影片
更多
2021-10-31
1990 瀏覽
好味指數😋😋😋😋回頭指數 ⭐️⭐️⭐️⭐️開心指數🤗🤗🤗🤗假日嘅下晝，約咗朋友想輕輕鬆鬆傾下偈chill 下，就揀咗佢屋企附近嘅呢間Bar & Restaurant 試下！位置上面係有少少 confused，用google map 打地址、google map 標示嘅餐廳位置同Openrice 嘅標示位置係有D 出入，最後發現根據openrice 地鐵出口指示，出咗嚟轉右去到盡頭就係！知道咗地點後，就發現google map 同 openrice 標示餐廳位置比較準，千祈唔好用個地址響google map 搵，唔係就真係唔知去鬼咗邊！去到餐廳，有半戶外嘅檯，同室內嘅檯，因為呢個時間天氣少少涼，唔想留響冷氣地方，就揀咗半戶外嘅檯，因為溫度比較舒服又有少少太陽嘅感覺！不過要留意嘅係隔離就係地盤，有一大排水馬響走廊邊，如果佢開緊工就唔知有冇咁舒服啦！Lunch time 係冇 lunch menu，係 A La Carte menu，我同朋友先點咗兩杯酒精飲品！🍴La Mensa Beach Ice Tea（$68/HH）呢款飲品外觀好吸精，上面有糖膠裝飾，要響佢融化前放入杯酒度！呢杯有 house
回頭指數 ⭐️⭐️⭐️⭐️
開心指數🤗🤗🤗🤗
假日嘅下晝，約咗朋友想輕輕鬆鬆傾下偈chill 下，就揀咗佢屋企附近嘅呢間Bar & Restaurant 試下！
位置上面係有少少 confused，用google map 打地址、google map 標示嘅餐廳位置同Openrice 嘅標示位置係有D 出入，最後發現根據openrice 地鐵出口指示，出咗嚟轉右去到盡頭就係！知道咗地點後，就發現google map 同 openrice 標示餐廳位置比較準，千祈唔好用個地址響google map 搵，唔係就真係唔知去鬼咗邊！
去到餐廳，有半戶外嘅檯，同室內嘅檯，因為呢個時間天氣少少涼，唔想留響冷氣地方，就揀咗半戶外嘅檯，因為溫度比較舒服又有少少太陽嘅感覺！不過要留意嘅係隔離就係地盤，有一大排水馬響走廊邊，如果佢開緊工就唔知有冇咁舒服啦！
Lunch time 係冇 lunch menu，係 A La Carte menu，我同朋友先點咗兩杯酒精飲品！
🍴La Mensa Beach Ice Tea（$68/HH）
呢款飲品外觀好吸精，上面有糖膠裝飾，要響佢融化前放入杯酒度！呢杯有 house nutrition drink、vodka、rum、gin、cointreau、midori 同紅莓汁，酒精含量比較高，我估係用咗 long Island ice tea 嘅concept 成為佢哋自家製嘅 version！呢杯係朋友飲嘅，朋友覺得比較甜，可能係混合咗一大塊糖膠！
🍴Sangria ($68/HH)
飲品擺設上都用咗D 心思，用咗紅酒、橙汁、鮮果肉製作，係正常Sangria 嘅味道！
🍴La Mensa House Pizza（$165）
Pizza 嘅餅底係大概3-4mm厚，外脆而中間會有少少 chewy 口感，上面有香腸、意大利辣肉腸、火腿、洋蔥、辣椒、煙肉同菠蘿，芝士有拉絲嘅效果！
🍴Truffle Mushroom Ravioli（$128)
呢個可以揀cream sauce 或者 tomato sauce，我哋揀咗 cream sauce！個汁好濃厚，非常creamy，餛飩本身個餡料都有芝士，口感軟滑，因為我哋都好鍾意creamy 口感，所以咁樣揀，share 嚟食就啱啱好，一個人食晒成碟可能會有少少飽膩；如果你本身係比較怕膩嘅，可能揀tomato sauce 會比較適合！
🍴Latte（$48）/ Iced Latte（$58）
食飽飯，大家都想飲杯咖啡繼續傾偈，就叫多杯咖啡嘆下！
由lunch time 開始食嘢，慢慢食下飲下再叫咗個咖啡慢慢傾偈，輕輕鬆鬆坐咗幾個鐘！假日有咁樣嘅chill talk 都幾開心！另外我都見有客人帶埋小狗坐半戶外嘅檯，呢度都係一間寵物友善嘅餐廳！
張貼
