「翠林辣蟹舫」11月推出多重優惠滋補濃湯大花膠雞 (原價$788)或甘樹子蒸筍殼魚(原價$ 588) 任選一款半價，生日再送紅糖發糕一份。招牌炒蟹、澳洲龍蝦、超過30款小菜 全部9折！
濃湯大花膠雞
花膠有手掌咁大，加埋多隻原雞熬足4個鐘，湯底濃郁。雖然雞肉已煲到融入湯中，但上枱時會額外上半隻三黃雞，三黃雞一向肉質輕彈、雞肉味香，配埋湯一齊食好正。
超滋補濃湯大花膠雞半價 (原價$ 788)
甘樹子蒸筍殼魚半價(原價$ 588)
【11月全月優惠】日日都有得平
1) 滋補濃湯大花膠雞 (原價$788)或甘樹子蒸筍殼魚(原價$ 588) 任選一款半價 2)「鎮店招牌蟹」9折 (原價:HK$688) 3) 「澳洲龍蝦」9折 (原價:HK$688) 4) 多款小菜、小食9折優惠 5) 生日再送紅糖發糕一份 |
【9折鎮店招牌蟹】
大廚有多年中菜經驗，擅於設計唔同料理，所以海鮮都比坊間更多口味揀。招牌蟹就有避風塘炒蟹、黃金流沙蟹、黑白胡椒蟹、椒麻香辣蟹、香辣蟹醬炒蟹，
游水大蟹好生猛，特別鮮甜。
避風塘炒蟹。以滿滿香蒜、辣椒炒香，勁惹味！
香辣醬油蟹。將多種香料磨成粉爆炒蟹，入口充滿香料味又完全無渣。
【9折鎮店澳洲龍蝦】
澳洲龍蝦就有6款口味，新推水煮龍蝦，仲有避風塘龍蝦、黃金流龍蝦、香辣宗谷瑤柱炒龍蝦、川味椒麻龍蝦、水煮澳洲龍蝦。
澳洲龍蝦都係新鮮游水，你都可以親身去魚缸揀海鮮㗎。
新口味水煮龍蝦，麻中帶辣突出龍蝦味。
流沙鹹蛋黃龍蝦。重口味大愛！爆多鹹蛋黃，又香又酥脆。
香辣宗谷瑤柱炒龍蝦。特用北海道瑤柱，長輩都會鍾意嘅鮮甜味。
【9折小菜·小食】
超過30款小菜、小食都有9折！11月以甜酸、酸辣為主，創作多道開胃小菜，即睇有咩食！
原隻起殼！爽食「黃金拆肉瀨尿蝦」
其實瀨尿蝦一直都好多Fans 鍾意食，但係又硬又𠝹手嘅蝦殼令唔少人卻步。所以大廚索性將瀨尿蝦原隻起殼，一夾起瀨尿蝦即刻食得。而且瀨尿蝦超大隻，大大啖都要3、4啖先食完，鹹蛋黃脆脆加埋超厚蝦肉，食一隻已經勁滿足。
瀨尿蝦全起殼，啖啖肉超正。
黃金豆腐 10分鐘內即食！
「黃金豆腐」即叫即炸，金黃外層好薄脆，相比內裡極嫩水豆腐，一脆一軟好有衝撃感。但豆腐水分會慢慢滲出，所以呢種極端脆軟口感只維持10分鐘，廚房一炸起就要即刻按鐘「叮叮叮！」提示員工盡快出餐，嚟食嘅時候要把握時間呀。
黃金豆腐
水蜜桃咕嚕肉
酸甜Fans 仲有呢道菜！新鮮炸好嘅咕嚕肉外皮脆加上甜甜水蜜桃，一上枱就要趁新鮮食呀。
避風塘牛脷
坊間少有將牛脷用避風塘炒法，率先煲腍嘅牛脷加埋香蒜、辣椒、豆豉炒香，輕韌彈牙得嚟又微辣，幾啱配酒。
湖南小炒肉
肉片唔係普通豬肉，而係豬下巴肉。呢個肉位真係好少見，因為唔係咁易買到，比豬頸肉更爽彈有油香㗎。
【超人氣必食】
呢度仲有多款超人氣小菜，好多熟客嚟親都Encore 㗎。
新品！燒汁香煎帶子
以燒汁、洋蔥爆香日本帶子，香口得嚟仲好鮮甜。一定要清埋洋蔥，吸滿精華好正。
黃金流沙蝦球
滿滿鹹蛋黃包住勁大隻虎蝦球，咬開外層酥脆鹹香，再有超彈牙蝦肉。蝦球拳頭咁大，幾啖都食唔晒。
椒麻酸菜魚
特用酸菜煮嫩滑魚片。有別坊間重辣重油酸菜魚，呢道菜味道輕酸清爽，主嚐魚片鮮味。
食神炒飯
由電影《食神》戴師傅親教，分4次倒入3種米、醬汁炒香。飯粒食落乾身輕韌，係少見高質炒飯，想食就記住預訂喇。
翠林辣蟹舫
地址: 尖沙咀亞士厘道24-38號天星大廈1樓A號舖
電話: 26289888
