南越南咖啡廳

開學第二天，壓力山大，好友推介旺角彌敦道的越南餐廳，讓我與她邊吃邊吹水，舒緩心情。餐廳地點便利，離旺角地鐵站數分鐘，旺角東站約十分鐘。環境優雅寧靜，播著悠悠樂韻，大玻璃窗觀望外面天空，裡面食客氣質高雅，無人喧嘩，完美適合放鬆聚會。Shake Shake 雞軟骨外皮炸得金黃酥脆，內裡軟嫩，搖一搖讓香料均勻裹上，調味微辣帶點香，每咬一口都香脆過癮。南越炸豬肉春卷（6條）外皮薄脆，內餡豬肉鮮甜，口感豐富，沾上酸甜微辣的魚露醬，滋味更上一層。越式秘製香茅豬仔骨是全場焦點，香茅與蒜香滲入豬骨，烤得外焦內嫩，肉質軟腍多汁，微甜的醬汁平衡了香料的濃烈，令人吮指回味。南越法式麵包（一分切二）外脆內鬆，抹上特製牛油醬，帶淡淡蒜香，札肉香紅蘿蔔絲爽，簡單卻令人滿足。鹹檸豬頸肉撈檬酸辣開胃，豬頸肉爽滑彈牙，鹹檸檬的酸香與辣椒碰撞，刺激味蕾，令人食慾大增。飲品方面，**班蘭奶蓋咖啡（凍）**班蘭香氣濃郁，奶蓋綿密，咖啡順滑微苦，清涼解壓。**蜜桃青蘋果玫瑰花茶（熱）**果香清新，玫瑰花香幽雅，溫暖舒心。這餐廳菜式味道層次分明，環境舒適，與好友暢談間壓力全消，值得再訪！…查看更多

時隔一年多，我們又來到這間越菜咖啡廳，看到餐牌又推出了更多的新菜式、新飲料了！！！這次的新菜品有越式咖哩牛肋條配斑蘭椰香飯、越南蟹肉醬配脆球餅、咖啡骨、荔枝雲朵咖啡、香茅青蘋果茶！有新菜品當然要全部都來一份，首先是一個開胃前菜，越南蟹肉脆球餅。把蟹肉沙律、青瓜、蘿蔔絲放進球裏面，拍起來就是高級；一口吃下去（嘴巴小的可以弄破，夾起來吃），蟹肉沙律的蟹味濃郁新鮮，配脆餅口感不得了！現在吃東西講究儀式感，咖啡骨、惹火上身鹹檸豬頸肉就給到我滿滿的儀式感。先用咖啡把雲朵沖下去豬軟骨，再夾起來品嚐，咖啡加棉花糖的味道都進去了軟骨裏面，就是好吃！！惹火豬頸肉的火點起來當刻讓人非常驚喜，我就最愛看這種，然後豬頸肉燒得很剛好！配了shake shake雞軟骨炸物當小吃，保持了水準，加入紅椒碎一起搖，非常惹味！男朋友點了一越式咖喱牛肋斑蘭飯，外觀別緻，份量不少，咖哩的椰味濃郁，飯上有些紅椒碎粒，並有淡淡的斑斕味道。好吃的程度是連怕辣的他也能一口接一口地吃，最後才不斷的找水喝。荔枝雲朵咖啡，來到看到雲朵泡沫上有些玫瑰花碎覺得很可愛，很漂亮，帶荔枝味的冰咖啡也不錯喝。香茅青蘋果茶直接喝好喝但較甜，倒在加冰杯了裏喝就剛好。…查看更多

南越南咖啡廳 (旺角)旺角彌敦道726號1樓環境舒適，帶點文清簡單, 食物賣相有睇頭**順化麻辣鴨血金邊一碗粉超級抵食，配金邊粉口感滑，麻辣味一般, 鴨血好滑完全冇血腥味，醒吃😎😎**惹火上身鹹檸豬頸肉惹火豬頸肉外層燒得香脆，肉質鮮嫩，同埋越式辣醬，加啲青檸汁🤤, 必食**差不多一尺蝦真係有一尺嘅蝦真係好似我手臂長度差唔多🦐蝦頭又多蝦膏，肉鮮嫩爽口，配嘅蒜蓉同香草，勁香, 個底仲有d蕃茄，面層有炸左既芋頭絲，睇得又食得**咖啡骨好耐之前都食過南越南既咖啡骨，同之前既味道一樣，都係咁好味😚 咖啡骨顧名思義即係豬軟骨，豬軟骨吸收曬濃香既咖啡味，完全唔油膩，軟骨位置夠軟淋，面頭有薄薄的棉花層，增添不少甜味**Shake Shake 雞軟骨Shake Shake 雞軟骨真係幾有新意包裝獨特有自己品牌黎多個獨特創意玻璃瓶飲品**香茅青蘋果茶自家製飲品香得黎又唔會好甜，好適合飲住黎食味道比較濃嘅越南菜～**班蘭龍眼茶這款是店家特色飲品, 而且各具特色!, 店員會比埋一杯冰你, 可直接飲或加冰塊飲。飲落好香班蘭味, 少少龍眼肉味, 清清地, 唔太甜, 好清甜。 👍🏻👍🏻shake下佢就可以味粉，食之前可以加幾滴青檸汁同辣粉香口，最啱曬同朋友一齊開心Shareing…查看更多

🔹 惹火上身鹹檸豬頸肉 呢道菜視覺效果一流🤩直頭喺你面前點燃豬頸肉，不過啲火好似燒唔夠1秒🤣🤣🤣有新鮮青檸同酸辣汁可以點嚟食，好開胃😇.🔹 NVN 咖啡骨 咩事……咖啡X豬軟骨究竟係一個咩組合😂仲要配綿花糖，淋上咖啡睇住綿花糖融入豬軟骨，成件事好夢幻同甜🥰食落就知廚師有花心機同耐性，軟骨部位做到一咬即斷、入口即融，好happy!☕️.🔹 順化麻辣鴨血金邊粉 落單之前以為碗粉得鴨血，送到上檯原來仲有好多配餸——肉、扎肉、生菜，又幾抵食🫶🏻鴨血切細片上，咬落都爽口嘅，如果多幾片會開心啲🥳麻新湯底幾易飲口，同米線嗰類麻辣有分別，或者就係越式麻辣？👍🏻.🔹 差不多一尺蝦 實在太大隻蝦，哈哈🤩係價錢處於餐牌內比較突出的一道菜，而且得一隻…….好似龍蝦咁大嘅蝦😂蝦肉結實，鮮味滿滿，沾上蕃茄醬汁更添鮮味～配料係一條條的炸芋頭絲，就算本身唔食芋頭都唔使擔心，因為幼條同炸過嘅關係，放心唔會食得出芋頭味👍🏻.🔹 Shake Shake 雞軟骨 Shake shake呢個名諗起某薯條食法🤣的確係將香料同調味粉倒入袋瘋狂shake，同行朋友童心未泯…shake個不停…倒出嚟又真係好似好食啲🤩炸雞軟骨就係好食！·🔹香茅青蘋果茶(冷) 柑桔檸檬綠茶(冷) 兩款茶都係自家出品，飲落品會好甜，青蘋果茶幾清新，不妨一試🧃…查看更多

今日跟同學仔出旺角食玩味新派越南菜, 見or 越南咖啡廳啲食物相片相當吸引, 特別系NVN咖啡骨同斑蘭奶蓋咖啡啤酒, 很玩味的crossover。斑蘭奶蓋咖啡啤酒 ($45)啤酒咖啡都飲得多, 不過係分開飲, 今日咖啡crossover啤酒, 再加上潮物奶蓋, 好期待的飲品, 咖啡啤酒己溶為一體, 啤酒帶點咖啡香, 咖啡則帶點啤酒的麥香及氣泡, 奶蓋為啤酒咖啡帶來芝士奶油的香滑及甜, 非常合拍的組合, 好飲喔。Shake shake 雞軟骨 ($52)雞軟骨、蒜溶、香葉及香矛一齊炸好後, 撒上椒鹽放入紙袋上枱, 食客按個人喜好加入辣椒粉 Shake and shake, 雞軟骨炸得乾身脆口, 蒜香加香矛, 香香辣辣, 一絕的佐酒小食。NVN咖啡骨 ($78)可愛的杯內是肉排, 杯上放了棉花糖, 店員淋上一壺熱咖啡即成。將棉花糖、咖啡跟杯內的排骨撈混才吃, 帶猪軟骨的肉排以香料藥膳鹵汁鹵得鬆化入味, 豬軟骨一咬即散, 肉排很鮮味, 入口散發著鹵水香料的香味及淡淡的咖啡香, 仲有溶了的棉花糖甜味, 玩味十足的肉排, 很美味。差不多一尺蝦 ($138)同隻筷子一樣咁長的越南大虎蝦, 肥嘟嘟的, 上面是脆卜卜的辣椒葉及炸芋絲, 下層是以蒜溶、辣醬及蕃茄調教既醬汁, 本身大蝦用蒜蓉椒鹽爆香咗, 己惹味非常, 真係啖啖爽口蝦肉, 炸芋絲就當然拈香辣蒜蓉蕃茄汁食添食味。嫲嫲南越湯-招牌金邊粉 ($88)招牌金邊粉材料非常豐富, 生牛肉片、鹵得腍滑入味的牛尾及牛筋, 彈牙牛丸, 再配上爽口芽菜及吸汁油炸鬼, 牛骨湯濃香但唔喊, 金邊粉口感滑捋捋, 微彈, 索曬啲牛骨湯, 正!惹火上身鹹檸豬頸肉 ($68)惹火...哈哈, 喺豬頸肉上淋少許酒精再用火槍惹火, 令豬頸肉更香口, 豬頸肉用鹹檸醃過, 爽口油香得黎有檸檬的清香, 食多幾件都唔會膩口, 再拈少許花生沙嗲醬, 仲香仲好食, 記得食埋件裝飾物…..燒菠蘿, 又甜又多汁呢。…查看更多

名稱 : 南越南咖啡廳  ( NAM VIET NAM CAFE)地址 : 旺角彌敦道726號1樓未試過的感覺 ，食物一擺上枱， 靚到唔捨得食，朋友之前已經食過一次，好好味，今天再來尋味。餐廳燈光好夢幻， 裝修好有現代感， 侍應笑容滿面， 食物又快又好味。我比滿分香茅青蘋果茶(冷) 清新嘅青蘋果配上香茅，這個組合十分之夾，甜度剛剛好，解油膩又解渴。班蘭龍眼茶  (冷)清涼又解渴惹火上身鹹檸豬頸肉生日必點😂因為回頭率100%，豬頸肉肉質鮮嫩，配上燒過嘅菠蘿解肥膩，正啊👍🏻Shake shake 雞軟骨一擺上枱個包裝就冇得輸，微辣酥香脆，記得新鮮青檬一定要擠啊，加咗滋味好多。NVN咖啡骨必吃推介，一擺上枱有種好驚艷的感覺，朋友更話不捨得吃，上層蓋滿棉花糖，再倒入即磨咖啡，之後就看到主角超腍嘅排骨，咖啡溶解了棉花糖為排骨添上甜而不膩嘅感覺。差不多一刀蝦真材實料，大大隻，無論係蝦頭同蝦身都有滿滿嘅蝦膏，配上細條炸過嘅芋絲 ，香茅葉香脆可口。順化麻辣鴨血金邊粉第一次食鴨血口感煙煙韌韌，幾得意。入面還有牛肉牛丸，越式魚片，分量十足，越吃越上頭，越辣越想食。…查看更多

跟著友人吃😌與平時吃的越南菜有點不一樣我們都點了餐廳人氣之選 ✨招牌金邊粉〰️好足料✨脆米紙薄餅〰️最愛這個 雖然d米紙一張過好難撕 吃得有點狼狽 但係夾埋上面嘅香菜+風乾?肉 好惹味✨五香豬腩伴鍋巴〰️次選 除咗舊肥豬肉 味道good的✨Shake Shake 雞軟骨〰️玩得又食得 食食下唔覺意食哂 友人伸手想拎發現空袋了lol✨南越蛋啤酒〰️一開始味道我唔係好飲得出同一般啤酒嘅分別 甜甜地女生能入口的 飲到最尾蛋味就出了✨南越蛋咖啡〰️如果咖啡走糖相信會更好飲xd 食物賣相精緻 定價&食物質素成正比 不錯喔 …查看更多

-[嫲嫲南越湯] 招牌金邊粉🍜（$88) 牛肉片｜牛面珠｜牛筋｜牛尾｜牛肉丸｜油條可選小辣｜中辣｜大辣今次點了小辣，湯底好惹味材料煮到好腍👍🏻入口即化，又嫩滑牛肉丸都彈牙😝配上芽菜和金邊粉食好惹味，幾岩胃口🥳-脆米紙薄餅（$48）香脆的米紙鋪係底，上面加了很多開胃又特別的材料😛有好多類似臘肉粒，青瓜絲，蘿蔔絲，沙律醬等等肉粒甜甜的，又幾好食👍🏻青瓜絲和蘿蔔絲好fresh，層次豐富，推薦🤩好開胃的菜式-五香豬腩伴鍋巴🌮（$52)一共有三件份量偏少，但味道都不錯👌香脆的鍋巴配嫩滑的豬腩肉😜加埋醬汁和香料都幾夾🤩不油膩又口感豐富-Shake shake 雞軟骨（$48）食之前將辣椒粉和青檸油加入袋中☺️再上下左右前後不停Shake😆雞軟骨炸到幾香口，不錯😙-南越蛋咖啡（$28）依個飲品好特別第一次見到～咖啡上有一層類似creme brulee 的奶泡🤤好香蛋味🤙🏻一啖飲，有咖啡夾雜蛋香味✨味道幾夾，幾surprise幾好飲-南越滴漏咖啡(冷）（$28)咖啡味幾香，再與煉奶一齊攪勻，減低濃濃的咖啡苦味😎再倒落另一個杯飲🥰飲落好香口感香醇🤤係天氣炎熱的解渴降溫飲品-Name🏠:：NAM VIỆT NAM Café（南越南咖啡廳）Location📌: 九龍旺角彌敦道 726 號 1 樓(港鐵旺角站 B3 出口, 步行約3分鐘）價錢💰: [嫲嫲南越湯] 招牌金邊粉（$88) ，脆米紙薄餅（$48），五香豬腩伴鍋巴🌮（$52)，Shake shake 雞軟骨（$48），南越蛋咖啡（$28），南越滴漏咖啡(冷）（$28)…查看更多

位置好方便係彌敦道及旺角道交界 近T.O.P. Mall設計幾新潮感覺舒適 今晚坐滿但座位幾闊落因為菜式較新穎少見 店員每次上菜都介紹下服務好客而又不會over 重要價位幾平味道又正$48 脆米紙薄餅 抵食推介 #必叫好薄好脆既米紙鋪滿大量青瓜絲及炸豬肉粒醬汁係類似千島醬但再酸d 超級開胃好岩作為前菜 賣相同味道都好有驚喜$48 shakeshake雞軟骨上枱係一個外賣袋心諗係咪上錯菜原來入邊有齊岩岩炸好熱辣雞軟骨大量炸蒜 炸蝦 香茅 調味料同埋超好味炸紫蘇葉另外可按自己需要加辣椒粉及青檸最好玩係枱枱都輪住玩shake shake 幾過癮唔止玩味十足 雞軟骨又脆又好味$68 南越蟹肉醬配脆球餅凍冰冰蟹肉配甘旬沙律不太甜味道清新自行釀入細細粒中空炸波波一啖咬落去炸米波 係口內爆開既感覺特別$88 麻麻南越湯招牌金邊粉一嚟見到我尋覓多年既浸湯油炸鬼就知道呢碗係地道河內人煮既金邊粉！十年前去河內每日早餐必食 返港後念念不忘Anyway 生肥牛片好爽甜 牛面珠牛筋牛尾超淋特別係個牛尾滑到用嘴一吸就消失左牛肉濃湯味道較重但我好buy 金邊粉吸晒d湯好正呢個金邊粉真材實料仲只賣$88 回頭率超高**返到屋企仲回味緊個牛尾$28 滴漏咖啡 啡味較濃齋飲香醇 溝埋練奶滑而不膩$32 荔枝雲朵咖啡 荔枝味好重 浮動視覺效果好高打卡靚好想叫埋個甜品香蕉薄餅 見到隔離枱賣相好靚可惜今晚又太飽食唔落 放假行過旺角會上嚟tea…查看更多

餐廳唔算太大 座位一望見晒 位與位之間都近不過勝在食物環境都有創意 驚喜重重😋越菜食牛肉PHO、檬粉、雞翼、春卷已經太普通喇🔖 南越蟹肉醬配脆球餅小編推介✨ 唔單止單卡OK 食落都好OK!蟹肉醬除咗主材料蟹肉之外 仲有蘿蔔同青瓜絲就咁食好似有啲單調 配蝦片又有啲沉悶但配脆球餅又真係未試過喎🤩將蟹肉醬放入薄薄嘅脆球餅 啖啖滿滿嘅口感🔖 SHAKE SHAKE 雞軟骨好正 有得食又有得玩 味道仲自己調配添🙆‍♀️將香脆雞軟骨加入秘製粉放入綠色袋SHAKE混令到雞軟骨360度都沾滿辣辣惹味辣粉比平時得面層灑粉更好～值得一讚❤️🔖 香蕉薄餅轉成四塊整體酥脆嘅薄餅 唯獨邊皮略嫌有啲硬如果要形容 小編覺得食落口感似脆版嘅蔥油餅面層舖滿切片香蕉、朱古力醬、煉奶、堅果碎粒食落多種口感 不過有啲掛住食開嘅香蕉班戟◡̉̈🔖 牛肉牛肉丸金邊粉本身諗住最穩陣菜式 點知麻麻地湯底由牛骨、牛尾、牛腱、牛筋和牛腩等材料經過長達二十小時熬製而成 比平時更鮮甜 正嘅牛肉丸正常發揮 都彈牙嘅 但牛肉食落有啲臊味🔖 蒜炒通菜絲係特別嘅 唔係炒通菜而係炒通菜絲🔖 南越蛋咖啡其實最初就係為咗呢杯嘢飲而去呢間餐廳不過都不枉此行 因為真係驚喜又好飲😍先係咖啡面上鋪咗一層用蛋漿製成嘅泡沫再用火微微燒一燒表層嘅焦糖飲落先嚐到甜甜嘅味道 再滲透出帶點苦嘅咖啡香一甜一苦 兩者中和 別有一番風味°˖✧٩(⁎ᵕᴗᵕ⁎)۶…查看更多

越南舖頭就食得多，南越南嘅餐廳又食過未？旺角呢間玩味嘅餐廳， 十分值得一試！環境位於食肆商業大廈彌敦道726號，之前都係呢幢大廈食過唔同嘅餐廳，一打開門已經見到餐廳有好多霓虹燈嘅設計，有少少懷舊嘅風味，亦好適合打卡。餐牌一睇餐牌果然心機十足，大部份食物都未食過，好多創意菜式，基本上款款都好想試，嚟到呢間餐廳食嘢一定唔會覺得悶！ NVM 高樓米塔 $48香港首見嘅菜式，其實係用炸米粉堆成高塔，再配合香料，淋上特別嘅越南香茅牛油醬，個醬汁比我感覺唔知點解有少少羅宋湯牛骨味，炸米粉本身冇乜味，配上醬汁食就即刻唔同晒。Shake Shake 雞軟骨 $42玩得又食得，用咗Shake Shake 薯條嘅原理，再配以辣椒粒同青檸汁，shake匀之後再食，本身入面好重香茅，雞軟骨炸得香口，粉層不口，餐前小食一流。 脆米紙薄餅 $48同樣又係玩味菜式！呢款係源於越南薄餅改款而成，下邊用咗脆米紙做餅底，仲有越南香腸、蝦乾等食材，食起上嚟好惹味，但又唔會有負擔感。南越蟹肉醬配脆球餅 $68繼續係脆卜卜嘅小食，平時食蟹肉醬可能都係配餅乾，呢度就配一個球狀嘅脆餅，整得好薄身，配以蟹肉醬食外脆內裡有絲絲蓉蓉滿滿嘅口感，食完咁多款小食都好有滿足感。招牌金邊粉 $88包括牛肉片、牛面珠、牛筋、牛腱、牛肉丸和油條。湯頭足足咬足二十四小時，一呷湯底已經有濃濃嘅牛肉味道，但係又唔會有油膩感，加上混合南越及老撾嘅風味，平時真係難食到呢種味道。南越蛋咖啡 $28係我一直好想試嘅咖啡！咖啡之上有燒過嘅焦糖加上蛋醬，表面一看就好似cream brûlée 咁，唔使攪勻飲，入口先係甜甜嘅蛋醬，隨之而就係咖啡嘅香味，兩者好夾，仲有啲好似蛋咁樣嘅口感，仲配左件綠豆糕送咖啡飲，特別得來又好飲！微藻檸檬薑茶 $28望個樣以為係坊間成日見嘅蝶豆花，原來唔係，係微藻，呢杯飲落去就比較清新，味道交談，薑味如果再突出啲就好啦。總括而言，呢間南越南嘅創意餐廳必定會再來，一來價錢唔貴，二來食物款式多樣化有創意，重點係每一樣味道都好食，下次想試吓南越南蛋啤酒！…查看更多

走進這間餐廳，感覺好舒服，選了近窗口的位置坐低。原來呢間不單只係越南餐廳，而係南越南餐廳，餐單上嘅食物都好特別，我同朋友沒有叫到平時食開嘅米紙卷、金邊粉、撈檬粉。。。反而叫咗幾個平時喺越南餐廳見唔到嘅越南新派食物及飲品。脆米紙薄餅 $48這個前菜好清新，好開胃，餅底係用米紙餅來炸到香脆鬆化，配料有越南香腸、紅蘿蔔絲、青瓜絲、千島醬。千島醬酸酸地，好醒胃。NVN 高樓米塔 $48呢個小食好特別，疊高炸脆咗嘅米粉，然後自己淋上秘製醬汁，酸酸甜甜好好味，食落不油膩，感覺唔熱氣。Shake Shake 雞軟骨 $42這個上菜方式又係有得玩，首先將調味粉、辣椒片、青檸汁倒入袋子裏，袋子裏面已經有青檸葉、香茅、以及主角雞軟骨，然後自己 shake shake shake，加了青檸汁、香茅一齊食，味道好清新，唔油膩。烤蔞葉雞配青蘋果條$78侍應說這個是用蔞葉來烤煮雞，味道有些似南乳味，配上青蘋果沙律，完全平衡返炸雞嘅油膩。南越蛋啤酒$38呢個飲品又有得玩，創意十足，杯裏面放了雞蛋泡泡，然後自己把啤酒倒落個杯裏，口感有些似啤酒味嘅milkshake，完全沒有雞蛋嘅「腥」味。這個飲品完全平衡各款油炸小食，一流！荔枝雲朵咖啡$32這個餐飲外表好靚，底層似荔枝梳打，中間係咖啡，上面配上花瓣。沒想到荔枝同咖啡係咁夾，好好飲。全部食物都好特別，創意十足，又有得玩，Menu 上仲有好多特色食物，下次一定要再來品嚐。…查看更多

前排同一個成幾年冇見嘅朋友見面🙈咁循例就梗係問吓佢鍾意食乜嘢，呢個朋友比較特別，原來係鍾意食越南菜😆俾我搵到一間喺旺角新開冇耐嘅越南餐廳，啲菜式十分有特色，有別於一般嘅越南菜。由餐牌可見，好多菜式都好有特色，一般嘅越南餐廳都冇㗎😊越式米紙卷相信好多人都食過，呢度就用創意變咗脆米紙薄餅😁材料同一般嘅米紙卷都好似🤣有蛋黃醬、蘿蔔、青瓜、米粉等等，系多咗香腸粒。每一塊都好脆，多蔬菜所以食落都幾fresh，同埋酸酸哋幾開胃。參考某間連鎖快餐店，近年都有啲菜式系shake shake，真系第一次食雞軟骨😹好盞鬼。裡面有辣椒粉、辣椒、香茅葉，幾樣調味料都系偏向濃味，同雞軟骨shake勻之後都有啲辣🙊雞軟骨脆脆哋好食啊。睇個樣就打卡居多🤣側邊嘅醬汁系由青檸同埋香茅葉製成，味道酸酸甜甜，米塔都幾似平時喺酒樓會食到嗰啲脆米粉。燒雞向來系好多國家嘅菜式，只系整法吾同，越南菜原來都有燒雞😊仲要系配青蘋果條，好新鮮嘅組合。燒雞嘅燒烤味都幾明顯，雞肉好滑，juicy就ok啦，略嫌都少乾🙊醬汁類似咖央醬，甜甜哋，feel到啲椰漿味。呢個招牌金邊粉有嘅材料真系不得了，有牛肉片、牛面珠、牛筋、牛腱、牛肉丸、油條，牛全部都系牛🐮牛肉片系肥牛，好滑，入口即溶😍牛筋就爽口啲，好似啫喱咁。牛腱口感相對結實，都好入味。牛肉丸都爽口彈牙。呢杯打卡真系一流😁雲朵部分系泡沫，泡沫系玫瑰味🌹底部系荔枝醬同埋expresso 感覺好奇妙😹檸檬加薑呢個組合又系好特別，檸檬味強烈好多，薑味吾算好feel到🙈整體黎講有啲似檸蜜，都好飲嘅。…查看更多

星級名廚 Chef Justin Chan 陳希裕的新作，把越南傳統街頭小食灌進新概念，形象大革新外，亦注重細節，追求完美，價錢更難得親民。 越南首都河內位於越南北部，最大的城市胡志明市位於南部，據說南部的菜式相比北部多用香辛，因此味道較濃及複雜；我對胡志明市比較熟悉，也許習慣了的都是濃郁的越南菜式，主打南越南菜式的「南越南咖啡廳」有何不同，好奇心驅使下，今午特來親身體驗。 主理人是星級名廚 Chef Justin Chan 陳希裕，原來他把這裏塑造成新派街頭小食之聚處，傳統中灌進新概念，形象大革新外，亦注重細節，追求完美。 例如招牌金邊粉，足十二小時熬製牛肉湯底香濃醇厚，更心思地配以拉差辣椒醬及海鮮醬醮牛肉，食味提升。 特別製作脆球餅配蟹肉醬，別於一般越南薄餅；南越式法包除了不乏常被遺忘的肝醬外，更配個熱湯，令午餐完美。 南越蛋咖啡真的好，吃完面頭的焦糖蛋醬才喝咖啡，二合一的神奇組合。 詳情如下：脆米紙薄餅 $48街頭小食越南薄餅的改良，米紙餅底炸至金黃香脆，如紙般薄的同時，撕開不會破碎零落，入口極度鬆化，配以甜甜地的越南香腸、檳榔葉及酸瓜，酸甜香脆，停不了口！ 南越蟹肉醬配脆球餅 $68脆球餅有點玩味，開了頂正好注入蟹肉醬，酸甜對比酥脆的口感。 Shake Shake 雞軟骨 $48味道自己調，把適量的辣椒及青檸汁加入紙袋，內藏已經炸好的雞軟骨，然後大力搖呀搖，搖勻之後倒出來吃，酥香惹味辣得好，佐酒一流！ 「嫲嫲南越湯」招牌金邊粉 $88主角出場了，湯頭以牛骨、牛筋、牛尾及牛腱熬煮十二小時至極濃，明言不加魚露及香料，講求原汁原味，難怪口感香醇、濃而不霸氣，鮮甜順滑。 配上新鮮金邊粉及牛肉片、牛面珠、牛筋、牛腱、牛肉丸、油條等材料，食落牛香撲鼻，粉滑滋味， 備以拉差辣椒醬及海鮮醬蘸牛肉非常合我意，甜與辣的配搭，層次大大提升。 苗族椰汁淡咖喱雞肉湯檬粉 $78充滿椰汁香，與名副其實輕輕的咖喱合拍，湯濃稠但味清，材料只有磨菇、雞件及菜蔬已經足夠。 NVN 南越法式麵包配肉湯 $78在香港吃到的越式法包，起初不明白為何總不能與越南當地的相比，後來得知秘方之一就是缺了鴨肝醬，喜見 NVN 沒有把這重點遺忘！餡料包括肝醬、燻腣、扎肉、豬耳、醃酸蘿蔔、青瓜、蛋黃醬、蔥油及香葉。加豬耳是另一重點，酸蘿蔔不過酸同樣重要，仲要有個質素麵包。NVN 南越法式麵包的確比坊間好，但可能是我要求高，總是還欠了些什麼！只不過配一個熱湯是個非常好主意，吃完包包乾乾地，熱湯補濕暖胃，一般人沒有想到的黃金組合。 荔枝雲朵咖啡 $38荔枝雲泡沫甜甜香香的，平衡越南咖啡的甘苦，冰涼可口亦漂亮。 微藻檸檬薑茶 $28檸檬薑茶本平常，加了養生的藍色微藻才是亮點，幾時都話食得要健康，方能長食長有。 南越蛋咖啡 $28精彩的壓軸，旅遊越南多次沒有見過蛋咖啡！面頭浮着的是焦糖蛋醬，香甜濃郁，與下層的咖啡二合為一，正好甘甜交替，意想不到的討好。 咖啡廳走親民路線，價錢幾十蚊起，裝潢時尚，簡潔舒適，墨綠色的主調及佈局，洋溢著當地氣息。食品有質素有創意，價錢相宜，值得為食、走此程！  …查看更多