今期推介一個高CP值同超班環境美食嘅好去處！
位於尖沙咀鬧市中心頂樓嘅“KABOOM”儼如尖沙咀空中花園。餐廳酒吧佔地兩層，室內天花鋪滿長竹枝，配上石磚牆身、戶外藤椅同木枱，再以懸掛藤燈點綴，好似置身海邊酒吧嘅純樸氣氛。
落地玻璃可以飽覽維港靚景～坐喺藤椅攬住厚咕𠱸好chill。無論係食Lunch、Happy Hour定晚飯同朋友飲酒食飯都一流嘅all-in-one casual dining好地方呀！
頂樓室外空間則放滿陽草傘、寬敞藤椅，配上芬蘭木材、藤料塑造滿滿外國氣氛，遠離繁囂。開揚環境更可欣賞維港海景，好啱閨蜜約會又或三五知己飲酒慢活。
估唔到戶外都咁涼爽好風，就算怕熱都唔使擔心。(落雨既話會KABOOM會裝上臨時露營帳篷，所以落雨都唔洗擔心，而且都好好vibe嫁!)
嚟到望住維港靚景帶住輕快既音樂，梗係輕酌兩杯先啱氣氛啦。專業調酒師特意設計咗12款東南亞主提既cocktail。
【酒店級主廚主理】東南亞風fusion料理
呢度氣氛好啱飲酒傾計，所以有好多sharing佐酒小食，好似去咗cocktail party咁。
Fresh Oyster | 新鮮生蠔
千期唔好以為只係生蠔咁簡單喎! KABOOM用椰子、香茅醬和檸檬油調制自家醬汁再配合生蠔本身獨有的鮮味真係好正啊!
Kaboom Sharing Platter | 小食拼盤
呢度嘅小食拼盤好抵食岩哂送酒! 份量豐富足夠2-3人分享。拼盤包括有燒豬肉串、炸雞翼、泰式炸魚餅、網狀春卷和蝦棗。
Chilli Crab Cups | 辣椒蟹肉杯
依一味小食可以講話係閨蜜聚會必食，用滿滿的蟹肉配上辣椒蟹醬和柚子醋果凍再放在filo 杯中，口感一流再加上平衡既酸辣味道，十分開胃!
Deep Sea Tacos | 深海墨西哥粟米捲餅
大家最愛既墨西哥粟米捲餅再配上雞尾酒蝦，而且餐廳比既份量十足，一口滿滿既大蝦放入口中, 令人超級滿足!
唔好以為“KABOOM” 只得小食出色，佢地既主食同樣咁吸引！
Gai Yang泰式烤雞
烤雞最重要keep到肉汁，而同時要表皮要做到香脆。依KABOOM佢地就做到依一點, 真係好考廚師團隊既心機同時間。而且蔬菜都係輕烤再吸埋烤雞既肉汁，真心好味!
Oven Baked Sambal Stingray |烤參巴魔鬼魚
烤魚相信大家都係唔同地方食過，但係魔鬼魚絕對唔係隨便會食到! 大廚用左參巴醬醃製魔鬼魚再加以用低溫慢熟後再入焗爐高溫烤焗以達致外香肉嫩。推介大家一試!
Thai Lobster Sauce Strozzapreti Pasta with Lobster Tail | 泰式龍蝦醬手捲義大利麵配龍蝦尾
義大利麵其實有分好多唔同種類，一般都會以長通粉，義大利麵和天使麵等比較常見，但係Strozzapreti Pasta 其實都係義大利麵一種而佢係一種比較短身既手捲義大利麵。佢既形狀亦有助於掛汁，所以可以令到客人每口都吃到滿滿的泰式龍蝦醬再加上味鮮十足的龍蝦尾，啖啖肉，令人十分滿足!
Tom Yum Coconut Risotto with King Oysters | 生蠔冬蔭功椰子燴意大利飯
呢度嘅峇里度假風，就令人想食啲酸酸辣辣料理。呢道冬蔭功椰子燴燴飯酸辣濃郁，加埋生蠔濃郁，絕對要試下啊!
【專業調酒師 | 即場調製你嘅專屬雞尾酒】
12款獨家Cocktail 以酒表達心情
同場特調12款主要以東南亞食材為主提既獨家雞尾酒都好IGable，全部亦都以心情為主題，想有野講又唔講唔出口？喺度以酒寄意啦～
"Coffee, Tea or Me?" 以烏龍茶及梅酒為主調，比較易入口同適合女士。
"Damn Pissed Off!" 罕有份子料理雞尾酒，再配熱情果同菠蘿汁。浴缸外型都好特別，「沖完涼」一定好心情啦！
"Wohoo, What a Day!" 依杯個味道獨特，以金桔、芒果、鳳梨及椰子等混合而成既cocktail 真係要試一試！
"I Don’t Want to Go Home!" 最後介紹就係希望大家都會有一個美好的夜晚，而當玩到唔番屋企既時候就可以試埋依一杯cocktail啦! 主要以Gin和香茅等清新口味制作，再加埋個Sorbet非常好入口，相信所有女士都會鍾意!
KABOOM
地址: 尖沙咀北京道12A號太子集團中心20樓
電話: 37088114