【尖沙咀地道泰國·越南酒吧】午市$98起沉浸式食盡東南亞經典美食

尖東海傍有間泰越酒吧餐廳“MAMTOM”，憑住性價比高+靚靚環境成為當區熱門餐廳之一。踏入“MAMTOM”大門瞬間感受到異國氣氛，天花排滿唯美波波燈，配上深木系設計同開放式酒吧區，氣氛好chill！

午市更有超過20款東南亞前菜、小菜、主食、越南Pho、甜品揀，下晝用優惠價錢食到晚市質素，正啊。

泰越酒吧餐廳“MAMTOM”，午市有優惠價食超過20款東南亞前菜、小菜、主食、越南Pho、甜品。

滿滿異國風情！逾20款經典泰越菜式

放lunch食咩好？一於帶你嘅味蕾飛轉泰越喇！呢度有去泰國必食嘅蟹肉鑊氣炒飯同冬蔭功湯，前者有頗多鮮甜蟹肉，加埋洋蔥同炸蒜特別香口；後者湯底酸辣開胃，配埋河蝦又好鮮甜，幾過癮。一定要試埋Pho Bo Beef，有慢煮24小時牛肉高湯、胸腩、西冷牛排米粉，湯底夠晒濃郁，推介要追加埋烤牛骨髓(+$75)，層次會豐富啲㗎。