PokéToké

營業中

休息中

旺角終於開左一間專門食poke bowl既店～依家仲係試業期間，已吸引唔少捧場客！Poke bowl源於夏威夷，跟平時食開既日式魚生飯唔同，魚生粒會預先用醬汁調好味，再配上唔同配菜，係健康低卡之選。餐廳以簡約木系裝修為主，仲有個半開放式廚房。除左4款特色poke bowl，仲有自選款式，可以配搭出唔同口味～❀ 大滿貫好足料既Poke Bowl！配料有齊三文魚、吞拿魚、牛油果、中華沙律、雜錦香菇、蛋絲、蟹籽、紫菜絲及木魚絲，再配有山葵蛋黃醬及灑上芝麻，唔止色彩繽紛，仲食得好滿足。今次揀左淨壽司飯，另外可以揀沙律或壽司飯拼沙律。兩款魚生肉質都好鮮嫩，仲有好厚切，其他配料份量都好足，特別中意牛油果及香菇依兩樣配料，前者好creamy，而後者炒得好惹味。而壽司飯只食到好少醋味，如果多d醋味就更好食❀ Build Your Own Bowl自選配料及醬汁款式好多～除左魚生，仲可以揀慢煮雞肉、虎蝦仁及雜錦香菇，素食人士都啱食！今次就揀左吞拿魚、三文魚籽、玉子絲、蟹柳及凱撒沙律醬配壽司飯。一上格就被滿滿既配料所吸引，依款口味較清新健康，吞拿魚同樣好新鮮，下次會試埋其他配料⋆⋆⋆⋆⋆⋆⋆⋆⋆⋆⋆⋆⋆⋆

𝙖𝙡𝙤𝙝𝙖 𝙩𝙤 𝙖𝙡𝙡 𝙩𝙝𝙚 𝙥𝙤𝙠𝙚 𝙡𝙤𝙫𝙚𝙧𝙨! 𝙘𝙝𝙚𝙘𝙠 𝙤𝙪𝙩 𝙩𝙝𝙞𝙨 𝙣𝙚𝙬 𝙥𝙤𝙠𝙚 𝙗𝙤𝙬𝙡 𝙥𝙡𝙖𝙘𝙚 𝙞𝙛 𝙮𝙤𝙪'𝙧𝙚 𝙡𝙤𝙤𝙠𝙞𝙣𝙜 𝙛𝙤𝙧 𝙙𝙚𝙡𝙞𝙘𝙞𝙤𝙪𝙨 𝙖𝙣𝙙 𝙜𝙪𝙞𝙡𝙩-𝙛𝙧𝙚𝙚 𝙛𝙤𝙤𝙙❤️‍🔥.近排又焗又熱出街都真係幾難諗食咩，經開旺角見到間新開食poke bowl既餐廳即有入去試一試！店員推介左grand slam有齊哂三文魚、吞拿魚、中華沙律、雜菌、牛油果再配山葵蛋黃醬，三文魚同吞拿魚驚喜地好香魚油味，所有配料加埋同山葵蛋黃醬好夾！另外自選既揀左一半飯一半沙律菜，慢煮雞胸一啲都唔鞋仲份量幾多，佢地自製既柚子沙律汁絕對係個精粹，食到粒粒柚子皮然後個醬甜得黎好清新，撈埋木魚絲同紫菜同埋其他toppings真係不得了😱