然鍾意油香爆發！和牛激長，絕不吝嗇。上枱前會用火槍燒香和牛，逼出和牛油脂㗎。
CP值極高嘅澳洲和牛壽司，$28就食到。
【和牛特選】
M7澳洲和牛卷石燒 | 7折$198 (原價$283)
「黑木亭」好多熟客都係為咗和牛而嚟，全因呢度嘅和牛料理選擇好多！當中嘅石板燒就啱晒秋冬天氣喇。
石板熱辣辣上枱，可以自行將和牛卷燒到喜愛生熟度。和牛包住嘅日本水菜更會產生化學作用，散出陣陣芥末香，但食落又全無嗆辣味，相當過癮。
石燒和牛卷，連埋炸蒜一齊食好香口。
A5宮崎石燒厚切和牛 | 7折$368 (原價$526)
鍾意實在肉感咬口嘅話，可以揀石燒厚切和牛。將和牛兩邊燒至粉嫩就食得，燒嗰陣見到油脂慢慢滲出嚟，仲聞到好香炸蒜同肉味，飲埋清酒氣氛一流。
石燒厚切和牛，肉感肉味更強。
A5宮崎和牛他他 | 7折$238 (原價$340)
如果你追求和牛嘅原始肉味，可以揀和牛他他。半熟和牛嘅口感軟綿綿，夾埋洋蔥碎、蛋漿、酸汁一齊食，輕辛微酸又重肉味，好有層次。
半熟和牛軟綿綿，一嚐原始肉味。
【小酌兩杯】清酒買一送一/ $68任飲啤酒紅白酒
3款指定清酒買一送一！其中一款仲係神秘限定版季節清酒，想知係咩就要嚟試喇。清酒飲唔哂，仲可以打包添!!
高CP值清酒買一送一:
-北鹿 北秋田 濁酒 720ml(2支) $378
-本月特選 -限量版720ml(2支) $538
-作 惠乃智 純米吟釀720ml(2支) $728
另外仲有任飲啤酒及紅白酒選擇添, 低至$68任飲啤酒及紅白酒, 憑任何食品消費加$68，即享90分鐘無限暢飲指定啤酒及紅白酒架啦~
【爆紅打卡！熔岩梳乎厘+雪花刨冰】--尖沙咀限定
梳乎厘班戟
估唔到居酒屋都有4款法式梳乎厘選擇，當中3款仲係打卡熔岩梳乎厘—原味梳乎厘、櫻花荔枝梳乎厘、綠茶紅豆梳乎厘。濃郁忌廉爆滿一瀉而下，梳乎厘則充滿空氣感，入口慢慢融開滲出蛋味，連埋忌廉一齊食好有滿足感。最鍾意綠茶紅豆梳乎厘擺盤，灑滿微甘綠茶粉外，更伴有狗狗腳印餅、熊仔冰，瞬間少女心爆發。
原味梳乎厘班戟$88
櫻花荔枝梳乎厘班戟$98
紅豆綠茶梳乎厘班戟$98
即焗梳乎厘
全部梳乎厘都係即叫即整，鴛鴦天鵝梳乎厘新鮮出爐，梳乎厘仲係脹卜卜。上層有少少脆口，入面就軟綿綿，配埋雪糕好滿足。
鴛鴦天鵝梳乎厘杯配雪榚$98
【雪花刨冰】洋食鍋物必追加！
就算臨近秋冬，都阻止唔到食雪花冰嘅衝動呀！特別係食完熱辣辣鍋物後，即刻食啖入口即融嘅刨冰甜品，冰火感覺好爽快。想好似我哋咁，食完鍋物即刻有刨冰食，落單嗰陣可以嗌定先。因為雪花冰整得好精緻，人手製差唔多半個鐘㗎。
最新一代雪花冰，比綿綿冰更細膩軟綿。
(右)大熊乳酪芒果牛奶冰，乳酪儼如奶蓋般軟滑。
(左上)黃鴨Oreo楊枝甘露冰，黃鴨軟糖好可愛。
(左下)小熊可可紅豆綠茶冰，女生必愛綠茶紅豆不敗組合。
11-12月優惠詳情
優惠1: 本月推介·指定食品半價起(星期一至日全日供應) 【活海鮮】 1. 活波士頓龍蝦刺身2食 | 7折$498(原價$711) - 活波士頓龍蝦刺身 - 蜆肉龍蝦汁扁意粉 2. 原隻鮮麵包蟹粥 | 7折$398(原價$569) 3. 爆炒香辣麵包蟹 | 7折$398(原價$569) 【季節鍋物】 4. 熊の降臨豆乳豬骨鍋 配M7澳洲和牛珍寶雜錦盤 | 7折$338(原價$483) 5. 椰皇壽喜燒A5宮崎+M7澳洲和牛寶盒 | 7折$398(原價$569) 6. 朝鮮大醬牛腸鍋 | 7折$198(原價$283) 【澳洲/日本和牛】 7. M7澳洲和牛卷石燒 | 7折$198(原價$283) 8. A5宮崎石燒厚切和牛 | 7折$368(原價$526) 9. A5宮崎和牛他他 | 7折$238(原價$340) 【時令生蠔/海膽】 10. 原板紫海膽 | 半價$198(原價$396) 11. 法國生蠔 / 日本時令生蠔 買一送一 (低至 $48) 法國St Martin $48 西斑牙Castillo $128 令和之怪物 $178 12. 火灸M7澳洲和牛壽司 | 半價$28(原價$56) * 【活海鮮】天后店需要一天前電話預訂菜式， 尖沙咀店歡迎隨時點選而不用預訂。 優惠2: 晚市單點餐牌88折 (星期五除外；本月推介及飲品除外) 優惠3: 限定版清酒 | 買一送一(低至$378/2支) - 北鹿 北秋田 濁酒 $378/2支(720ml) - 本月特選 - 限量版 $538/2支(720ml) 作 惠乃智 純米吟釀 $728/2支 (720ml) (全日供應，星期五除外) 優惠4: 低至$68任飲啤酒/紅白酒 憑任何食品消費加$68，即享90分鐘無限暢飲指定啤酒及紅白酒 90分鐘無限暢飲指定啤酒及紅白酒 | 開始時間 | 9pm-9:30pm | 12pm-8:59pm | 價錢 | $68 | $98 |
*時間以入座起計 *必須整桌客人一同選擇 *星期五除外 優惠5: 午市單點餐牌85折 所有午市單點餐牌85折 (午市定食、所有套餐、本月推介及飲品除外) 優惠6: 生日玩大D優惠(正日前後一週內) - 訂位免切餅費 - 生日免費參加啤酒皇大賽 - 免費生日驚喜大燈牌 及 生日歌助慶／點播你心水歌曲 
- 消費滿$900，即送指定甜品一份(附設免費寫名服務)
 - 8人以上預訂，免費Upgrade VIP Private K房 (必須電話及訂金確定)【尖沙咀店限定】 
以上優惠日期: 2023年11月15日 至 2023年12月30日 *如優惠時段相同，所有優惠可同時使用 |
黑木亭居酒屋 (尖沙咀店)
地址: 尖沙咀金馬倫道58-60號國鈀大廈地下至1樓
電話: 23296669
黑木亭居酒屋 (天后店)
地址: 天后清風街10號清風大廈地舖
電話: 26606373
