蠔站 (荃新天地)

營業中

休息中

每次想約friend都會嚟呢間西餐廳。呢度嘅生蠔同牛扒都好出色，真係唔可以錯過😋。🦪 $10 生蠔超值之選～ 生蠔新鮮肥美，每一隻都帶有海洋嘅鮮甜味道。配埋少少檸檬汁同佢哋嘅cocktail sauce，味道更加豐富。每一啖都感受到海洋嘅氣息，真係好滿足，食得好開心。🥩 炭燒美國 C.AB肉眼扒（12安士）呢個牛扒不錯～ 炭燒得外脆內嫩，肉質多汁且帶有濃郁嘅炭香味。12安士嘅份量絕對夠飽，每一啖都好juicy，加埋少少鹽同胡椒，味道更加突出👍。

因為個女好肚餓關係，一入去坐低就話要食包包，奈何得一款蒜蓉包揀，等咗大概10分鐘，㸃知上枱凍嘅。想揀個意粉或飯俾個女食，但種類好少，見食評話卡邦尼好差攪到都唔敢叫。男友話好餓要食飯，叫咗個石燒牛，牛肉又un又乾。軟殼蟹意粉又係乾爭爭。得啲特價蠔叫做正常。唔好食食唔飽，5百幾蚊埋單，總括嚟講應該9成唔會有下次。呀！仲有，啲水杯勁污穢，而家咁嘅環境仲一早放定哂啲水杯喺枱面度冇遮冇掩，又油又有積，真係好難接受囉。