河內越式料理

營業中

休息中

小子今日要去尖沙咀按摩💆🏻‍♀️ 按摩前要食少少嘢先就去咗依間位於堪富利士道越南粉嘅餐廳試下先😋好彩今日唔使等位，一到即刻可以入順化蕃茄蟹肉扎肉檬粉 $69味道還可以，但小子本身麻麻哋鍾意扎肉，所以覺得一般，豆卜蟹肉蕃茄湯都好味😋豆卜吸晒蕃茄味越式炸蝦餅 $32惠顧任何粉麵飯，可以加咗一份小食🎉🎉消脂，揀咗蝦餅，上枱一碟有四件，味道唔錯，熱辣辣越式炸春卷 $23其實小子睇餐牌是蝦餅同春卷，都好想試吓🥹但見到餐牌上邊寫解咗一份小食，到落單時就問店員係咪只可以加追一份小食個店員姐姐好好呀，佢比我叫多一份小子就叫埋春卷上到枱，熱辣辣兩大嚿，皮脆內軟龍眼冰 $12（套餐加錢價）正常龍眼冰，但係上枱時覺得好似俾人飲咗一啖😂環境尚算舒服，好坐 🥰🥰

今日黎到尖沙咀做facial係openrice 見到呢個冇負評嘅越南餐廳就決定咗黎食啦😎👍🍜河內生牛肉湯河粉呢個價錢就係尖沙咀旺市食到 真係好抵牛肉幾嫩 但牛肉味唔算濃河粉份量多 一個女仔食都幾飽！就算佢話冇芫荽 但表面d 青入面都係有少少芫荽碎係入面 所以真係好憎芫荽嘅人要小心🍹龍眼冰加8蚊就可以加大大杯龍眼冰😍面上有成5-6粒龍眼 咬落去仲爆汁飲品味道好清甜 唔會過甜 好岩夏天口渴飲😍.總括而言 係尖沙咀諗唔到有咩嘢食 又想平食我一定會再黎呢間試埋其他食品😋

今日嚟咗尖沙咀行街，行經堪富利士道，見到呢間越式菜餐廳，望落去個menu都好唔錯，所以決定入去食個下午茶餐🥰河內生熟牛肉湯河粉 ($52)- 呢碗湯河粉份量十足，大大碗河粉，湯底又好濃郁，超級索汁，食得好滋味；生熟牛肉都整得好有質素，有相當嘅水準，軟熟細滑，牛味香濃😚越式香茅雞翼撈檬 ($48)- 香茅雞翼炸得好靚，外脆內嫩，肉汁完美地鎖晒係入面，熱辣辣上枱即食，一啖咬落去爆曬啲肉汁出嚟，肉質鮮嫩，惹味可口😋越式炸蝦餅 (+$28)- 蝦餅作為小食都係超正，表皮香脆，炸粉唔厚；蝦肉嫩身，彈牙爽口，沾埋啲酸辣醬，風味即時提升，好好食😆椰汁三色冰 (+$12)- 椰汁三色冰都係冇得彈，椰汁香濃突出，甜度適中，有三色配料，好似係綠色粉條嘅加持底下，質感豐富，認真飽肚☺️龍眼冰 (+$12)- 龍眼冰都係越南菜特飲嘅必選，入口冰涼，味道清甜，仲有粒粒飽滿嘅龍眼肉，有得飲又有得食，好滿足🤤喺尖沙咀用到呢個價錢食到咁高質嘅越南菜，真係好抵食💛