Are U Labeler

營業中

休息中

同兩個寶貝仔🐶🐶去何文田梭亞道獸醫診所打預防針，打完梗係食少少野先返屋企啦，就係診所附近就有間西餐廳，佢裝修好別緻，有室內同室外嘅空間，室外部分有兩張高枱，適合帶寵物嘅人同吸煙人士（本人並不支持吸煙🚬，吸煙危害身體）我哋點咗一份德國豬手配酸菜，Fish and chips 同埋一杯dirty & ice cappuccino，fish and chips新鮮炸起熱辣辣好好食，粉漿好薄身，食落去唔會太油膩，配以千島醬同茄汁，味道真係一流；德國豬手雖然要等耐少少，不過時間就啱啱好，食完個fish and chips佢就嚟喇🤣🤣🤣豬手嘅外皮十分脆，亦都真係十分大隻，唔會太咸，配埋酸菜一齊食可以阻隔油膩感，整體來講餐廳職員對客人同🐶🐶都十分友善，真心推薦

🌟🌟🌟🌟🌟🌟🌟🌟🌟🌟🌟🌟🌟🌟🍽 Are U Labeler (何文田)📍何文田梭椏道25A地舖🌟🌟🌟🌟🌟🌟🌟🌟🌟🌟🌟🌟🌟🌟告急告急！嗰日星期日入去幫襯佢，竟然有坐低佢都食完，除咗我哋之外一個客都冇呀！大家點解唔去懲罰佢啊！porcini mushroom risitto $88個醬汁整到好creamy， risotto嘅軟硬度啱啱好，加上完全勁揼本超多份量嘅蘑菇，好良心，好好味😭truffle salmon avocado benedict $118 首先賣相好靚，相機食先，之後不得不讚佢係一個完美嘅poached egg！一切開啲蛋漿就湧左出嚟，睇到好治癒，下面墊住就係牛油果蓉，均勻咁樣查咗喺麵包上面，如果墊底嘅係用sourdough更好！DIRTY $45咖啡控，黎到Cafe梗係要飲咖啡啦，整得好好，無論外表上，定係味道，都非常完美嘅dirty☺️✨如果喜歡我的文章，可以關注我及讚好以作鼓勵喔✨