Zenon Café

同好友們約好去 shopping，但有個朋友話佢仲剪緊頭髮，叫我哋去 salon 樓下坐陣先，雖然我哋都好懷疑有冇聽錯，但都跟住佢講嘅地址睇睇啦! 嚟到發現地下嗰層係間 cafe，見無嘢做又有少少肚餓，就嚟個 early dinner，邊食邊等佢啦! 食嘢好似好 dry 咁，所以叫咗杯 Passion Fruit Lime Soda 解解渴先，飲落酸酸甜甜，好清新，熱情果味好濃，好飲! 朋友就叫咗杯 Strawberry Delight，佢話都係好fresh，仲有濃濃嘅士多啤梨味。叫咗份 BLT T 同朋友 share，雖然材料簡單，只有煙肉、火箭菜、蕃茄同特製松露醬，但真係絕配，香口得嚟又唔會膩，好夾，麵包軟硬適中，再配埋沙律，食到停唔到口。另外，仲叫咗份慢煮雞柳，都係跟沙律，可能雞柳係慢煮緣故，食落肉質好嫩滑，好香，唔油膩，旁邊嘅配菜都好新鮮，食得出係優質出品。呢間餐廳嘅概念都幾好，可以俾人有位坐吓，食住嘢或者飲吓嘢等整頭髮或等朋友，但飲品同食物都唔馬虎，下次經過都可以再幫襯。

果日落緊濛濛雨，喺中環攞完嘢，但仲有3個鐘先到工作時間，就喺附近搵間可以食lunch，但又可以俾我hea 3個鐘嘅地方，最後經過Zeno cafe，見裡面人唔多，又有free wifi，就入去食。要咗個set lunch，慢煮雞扒，雞皮好薄，而且無肥膏，仲脆脆地，雞肉嫩滑多汁，配菜亦都好新鮮。飲品點咗凍士多啤梨西瓜茶，味道好清，要細味先飲到西瓜味，同好輕微嘅士多啤梨味，對於重口味嘅人可能覺得似飲水，但對我嚟講就ok，同埋哩款茶其實要熱飲啲味先出。甜品我諗咗好耐，到底要 waffle定係cheese cake ，食waffle又好似好滯，食cheese cake又驚好膩，最後個waitress建議我食cheese cake ，話好多人讚，咁我就食cheese cake。食第一啖，嘩！好surprise！芝士味好濃，質感很滑，好夠凍，好似食緊芝士雪糕，重點係芝士味濃得嚟一啲都唔膩！哩個真係推介！

Zenon Cafe朋友跟我去試瑜珈堂，做完就去附近醫肚，見到呢到有slow cook，就去試試Slow-cook chicken fillet ($118)上碟個木板好似砧板咁，好特別，大大塊雞扒，應該係slow cook 後再稍稍煎香，所以個皮金黃色，仲有好多香草，好like，唔食雞皮嘅我都忍唔住試，不得了，好香口，仲有香草味添，最重要係皮同肉中間無肥膏，肉質亦嫩滑多汁Slow-cook Iberico Pork Loin ($168)連骨嘅黑毛豬豬扒，應該同雞扒一樣slow cook 後再稍稍煎香，所以個皮金黃色，仲有好多香草，一般嘅豬扒因爲怕唔熟通常都比較薄，最多比兩塊你，呢到嘅豬扒比一般嘅厚身，肥瘦適中，肉質軟稔，又juicyButterfly pea flower tea最近人氣爆燈嘅蝶豆花茶，個個都好想睇佢變色，其實藍變紫好簡單，加檸檬汁就得，視覺效果勝過味道，簡單啲講其實即係蜜糖水，凍凍地，夏天飲都幾舒服㗎！Strawberry delight全部都係好夏天嘅水果，有士多啤梨、橙汁、青檸汁等，再加梳打水打成，橙汁味最強，喜歡橙汁嘅人就最啱以後做完瑜珈又多個地方醫肚

好耐之前嚟過食下午茶，見而家晚飯做埋慢煮，所以今晚又走過嚟試吓雜菜湯好豐富嘅湯，除咗好多雜菜之外，仲有螺絲粉，食晒成個都有啲飽飽哋Slow-cook chicken fillet ($118)用個木盤上菜非常特別，肉質嫩滑多汁，雖然我唔食雞皮好耐，但個皮真係好香脆，忍唔住真係要食！仲有淡淡嘅香草味，非常出色！Slow-cook Iberico Pork Loin ($168)連骨嘅黑毛豬豬扒真係要趁熱食，豬肉肥瘦適中肉質軟稔，厚身又juicy。由於夾雜咗少許肥膏嘅關係，特別香口！Butterfly pea flower tea蝶豆花茶，加咗檸檬汁之後就變咗紫色，味道冇乜特別，但總算透心涼，呃like一流Strawberry delight用新鮮士多啤梨、橙汁、青檸汁及梳打整成，整體以橙汁味道最重，啱晒我呢啲鍾意橙汁嘅人！喺中環以咁嘅價錢食到呢個質素嘅慢煮晚餐，的確好抵食！