村爺爺龍蝦湯.泡飯.燉湯專家

成日都見到好多人排隊，終於有時間試吓，都排咗一陣先有得入去，啲座位勁窄試下佢出名嘅龍蝦湯飯，咁大隻蝦頭都幾震撼，啖湯飲落去真係好普通，啲飯又冇乜特別出色，成個湯好多蜆，同青口，都係我唔太鍾意嘅貝類，同埋個蝦頭煲咗好耐好耐咁，好驚會係重用🥴…查看更多

琴日放工去接老公收工 , 佢話好想食村爺爺 , 上次佢帶我去食 , 排隊等左近半個鐘 , 仲要搭枱坐添 , 老公介紹我食花膠雞燉翅飯餐  , 半隻雞(成件)上枱  , 雖然有手套提供 , 但坐位空間有限 , 2隻手撕開雞件比較狼狽 , 老公梗係要出手相助架啦 , 但用力都要技巧 , 有幾下"扯開"既動作差D整到對面食客 , 所以老公話想去食, 我話食雞既要佢幫我撕雞 , 不過今次我見有日式咖哩飯 , 我唔食得辣 , 日式咖哩基本唔辣既 , 所以我食呢個黃油飯餐 , 我個飯黎到我添少少咖哩汁比老公試味 , 我大安旨意想撈汁落晒飯時 , 老公叫我停手 , 話個汁幾辣下 , 我試左一少啖就覺得幾哽 , 老公叫店員比個甜豉油我 , 我就當食煲仔飯咁....其實有紅蘿蔔同薯仔 , 但部份浸住咖哩汁 , 我唯有唔食果部份啦 , 不過都夠晒飽LU  …查看更多

俾人呃得太多，今次喺村爺爺食到真係有半隻雞，有大量花膠，仲要$68就食到嘅雞煲翅確實好驚喜，湯底仲要好香雞味，頓時明白點解晚晚呢度都排哂長龍😧！除咗雞煲翅令我好留戀之外，呢度嘅龍蝦湯泡飯都非常足料（講緊就算我淨係叫咗龍蝦湯底，無加原隻龍蝦，湯底都好濃龍蝦味，仲俾我數到入面有超過20粒蜆肉同青口😭😍），真係淡淡食到海鮮㗎🤤！所以真係唔好以為平嘢無好嘢，村爺爺就係一個好例子，抵佢日日都座無虛席。…查看更多

龍蝦湯泡飯味道一般！我系睇完食評之後先黎呢度食嘅，覺得有d失望！雖然海鮮嘅份量系足夠嘅，湯系ok嘅！但是我...食完之後唔想食第二次..............................…查看更多

恨吃龍蝦又嫌煩，未有想到來到濃蝦爺爺有意想不到的收穫。又嫲嫲又嬸嬸，開始令人煩厭不已，原來爺爺的龍蝦確實非凡！一味龍蝦湯泡飯已跑嬴幾個馬位，遠勝其他餐廳的龍蝦湯。真材實料的龍蝦，蝦香確是非凡；龍蝦不會烚了之後只得柴肉，還有滿滿的鮮味，超勁好食！湯是充斥著濃濃的蝦香，泡飯是叫做有些澱粉質趁著湯的精華，完全匹配的配搭。吃完這碗湯飯一定夠飽，皆因美味又濕潤；在乍暖還寒的日子食應錯不了。超好味的龍蝦湯泡飯。…查看更多

一早起身勁多野做，做到兩點幾都無食野，同朋友去左食下午茶。行過見好多人排隊，湊下熱鬧先。嘩，好平呀，特價麵食十幾蚊一碗仲有熱飲，其他下午茶都係十幾蚊起，唔怪得咁多人，等我地又排埋一份試下先。等了約十五分鐘先有位，店內坐位有點小迫，但以茶餐廳形式而言可接受，而且價錢相宜，亦沒甚麼可投訴了。自己點了咖哩牛脷飯，連熱飲在內（$28），太平了，份量可不少，滿滿一碟飯，牛脷亦有十片以上，仲有兩條青菜咖哩汁說是日式的，個人覺得偏甜，可以辣返少少就更好了。牛脷軟腍入味，帶蒜香，仲有洋蔥香，不錯，食完一碗勁飽。朋友點了自選龍蝦湯泡飯，兩款餸連熱飲（$48），轉凍飲加（$3），賣相平平，但原來那個龍蝦湯真的不得了，超濃郁的龍蝦味，味鮮且清甜，一喝就知非師傅而成。兩餸中朋友選了響鈴同墨魚丸，響鈴吸飽了湯汁很棒，墨丸爽口彈牙，非一般凍肉舖貨式。湯飯真的好好味，彭彭聲食哂仲飲到一滴湯都不淨，太正了。餐飲要了熱檸茶同凍檸茶，檸香茶純，不錯。遲到的朋友點了奶油多士（$18），即叫即制熱辣辣。奶同油都下得很多，漏哂出黎，連埋杯熱飲都係十幾蚊，超抵食。味道好，價錢平，唔怪得咁多人排隊…查看更多

一個人食飯，特別重視食物的質素，沒有另一個人陪你吹水，會特別嘴刁。我屋企離油麻地都算幾遠下，剛好去開附近就試下這間村爺爺，幸好極近地鐵站，特別適合我這種路痴和懶人。因爲入面唔係好多位，坐左出面d既位置。食之前一向都要做下資料搜集，我知道這裡的龍蝦泡飯比較出名，自然豪不猶疑地選擇了龍蝦湯底和飯！配料則選了墨丸，娃娃菜和鮮雞件。首先，對於食物有一樣嘢係最重要的，就是夠熱。熱騰騰的飯和湯首先已經贏得了我的好感。我影完相，㩒完手機之後仲係熱的。 龍蝦湯仲好鮮甜！ 第二樣同樣重要的是食物質素，雞件咬下去好有口感好滑！。墨丸好入味，不過可以再彈牙d就好。豬肚不過不失，沒有太大感覺。當中最好的是飯，軟硬剛好，而且夠大碗，細食的兩個女仔食都夠，不過食量我是偏向大食的，所以剛剛好。湯底很濃，適合較重口味的人，所以配料都好入味，只是我覺得可以手輕一點。如果喜歡吃濃的話，一定要選娃娃菜，很入味。我建議一次過把飯放入湯，會無咁重口味，一開始放少少，就覺得比較鹹，不過食到龍蝦味已經好好了。食完覺得有飽足的感覺，性價比不錯。不過一落左舊飯就掛住食，相都唔記得影另外，店員服務態度都不錯，會建議我食較划算的餐，店內環境不算大，但坐得幾舒適，我不是繁忙時間去，但幾乎坐滿，剛好不用等。整體而言，是平民食得飽足的好選擇，材料，味道不俗，果然沒有讓我失望，一個人去食都仲係覺得唔錯。…查看更多