Dear Neighbor

營業中

休息中

Dear Neighbor 係由一位擁有職人精神嘅專業咖啡師所開嘅優質咖啡西餐廳。店主自家烘豆選豆，着重品質，飲品選擇豐富多元，除咗基礎手沖、意式之外更加上許多特調款。其中一款特色飲品係「Irish Coffee」，雖無酒精成份，但係使用了三種香料，入口香濃順滑，為傳統嘅愛爾蘭咖啡帶來了獨特嘅風味。另一款嶄新口味嘅咖啡係「Apple Tea Coffee」，未飲前會聞到空氣中帶有少許蘋果香氣，呷一啖會嘗到fruity 咖啡味，尾韻回甘，有一股蘋果香停留於口腔中，細緻嘅咖啡新體驗。「Apple Tea Coffee」同店主最新推出嘅「腐乳忌廉芝士雞肉意粉」非常之夾！微酸嘅咖啡可以中和濃郁嘅腐乳忌廉芝士味，讓人驚喜不已！店主從云云嘅腐乳之中選取最適合嘅味道嚟炮製醬汁，經過多番嘅嘗試，最後先調製成完美配方。Dear Neighbor 有2層，以工業水泥風為主題，其半開放式設計，採光度佳。喺和暖嘅陽光沐浴下，享受一杯專業手沖咖啡，真係愜意不過！二樓有Tatami 座位，更加可以挑望街景，十分寫意。

山道有數間小型咖啡店，大部分都是走型格路線，疫情關係只提供一半座位，所以即使平日二點過後所有餐廳也「滿座」。正在餐廳入口細閱餐牌時，店員走上來友善的介紹一番，因為他的熱情我們便跟他入内試試。餐廳佈置隨意簡單，下層已滿座，我們便走上一層，寬大的空間放了三張枱，如果不是疫情的話用來做派對房也不錯。店員推介All day breakfast 和 Curry Pasta (daily pasta); All day breakfast 和普通餐廳的沒有多大分別，據店員所講炒蛋放了黑松露、蒜蓉牛角包是親手做的⋯黑松露的味道不算特出，而牛角包的蒜蓉味也很低調，蔬菜也算新鮮，整體普普通通不過不失。而朋友的咖喱意粉是有創意的，有豐富的咖喱味但不會辣，意粉質素和口感也算不錯，但也沒有驚喜感覺。值得一提的是店員推介的Irish coffee ，特點是沒有酒精，而咖啡味獨特濃郁，帶點甘苦，賣相也很好。Flat White沒有濃烈的咖啡味但容易入口， 拉花的賣相很美。感覺到店主在食物和飲品上也花了心思，如果在食物質素和味道上再提升一點點，應該會更上一層樓。