Harbourview Grill (北角匯二期)

營業中

休息中

難得假日可以悠閒啲慢慢食個午餐🌤️今日嚟到呢間餐廳對住維港景感覺好開揚🌊 仲有室外嘅座位吹住海風都唔會好熱💙仲要係動物友善餐廳可以帶毛孩黎🐶成個氣氛都好Chill😛 食物以多國菜式為主質素唔錯值得一試🗺️⭐️ Tuna Chunks with Mango Salsa 🍣吞拿魚配上黑芝麻造成嘅Crust🖤口感好豐富😛配上芒果Salsa既甜味襯托出吞拿魚既新鮮🥭好有夏威夷嘅感覺🏝️⭐️ Tandoor Halibut 🐟比目魚咬落去非常幼滑肉質新鮮😊 用Tandoori香料醃製過幾有新鮮感🌶️同魚肉意外地幾夾⭐️ Linguine Vongole 🐚值得一讚係蜆肉非常飽滿份量超豐富🥹 簡單用白酒同蒜蓉調味好清新🥂⭐️ Tiramisu 🍰Creamy得黎帶絲絲嘅咖啡香氣☕️甜度啱啱好⭐️ Passion Pavillion 🍍⭐️ Detox Carrot 🥕兩款飲品都好清新好有夏日嘅感覺🏖️紅蘿蔔嘅感覺大自然嘅清甜🧡唔會有草青味 而另外一杯有熱情果同埋菠蘿汁既配搭酸酸甜甜好易入口🥰

呢晚想搵間有情調嘅西餐廳食返個晚餐🙈 所以嚟咗呢間高性價比嘅餐廳 有海景之餘 定價又唔會太貴 啱晒我呢啲小資族啊🫢吞拿魚金塊配芒果辣醬呢個作為前菜非常開胃 因為喺吞拿魚嘅表面有芒果同埋紅椒配合嘅辣醬 感覺好Fresh之餘 仲幾惹味🥭 底下嘅吞拿魚塊外層用黑芝麻同埋芝麻包裹住 外層幾香口 入面嘅吞拿魚肉呈半熟狀態 配埋芒果辣醬味道唔會好腥🐟肉眼扒12安士我地叫medium 切開牛扒中間仲好粉嫩🐮 入面有好多肉汁 我覺得點埋特製嘅牛扒醬汁更好食 醬汁幾重黑椒味 更帶出牛肉嘅香味😌 側邊仲有香脆嘅薯條 同埋沙律 可以有均衡飲食炭燒豬肋骨完全俾呢碟嘅份量嚇親 半份都超大份😳 真係好抵食 我覺得呢個係必叫之選 豬肋骨肉質軟腍 相對都幾容易切開 底下仲有大量薯條 同埋少量嘅沙律🥗 感覺上食完冇咁邪惡 側邊仲有茄汁同埋豬肋骨醬可以點 不過原本嘅豬肋骨已經好夠味🐷朱古力心太軟呢個朱古力心太軟上碟時候熱辣辣 配上一球雲呢拿雪糕 夾埋一齊食更加美味🍫 用匙羹切開啲朱古力流心係誇張地湧出嚟 朱古力味濃郁Tiramisu本來想嗌呢度出名嘅Apple Crumble 可惜實在太受歡迎 呢日已經賣晒啦 無緣試到呢