SHADI

營業中

休息中

餐廳：SHADI地點：土瓜灣餐牌：Shawarma、漢堡包、Pizza、熱狗、雞翼、薯條Chicken Shawarma $80Chicken Shawarma大大支用紙袋再用錫紙包住，薄餅皮入面除咗有雞肉絲，仲有新鮮生菜、番茄同洋蔥，加上滑溜白色醬汁，味道唔錯，材料豐富。兩個人分一支就剛好。Margarita薄餅 $55Margarita薄餅係6吋手製薄餅，一客切好4大件，熱辣辣！面頭有好多馬蘇里拉芝士，加有番茄醬喺薄餅邊，再加上香草。口感煙韌又脆口，仲有燶邊，芝士夠多，正！薯條 $25粗身薯條用熱盤上枱，熱辣辣炸起，加上鹽，伴有一小杯茄汁，夠飽肚。今餐Shawarma同薄餅都好食。小店入面有5個位，外賣都方便。

呢間Shadi 位於土瓜灣同宋王臺站之間嘅一個幽靜角落，係一間主打漢堡、薄餅同埋中東小食嘅外賣快餐店，店內仲有少量位置可以堂食！經過聞到陣陣嘅香氣，望望餐牌見到有一款叫Shawarma 嘅小食好似好特別咁，上網一search先知原來係一種肉嘅名稱，而且仲係一種流行於中東地方嘅快餐小吃！真係會令人期待去食呢啲特色小食～薄餅(Spicy Pepperoni)💰HK$75薄餅材料豐富，有純牛辣肉腸、辣椒碎、蕃茄醬同埋馬蘇里拉芝士等等！香辣惹味，芝士仲有拉絲嘅效果，真係好邪惡啊～Shawarma (Chicken)💰HK$80口味可以揀辣同埋唔辣，同朋友揀咗唔辣嘅！份量超大，餡料十足！雞肉嘅味道非常之獨特，有一種煙燻過嘅香味，而且肉質非常柔軟嫩滑，配埋爽脆嘅生菜、洋蔥、蕃茄同埋醬汁等等，口感豐富多元化～鹽味薯條💰HK$25薯條係比較粗身嗰種，外皮酥脆，又唔會太過油膩，達到咗一個恰到好處嘅平衡！簡單用鹽去調味，配少少茄汁，已經係一款簡單而美味嘅經典小食～