成日約friend食燒肉驚女朋友嬲豬? 呢間日韓燒肉店「燒肉屋」首創—燒肉慶祝花束/蛋糕，將A5宮崎和牛變成花球真係好suprise!!
同場大部分燒肉、海鮮都有得揀半份，就算兩個人食燒肉都食到好多款，即刻訂肉肉花球哄吓吃貨女友啦。
嚟到食和牛之外，超厚切牛舌、海鮮、雲朵汽水等等等都好吸引!! 一定要mark實埋佢哋2024年8月至9月嘅生蠔 買一送一、海膽 半價、A5宮崎和牛薄切月燒汁 半價等等等優惠，文章最底有齊全部優惠啊!!
「燒肉屋」裝潢好似日本祭典咁，掛滿燈籠同霓虹燈勁有氣氛。不過最重要講埋呢度嘅燒肉爐～小店老闆特別喺日本訂製圈狀發熱燒肉爐，火力高達2000w。
全因呢度嘅和牛真係好厚切，如果用一般燒爐會變咗一邊燒、啲油一邊浸住塊肉，咁就變咗燘肉啦…呢個日本爐就做到瞬間鎖住肉汁，燒到微焦爆油嘅效果喇。
【半價三寶】大人氣! 必點!
1) 多國生蠔·買1送1
邊食燒肉、邊食生蠔嘅冰火食法真係好正，而家買1送1優惠有3款生蠔揀～法國Les Huitres St Martin$48，蠔肉飽滿又有海水味；西班牙Castillo$128就好厚身鮮甜；令和之怪物$178係出名大隻嘅日本生蠔，豐富礦物味會於口中留有餘韻，蠔迷必試。
2) 時令海膽·半價$198(原價$396)
目測時令海膽刺身有半板咁多，用紫菜包住嚟食又脆又綿。
3. A5宮崎和牛薄切前腿肉 配特製月燒汁 半價$98(原價$196)
未見過半價嘅和牛薄切咁大塊！好似食壽喜燒咁，輕輕一燒再捲起，蘸啲月燒汁又滑又香。
【燒肉屋首創 燒肉慶祝花束/蛋糕】
如果身邊有位吃貨女友，記住預早幾日訂個肉肉花球或肉肉蛋糕。畀女朋友拎住影相再幫手燒肉，即刻變暖男啊。
(上圖右)西瓜紅玫瑰花花束$459 配 A5宮崎和牛花球1個／A5宮崎和牛前腿肉花球1個／牛舌花球1個
(上圖左)香檳色玫瑰花花束$459 配 A5宮崎和牛前腿肉花球1個／牛五花花球1個／豬頸肉花球2個
西瓜紅玫瑰花禮盒(大)$599
配 A5宮崎和牛前腿肉花球2個／牛五花花球2個／豬頸肉花球2個
香檳色玫瑰花禮盒(中)$459
配 A5宮崎和牛前腿肉花球1個／牛五花花球1個／豬頸肉花球2個
牛五花生日蛋糕$288
生日食個肉肉蛋糕有驚喜，仲免費跟配煙花蠟燭。
【4款招牌燒肉】
招牌原條厚切牛舌
呢件厚切牛舌唔係得個名，係真·原條激厚牛舌啊!! 一開始成件牛舌放上爐燒，燒到外層開始熟就煎開一件件，咁樣燒會又脆又彈牙㗎。
獨家配方醃製牛排骨(500g)
平時韓燒必嗌嘅重磅原條排骨肉!! 同樣依韓國做法用梨、蘋果、日本淡口醬油、日本濃厚醬油醃製，利用水果天然酵素令肉質鬆軟啲，食落又甜甜哋勁吸引。
私心最鍾意嘅步驟，就係成條骨夾起剪肉(笑)，聞住啲肉香+甜醬料香味已經好想食啦。
原條排骨燒完都有勁多肉，一班朋友嚟食必嗌。
爽脆白鱔片
韓國男人好鍾意食燒白鱔，聽講係滋補之物嚟㗎。而且「燒肉屋」嘅白鱔係每日去街市買新鮮貨，男仔真係要叫碟試吓啊。
四味五花肉(黑椒鹽、韓式醬汁、蔥蒜、果味醬汁)
你有無試過一次食咁多口味嘅五花肉!? 個人鍾意韓式醬同蔥蒜口味，辣辣哋幾夾五花肉。而果味醬汁都幾香甜，女仔應該會鍾意。
【人氣拼盤優惠】
燒肉屋一人名物盤 | 7折$289(原價$413)
8-9月優惠唔止半價三寶，呢個一人名物盤7折只係200幾蚊就有5款嘢食—醬汁牛五花、日式三角胸腹肉、封門柳、豬頸肉、雜錦香腸，真係唔好錯過啊。
A5和牛肉眼蓋 及 多種稀有部位寶盒 | 7折$459(原價$643)
7折寶盒嘅份量多到不能置信，有牛眼蓋(40-45g)、牛仔骨(150g)、面頰肉(40g)、五花片(40g)、橫隔膜(60g)。有時兩個人唔知食咩好，揀呢個寶盒就試勻幾種肉喇。
寶盒嘅牛眼蓋真係好少見，我自己之前就未食過。原來口感係好細膩柔軟，甚至去到如絲滑嫩嘅地步，咬都唔使咬㗎。
【À la carte·韓日創意料理】
忌廉芝士粟米 配原隻南瓜
平時大家都會爭住食韓燒爐邊嘅燒芝士粟米(笑)，今次唔使慢慢燒，直接叫嚟食就是爽，仲有埋南瓜解吓膩𠻹。
韓式單骨雞翼 配脆公仔麵
韓式炸雞同脆脆公仔麵原來幾爽喎，夾埋一齊食仲有兩種脆脆口感好過癮。
【燒肉解膩梳打飲品】
「燒肉屋」唔只得啤酒汽水，特調飲品真心靚。熊@漢堡包柑桔梳打同海中錦鯉梳打，真係有好多漢堡包軟糖同錦鯉軟糖，童心滿滿。雲朵系列就有士多啤梨乳酸汽水の雲朵、波子乳酪汽水の雲朵。軟綿綿雲朵真身係棉花糖，雲朵會慢慢融化好夢幻。
(左起)熊@漢堡包柑桔梳打、百香果菠蘿梳打、百香果荔枝梳打
(左)海中錦鯉梳打、(右)葡萄冰梳打
(左)波子乳酪汽水の雲朵、(右)士多啤梨乳酸汽水の雲朵
【召喚港島人】午市套餐
港島人lunch想食燒肉嘅話，可以試吓呢度嘅午市套餐。有燒肉之餘，仲包埋沙律、甜品、飲品幾抵食。
【酒鬼不能錯過の優惠】
2024年8月有限定清酒買一送一，低至$398/2支咋！
(全日供應。不適用於星期五)
- 米一途 純米酒$398/2支(720ml)
富堅果香，穩醇豐盈如五味一體
- 本月特選限量版$538/2支(720ml)
每月不同有驚喜
- 大嶺 三粒米 純米吟釀$728/2支(720ml)
山口縣天然水釀造，甘爽帶果香
「燒肉屋」優惠！2024年8月至9月30日
夏季限定暑期優惠 優惠1 全日單點餐牌78折 (星期五及六專享88折) (午市定食、所有套餐、折扣產品、生日產品 及 飲品除外)
優惠2: 半價三寶 1. 多國生蠔·買一送一 包括法國Les Huitres St Martin$48、西班牙Castillo$128、令和之怪物$178
2. 時令海膽·半價$198(原價$396)
3. A5宮崎和牛薄切前腿肉配特製月燒汁 半價$98 (原價$196/每人限叫一份)
優惠3: 清酒買一送一 以下限定版清酒買一送一，低至$398/2支！ - 米一途 純米酒$398/2支(720ml) - 本月特選限量版$538/2支(720ml) - 大嶺 三粒米 純米吟釀$728/2支(720ml) (全日供應。不適用於星期五)
優惠4: 生日優惠(正日前後一週內) |
燒肉屋 (天后)
地址: 天后清風街10號清風大廈地舖
電話: 26606373