有時小店嘅優惠真係特別抵，好似呢間「黑木亭」嘅尖沙咀、元朗分店都推出指定時間散叫刺身及壽司68折。
呢度唔只得刺身壽司食，仲會定期推出創意日本料理，幾有驚喜。除咗早前推出嘅A5宮崎和牛小熊泡泡浴壽喜燒、A5宮崎和牛他他引爆人氣；最近新出嘅生蠔海膽大滿貫、活海膽拖羅5點等指定料理更低至6折，即刻睇吓優惠詳情啦～
【本月重點】海膽·刺身·迷你丼
今個月新出多款料理都有折扣優惠㗎！趁住海膽時令季節，日本直送原板海膽(40g)更有5折𠻹，CP值勁高。
日本直送馬糞海膽 5折$298/原價$596
首先要mark實5折嘅日本直送馬糞海膽，足足40g份量幾個人share都得。
時令生蠔海膽大滿貫 64折$888/原價$1,388 (尖沙咀及元朗限定)
呢個大滿貫真係超級豐富！單單係吞拿魚已經有齊大拖羅、中拖羅、赤身同吞拿魚蓉；仲有右口魚邊、三文魚、牡丹蝦、池魚、三文魚籽、鵝肝，加埋北海道馬糞海膽、4隻時令生蠔，集合晒多款矜貴魚材，CP值夠晒高。
活海膽拖羅五點 7折$569/原價$813 (尖沙咀限定)
連殼上嘅活馬糞海膽，一望就知係新鮮即開～加埋大拖羅、三文魚、牡丹蝦、帶子，全部刺身都好厚切足料。
軟殼蟹六杯丼 7折$289/原價$413 (尖沙咀限定)
選擇困難症發作唔使驚，六杯丼真係一次過有晒6款迷你丼飯，最搶眼一定係勁大隻炸軟殼蟹，同埋堆到滿嘅三文魚丼～其他仲有帶子、牡丹蝦、鵝肝、吞拿魚粒迷你丼。
【入口即溶之選】A5宮崎和牛！
呢度有多款A5和牛料理，想食石板燒和牛、壽喜燒或他他原始風味都得。
石板A5宮崎和牛厚切 7折$388/原價$554
可以自己喺熱辣辣石板上面燒和牛，望住油脂慢慢標出嚟，但肉質都係好粉嫩，一定要趁熱食！
A5宮崎和牛燒到熱辣辣即食好正。
A5宮崎和牛他他 6折$239/原價$398
如果你鍾意食和牛嘅原始肉味，可以揀和牛他他。將半熟和牛夾住洋蔥、酸汁一齊食，粉嫩肉質軟綿綿又惹味。
和牛他他好粉嫩，有濃郁原始肉味。
A5宮崎和牛小熊泡泡浴壽喜燒 7折$398/原價$569
A5宮崎和牛堆到成座山咁高!! 可以自行將壽喜燒湯倒入鍋中小熊，望住佢慢慢融化好得意又有啲唔捨得(?)。
小熊泡泡浴嚟啦！親自倒入壽喜燒湯。
A5宮崎和牛成座山咁多。
【卷物·六杯蠔】
爆蔥吞拿魚蓉鮟鱇魚肝卷 (尖沙咀及元朗限定)
鮟鱇魚肝一向係日本矜貴食材之一，味道淡雅、口感綿密。今次連埋爆多吞拿魚蓉一齊食更加軟綿綿，又唔會搶咗吞拿魚鮮味。
鮟鱇魚肝有獨特口感，又唔會遮咗吞拿魚鮮味。
常滿卷
「黑木亭」開業幾年就咁受歡迎，其中一個原因係啲嘢真係好足料。好似常滿卷就有好厚切嘅三文魚、油甘魚、帶子，仲要鋪滿海膽。
「黑木亭」卷物都好爆料，順便挑戰吓一啖食唔食得晒咁多魚生!!
海產細味六杯蠔
六杯生蠔分別配上泰式汁、雞尾酒汁同酸汁，拎起生蠔杯一啖過啪入口好爽。
六杯蠔勁新鮮，自帶燈光效果打卡好靚。
【元朗店晚市】一人前定食低至$168
召喚元朗人～「黑木亭」元朗分店有好多大份量定食，就算一個人嚟食飯都飽肚又抵食。
88mm直徑A5和牛和球石頭飯 $168
好吸睛嘅和牛波波，一望就知幾足料喇！上枱嗰陣石鍋仲係熱辣辣，將和牛波波壓落石鍋焫熟就食得，仲可以整到飯焦𠻹。
和牛波波好吸睛。
將和牛壓落石鍋焫熟就食得。
蔥花牛舌袋燒肉 $168
近年日本爆紅蔥花牛舌，喺度都食到呢種風味喇～大廚將蔥、薑放晒入牛舌入面，可以自行將牛舌放上熱石燒嚟食。
【「黑木亭」最新優惠】尖沙咀&元朗散叫刺身壽司68折
尖沙咀分店 1) 散叫單件壽司及單點刺身 68折#(12pm-5pm 或 9pm後入座) 2) 「二人前午市套餐」7折$398/原價$568(12pm-5pm) 3) 晚市單點餐牌 88折優惠*(6pm-9pm入座) 4) 限定版清酒買一送一，價錢低至$378/2支(全日供應及星期五除外)
元朗分店 1) 全日散叫單件壽司及單點刺身 68折# 2) 「二人前午市套餐」7折$398/原價$568(12pm-5pm) 3) 晚市定食送榴槤/海鹽雪榚1球 4) 限定版清酒買一送一，價錢低至$378/2支(全日供應及星期五除外)
天后分店 1) 晚市單點餐牌88折*(6pm-11pm) 2) 限定版清酒買一送一，價錢低至$378/2支(全日供應及星期五除外)
#1) 所有午市定食. 晚市定食.大滿貫.壽司盛. 刺身盛及本月推介除外 2) 優惠不能與晚市單點餐牌 88折優惠同時使用 3) 沒有折上折優惠 *星期五、六、父親節及公眾假期前夕除外；以及本月推介及飲品除外 |
黑木亭居酒屋 (尖沙咀店)
地址: 尖沙咀金馬倫道58-60號國鈀大廈地下-1樓
電話: 23296669
黑木亭-お食事処 (元朗店)
地址: 元朗裕景坊15-25號玉成大廈地舖
黑木亭居酒屋 (天后店)
地址: 天后清風街10號清風大廈地舖
電話: 26606373