February

營業中

休息中

SET DINNER:法式龍蝦湯(+$20)，龍蝦味濃郁，煲得夠入味，而且仲食到一條條龍蝦肉絲。金槍魚伴芒果柚子沙律，有特色並且少見既菜式，味道主要帶甜苦酸，芒果和柚子都呈粒狀，加上金槍魚圍邊沾滿左芝麻粒，食落有口感層次。牛油果芝士蟹餅，外層炸粉酥脆，內裏軟綿綿兼啖啖肉既蟹肉絲，配埋煙煙韌韌既芝士，非常滿足。香煎西班牙黑毛豬鞍扒($388)，份量超巨，厚度比蕃茄仔更厚，相信一個人應該食唔晒，目測係九成熟或以上，但肉質一d都唔“鞋”，而且有肉汁，醬汁係黑椒汁好惹味。卡邦尼意大利粉($178)，醬汁最出色，芝士和奶油味好濃，每條意粉掛滿醬汁，中間仲有蛋黃可以攪拌，令意粉更滑溜，煙肉和火腿絲可以增加咬口口感。青檸梳打($38)，味道偏向酸味較重，飲完令食慾更開胃，加上食左咁多肉類可以清一清口裏既油膩感。Triple Berry Yogurt($68)，味道清甜，依家夏天飲返杯冰凍飲品，簡直透心涼。

想望吓血月，點知俾觀塘嘅高樓大廈限制咗大胃嘅眼界唯有死心，點知走入呢間餐廳就有得睇月蝕直播呢間情調夠晒異國風情，喺咁嘅環境下賞月另有一番風味飲住好特別嘅smoothie，雖然佢叫二月，味道就同今個月好match，好熱帶嘅感覺呢度嘅湯亦好高汁，松露湯嘅texture充滿菇粒，而且非常濃厚松露香龍蝦湯仲濃味，飲一啖好似有隻龍蝦喺把口度游水咁，香到不能呼吸沙律配上鮮味三文魚，加咗幾多沙律醬，食齋唔會齋蟹肉薯餅切開就好似出奇蛋咁，芝士拉晒絲，蟹肉亦係餅斷絲連，食落更唔使講，蟹香四溢主角之一比目魚，煎得香滑無骨，唔嚼好啲真係會直接瀡落喉嚨，連塊皮都好滑，冇個位係嚡口黑毛豬鞍超級厚肉，但奇嫩無比，肥瘦均勻，用刀輕易切割，咬落肉汁豐富，加埋蘋果蓉真係冇得彈

今次又要介紹一間好味樓上bar restaurant 比大家😎 位於觀塘駿業街 唔係人地介紹都未必知道有呢間餐廳 但係質素的確唔錯😋 餐廳都唔小位 不過晚飯時間都差不多坐滿 預早book左位就穩陣d啦😜泥到一定要叫佢哋最出名既德國火焰鹹豬手👅 大大隻豬手送到你面前點火影相一流 店員會係你影完相後收走鹹豬手幫你切開一件件好貼心🥰 豬手肉質嫩滑 唔會過鹹 個皮仲超級脆🤩 配上酸椰菜同紫薯蓉真係好好食👍🏻另一個主菜我哋就揀左香蒜辣椒大蜆意大利粉 有好多隻大蜆 仲要多汁鮮甜😍 意粉軟硬適中 唔太辣不過好惹味😋除咗主菜 我哋仲叫咗一客小食 水牛城雞翼😜 一樣好有驚喜 上菜出哂煙仲熱辣辣 雞翼炸過入面仲好香脆多汁 唔會好辣帶甜味 果然出色👍🏻飲品方面我哋就揀左February同Triple berry yogurt 🍹 賣相一流 February最特別嘅地方係加左爆炸糖🤩 口味係桃加橙汁 女仔一定好鐘意飲 好清新❤️ Triple berry yogurt 用既係Raspberry Blueberry Strawberry 🍓 飲落有d似黑加侖子味🤣 一樣好好飲丫🌟