Burger Circus

營業中

休息中

雜食中，三文治，熱狗，漢堡包都喜歡吃，但超喜歡吃漢堡包，因為一般會有汁，夠濕潤，有件肉，有些蔬菜，夠晒健康。「荷里活，有間大酒店！」有無酒店就唔知，只知道荷里活道有間漢堡包店，這晚走上去試試。餐廳並不大，但很標致，像個火車廂，美國feel重，侍應都穿上美國餐廳的服飾，在這環境下吃漢堡包，感覺良好。有十一款漢堡包可選擇，我點了Circus Burger，喜歡有芝士，有煙肉，又點了Bufffalo Wings 和一杯 Mandarin Creamsicle。飲品最先送來，有些少甘甜酸的味道，清涼解渴。漢堡包用半開紙盒盛著，件牛肉幾厚，重流緊汁，芝士呈半溶狀態，番茄鮮紅色，生菜幾翠綠。麵包有烘過，幾軟熟，一口咬下，汁流到一手都係，不過食漢堡包，好多時都係咁，牛肉好多汁，烤得幾香口，番茄生菜中和肉的油膩，煙肉和芝士配漢堡牛肉真是絕配，增加香味和口感。Buffalo Wings，辣汁雞翼，算大隻但未算飽滿，雞翼滿佈橙紅色的辣汁，在我來說，頗辣，幾刺激！怕辣，可吃一兩條西芹條，感覺無咁辣。下次來要試 milkshake！

去中環試burger😋😋一入到去見到好特別的環境 好似身處列車一樣叫左set #3 circus burger野飲係burger circus pie shake 揀左banoffee pie既味道乜野係banoffee呢？原來係banana加toffeeshake既味道唔太甜 個蛋糕味好新鮮 大家下次可以試下薯條應該係即叫即炸 外脆內軟...Burger材料好新鮮 肉好厚 生菜好脆 蕃茄好多汁餐廳細心地有個盒仔裝住burger 食既時候漏晒汁都唔怕搞到成手都係😛兩個人share一set都夠飽架！

已經忘記了對上一次在本地光顧傳統美式餐館的經歷，仔細想想，依然沒有答案。不過與其回望過去，何不索性捉緊現在！今個週末來到中環，即使早前已吃過一個有份量的午飯，也不能放棄一試新店 Burger Circus 的漢堡飽和傳統奶昔。Burger Circus 位於中環中半山荷李活道附近，餐廳仿照五十年代的傳統美式餐館設計，感覺如坐時光隧道回到五六十年前的美國一樣。設計師特別為餐廳度身訂造出一個火車卡的佈局，令用餐的過程更加有趣。這裡的餐牌簡單到位 - 十種食材不同的漢堡，加上幾款奶昔 (有我至愛的雲呢拿味和海鹽焦糖味，正！)、薯條、洋蔥圏和多種美式甜品，總有一兩款合心意。率先來一杯雲呢拿奶昔打頭陣。奶昔跟足傳統做法，用上高身玻璃杯出場，面頭也不忘加入車厘子和奶油。喜歡雲呢拿味的濃郁，味道令人相當滿足，但是奶昔的質感卻比常見的 (如 BLT Burger ) 略為輕盈，像泡沫般的口感感覺有點失色 (純粹個人喜好) (3/5)。漢堡則點了 Circus Burger。這裡的漢堡牛肉的確是肉汁豐富，而且肉質嫩滑，不錯。感覺上整體味道不俗，不過如果麵包、生菜和蕃茄可以再味美多一點的話，相信菜式的美味