PLAYT 咖啡廳

營業中

休息中

好多年前試過一次PLAYT 咖啡廳自助午餐，食物唔錯不過價錢都貴。尋晚係柏寧酒店住左一晚，今日一早就試試呢度既自助早餐。一晚Deluxe房間包兩位自助早餐，星期六入住價錢都要$1199加一。早餐時間為6點至10點半。呢度早餐係自助形式，一齊睇下有咩食啦！呢度個場都大，野食分開幾區，8點半前人流唔多。西式食物有炸薯餅，茄汁豆，扒番茄，粟米，豬柳漢堡扒，雞肉腸，煙肉，麥樂雞，熱香餅，係咪麥當勞個廚過咗黎？炸薯餅好好味，豬柳漢堡扒就麻麻地。奄列熱辣辣煮起好好食，我叫左雙份，不過太熟就唔好食。配料有芝士，煙肉，番茄，蔥花，洋蔥，蘑菇。亦可以叫炒雞蛋。烚雞蛋同煎雞蛋就唔洗等。粉麵檔有3款麵，得瑤柱上湯。配料有牛丸，韭菜水餃，豆卜，炸魚角，芽菜，金菇，冬菇，生菜。牛丸同韭菜水餃都麻麻，蔬菜就唔錯。凍盤有芝士拼盤配杏浦乾車厘茄合桃提子餅乾。芝士得硬芝士。合桃就唔錯。麵包糕點有多款，不過個樣唔似好食。沙律有車厘茄，青瓜片，粟米，沙律雜菜，選擇唔多。水果有西瓜，菠蘿，哈密瓜，蜜瓜，原隻水果如香蕉，橙，蘋果。凍肉有3款火腿。穀物早餐4款，一款雜莓脆片有名貴少少雜莓乾，配有果乾同杏仁片。果汁奶類有番茄汁，西

好明顯呢度嘅早餐唔係selling point，但冇可能接受到個落差咁大。佢嘅質素有機會差過啲精品酒店🏨。因為有啲精品酒店啲嘢少，但真係好好食，同埋唔會好似呢間咁，幾乎全部用隔夜野！唔知隔幾日！有啲人可能會話酒店處理隔夜餸好正常，但有幾多會係setup一模一樣(只不過抽走咗好多item)，扮都唔同你扮新鮮。首先講款式同味道(順圖序)：1️⃣果汁區&水果區，用一大罐罐頭果汁，我睇住佢倒。水果完全係尋晚嘅，只不過原本就係連皮，今日見到嘅就起晒肉切晒粒，但菠蘿肉已變啡黃。2️⃣ 原裝版本淥麵counter擺返喺度，但分別就係啲菜變咗有黃邊！同埋由好幾款點心變咗剩返一款點心！3️⃣沙律區：完全係隔夜，剩返嘅沙律菜撈埋一碟放雪櫃我理解，但尋日剩返嘅嘢冇可能得一盆菜咁少囉！連dressing&配料都要收返起咁多？4️⃣講吓新增嘅油膩食物區，以為垃圾食物就好食？煮唔使你煮咁滯，淨係炸或入爐grill，都可以一啲質素都冇！脆煙肉係想像唔到可以翻炸幾多次先可以有呢個咬口，見到佢咁深色以為實脆啦！點知係韌同硬嘅！條腸唔係手工腸，以為冇可能難食、頂籠係好鹹啦！點知係冇味！以為係分子料理！食嘅味道同口感同正常認知唔同！炒麵難

今晚約了一位好朋友來酒店食buffet，後天友人出發去日本，所以今晚就聚下舊及送行。近日在網上都找下一些食晚市自助餐的酒店，當然都想找一個地方舒適食物都多選擇的酒店餐廳，上兩星期同事介紹了我去栢寧酒店，告訴了我餐廳「Playt」已經翻新了，食物款式都不少，於是一早就已經book 了位約友人今晚食飯。 現今餐廳的裝潢果然是大翻新，裝潢的設計以都市及工業風為主，牆身畫上了豐富色彩的塗鴉，散發了陴陣的藝術風，裝潢果然是別具一格。我們被安排坐近窗旁的位置，天色仍未完全變黑，從落地玻璃窗外引入了天然的光線，我也從室內欣賞下維園的景色、繁華的街道等..... 自助餐已經開始，座位方面都已經坐滿了大半客人，友人也剛好來到，傾談片刻後我們去到取食物的buffet 位置拿些冷盤先食，順便四周巡視下有什麼特別的食物，琳瑯滿目的食物盡顯眼內，可是眼寬肚窄的我未能一一享用，所以都要想下今晚食自助餐的攻略。自助餐當然不少得食下冷盤海鮮及生蠔，不竟是回本之選。此裡也有即開生蠔的counter，不過排隊的客人總是不斷都有十幾位，因此我先到魚生壽司counter 取下即切魚生，除了即切魚生之外，也有供應即製手卷。