每次去北京樓都係晚飯時間過嚟食北京填鴨，未試過下午時間嚟飲茶，今日有時間就過嚟試吓。環境寬敞舒適，服務友善，總體，每碟點心都做得好精緻好靚，但茶具碗碟幾隻都有崩裂，點心籠有甩爛同有黑斑，扣緊啲分。🫖香煎墨魚餅 $50墨魚餅薄片，外層煎到金黃色，質地彈牙，充滿墨魚香甜味，配埋甜酸醬，好惹味～鐘意食🥰🫖點心拼盤 $148點心有燒賣，蝦餃，鮮蝦菜苗餃及黑松露素餃，共10件。黑松露素餸，顏色鮮艷，外形脹卜卜，餡料瓜類蘿蔔及淮山，清新爽脆，面藤鋪上黑松露，幾特別！蝦餃新鮮爽口，幾好燒賣普通，略咸菜苗餃嘅皮太厚，但餡料飽滿，都好食🫖三鮮蒸餃 $90有六隻，餃子皮太厚啦，餡料雖然唔算多，但咬開都好有肉汁，似食緊厚皮嘅小籠包🫖百花釀魚肚 $49蟹籽蝦肉都好爽口，魚肚都好滑好大隻，吸晒好多肉汁，相對其他茶樓嚟講，唔算好油同唔鹹🫖黑豚叉燒蒸腸粉 $44腸粉透薄粗身，充滿米香，黑豚叉燒碎上，有芫荽，餡料滿滿，每一啖都有蜜汁味。📍九龍灣德福廣場1期1樓F20號舖…查看更多
