熊拉麵 (白加士街)

作為拉麵控嘅我，周不時都會想食翻熊拉麵😋可以話係回憶中嘅味道，當初一食嘅時候佢就係心入面佔有一席之地🍜🍽️用餐人數：2最鍾意一個位係無論係麵條款/麵硬度/叉燒都可以自己揀個人口味😆湯底非常濃郁，味道濃得黎唔會太鹹👍🏻叉燒揀咗火炙肥叉燒，可以話佢地佢叉燒真系好出色，肥瘦相間令到叉燒好有口感，肥肉個度唔會漏經過火炙處理食落入口即融😋📌推薦佢地嘅溏心蛋（半熟玉子），因為真系好出色，佢地嘅蛋白好入味，唔會好似其他糖心蛋咁好似白烚蛋冇味道▪️招牌熊拉麵$95▪️黑熊拉麵$88…查看更多

🐻 熊拉麵真係好鍾意食呢間熊拉麵裝修方面好有日本風格而且個拉麵真係大碗又好食有提供冰水已經好日本既Feel佢地仲有提供啲配菜俾你加落拉麵令拉麵嘅味道有更多變化特別係個辣芽菜 配埋拉麵食好出色好爽脆仲要辣辣地 好開胃黑熊拉麵見到個湯底就知好香濃濃濃嘅豚骨湯底加埋黑蒜油個湯底真係無得輸叉燒竟然有三款選擇咁多今次我揀左角切叉燒粒雖然冇火炙肥叉燒咁油香但都幾Juicy 同有啲口感既🤤好食指數：10/10👛抵食指數：9/10🪑好坐指數：5/10🤓再食指數：高…查看更多

💛熊拉麵·呢間我哋之前已經食過一次㗎啦 我哋上次食嗰個期間限定既魚油撈麵超好味😍😍可惜今次太夜黎 佢期間限定既牛舌拉麵已經賣曬 試唔到🥹·黑熊拉麵$88 l 白熊拉麵$85我自己好鍾意佢個黑蒜油黑熊拉麵 佢係真係好香 而且入面仲有啲炸蒜 超惹味🧄之後佢個白熊其實就係豬骨湯底 佢呢個其實都唔錯既 食落都好濃好舒服 但係我自己就覺得味道上冇咁有層次😎之後佢呢度既叉燒有3款可以揀既 我自己就出奇地鍾意火炙肥叉燒多啲 佢呢個唔會話太肥 係似半肥瘦多啲既 所以食落口感好過瘦叉🤣🤣·#rbyeat#rby日本菜 #rby拉麵 #rby💛#rby佐敦 #rby上環·📍佐敦白加士街8號地舖📍上環蘇杭街84號…查看更多

掛住日本家鄉唯有食住拉麵頂住先今次嚟到熊拉麵又係一間CP值高嘅拉麵店店唔收加一，如果唔加小食其實係80幾一碗拉麵，係抵食我地2人點咗魚介熊拉麵同埋黑熊拉麵，仲加咗餃子同細角切叉燒我點係黑蒜油叉燒豬骨湯拉麵蒜香非常濃郁，又唔搶咗本身湯底嘅甜味叉燒係水準之作，入口鬆化，但唔係入口即溶果隻保留肉嘅質感朋友點嘅魚介叉燒豬骨湯拉麵我試咗少少，味道上當然係無黑蒜咁強烈濃郁反而魚介多咗鮮甜味，令濃而不膩嚟個合照，但我其實想介紹係左上角配菜左面係辣芽菜，中間係高菜漬，右面係薑我唔好薑只係試咗芽菜同高菜特別介紹下高菜係日本三大醃菜之一佢類似我地雪菜，配搭拉麵食中和油膩感係日本九州拉麵店都好易搵到高菜漬有機會可以配搭高菜嚐一口日本本土味熊自家製餃子，皮薄味道好味，但比起拉麵無驚艷之處另外，個細叉燒飯唔記得影相但米非常香，一食就知係日本米配搭叉燒非常好味因為無咩汁，食到一半，我將白飯加拉麵湯一齊食有另一番風味最後捧住個肚走，非常飽同滿足…查看更多

有時在下雨天 寒冷的天氣會想躲在拉麵店裡吃碗熱熱的還記得在日本度過的冬季涉谷的街頭 人來人往的那天只有3度左右 就找自己喜歡的店坐在吧檯的附近看見廚師在準備情況如同在香港感受.熊拉麵提供的拉麵只有數款有時候也會推出限定的款式麵條選擇自己喜歡的闊度和硬軟度叉燒也有3種款式可選.黑熊拉麵湯底是基本濃郁的豚骨加上黑蒜油 會有陣香味飄香另外配上木耳和鮮蔥在旁配上火炙肥叉燒 肉質挺軟腍叉燒有火炙燒出來的油香不過份量偏比較少如果男生可能覺得不太夠.廣島蠔豚骨湯拉麵也是基本款的豚骨 薄身容易入口的我會覺得不算是太鹹的配料上有廣島蠔 瘦叉燒 木耳之類廣島蠔大約半個湯匙大小不過不失的口感瘦叉燒不會很柴 普通肉味自助配料區有芽菜 紅薑 酸菜有助於解膩 挺推薦微辣的芽菜.兩款都是基本款 路過也許回頭.…查看更多

佐敦有好多好嘢食，講起拉麵一定要黎試吓熊拉麵。呢度除咗可以選擇一般嘅麵條粗幼，軟硬度。最特別嘅係可以揀叉燒嘅種類，除咗肥叉燒，仲好貼心咁有瘦叉燒同叉燒粒，比食客根據個人需要去選擇。/招牌熊拉麵🌟豚骨湯底好濃郁好香，食落面嘅份量都好足夠，佢嘅糖心蛋係有一隻，比起其他出面嘅拉麵店好足料。😆/黑熊拉麵🌟加左黑蒜油嘅團骨湯底，比一般嘅豚骨湯更加香。😋/廣島蠔豚骨湯拉麵🌟期間限定推出廣島蠔拉麵，廣島蠔好鮮甜，食落去啲肉質新鮮，唔係急凍貨咁好梅。/支持一下黃色良心小店！…查看更多

今日小妹同男友去開圓方睇戲，拉麵狂熱既我今日搵到係佐敦呢間熊拉麵佢入到去舖頭細細，日風氣氛揚溢，比較欣賞坐係吧枱既位佢地係會係吧枱前水吧送餐，十分傳統佢有兩款前菜任添，水同餐具都係自助既，非常便利餐牌上都算多選擇，佢有齊豚骨、黑蒜油、辛味及魚介湯，多款選擇適合各人去醫肚品嚐嗜辣既我當然簡左試下赤熊拉麵啦，唯一可惜既係要另加紫菜同溏心蛋，但其實價格算合理，加埋一隻溏心蛋就$90一碗赤熊拉麵 $80 ★★★嗜辣的話，辣度其實一般，湯都夠濃厚，配料份量都足夠，但可惜冇紫菜要另加，小妹加左溏心蛋，但可能浸耐左所以蛋黃有少許熟左，麵質簡左硬，叉燒只有一塊，但有得選擇要咩叉燒，我簡左火灸肥叉燒，淋香肥厚，而且好香火灸味聽人講佢碗底有熊仔同我打招呼，只可惜我飲唔晒啲湯，因為係辣味噌所以更咸，到最後1/3湯再飲會渴喉，所以挑戰唔成功男友就簡左黑熊拉麵黑熊拉麵 $80 ★★★湯底黑蒜味香濃，份量足夠男女均可，不過順帶提一提，唔食得辣既朋友，叉燒上個點應該係辣味噌，所以可以挑走佢，但如果未算完全食唔到辣，撈勻佢食味更香濃熊自家製餃子 $38 ★★★餃子皮薄多汁，但未至於香脆，如果可以做到香脆更佳整體黎講都唔錯，性價格比高，兩個人食左$222，$300有找，味道都唔錯🍜🍜會再黎…查看更多

一直都心郁郁想食日本拉麵，呢日終於約到個飯腳去位於佐敦既熊拉麵試下！點解會揀呢間其實係因為見到網上有報章推介，話佢係由土生土長既日本老闆開既，第一間店就係設立喺熊本縣。難得佢黎到香港開分店，梗係要試下佢地道既拉麵啦！一去到侍應已經好熱情咁招呼我地坐bar枱位置。跟住就開始點餐喇～首先係揀邊種拉麵。我同朋友就分別叫左個熊拉麵同黑熊拉麵～叉燒既選擇都有3種！分別係梅頭瘦叉燒、火炙肥叉燒、角切叉燒粒。同好多拉麵店一樣，呢度都有得揀要唔要配料例如蔥，亦都有得揀麵既硬度～比較特別既係佢仲可以揀粗麵(1.5 mm)定幼麵(1.25 mm)。配料可以追加，而單點料理都可以嗌埋！比較大食既朋友就算叫多個飯都唔會好貴；又或者比較細食既朋友就可以叫一個麵加飯share黎食～我地就大食少少，追加左個煎餃子！嗌完嘢食就比咗張單我哋～喺等緊野食期間就周圍望下啦～舖面唔算大，大約二三十個位度啦。我地隔離坐住左個應該係老闆既人～見佢喺度試湯底，又用日文同廚房既人傾計～但亦都操一口流利既廣東話架喎🤔🤔左邊就見到有個汽水櫃，有好多種類既凍飲，配熱熱既拉麵就一流喇👍🏽望向bar枱上面就擺左啲水杯同一樽水，比顧客自助斟水～而喺枱上就擺左啲食麵時可以加既配菜。口痕既我地就夾左啲辣芽菜同雪菜黎食😋雪菜好好食，但辣芽菜就好鬼辣，食到我地不斷飲水😖老闆見到就笑住同我地講 係送麵食架喎 就咁食好辣😂😂 果陣我地先至知道原來係唔suppose比人就咁食既🤔兩個麵終於黎喇！熱辣辣香噴噴令人不禁想即刻擺起筷子食！熊拉麵 ($85)首先試左啖朋友既熊拉麵。個湯好濃豬骨味！另外仲跟左溏心蛋，好正！我地揀左粗麵條，食落有口感～黑熊拉麵 ($80)跟住就到我既黑熊拉麵喇～黑蒜既加入令到個湯更加濃味，咸咸地～呢個就跟左幼麵條，比起粗麵條冇咁有口感。我自己就中意粗麵條多啲，因為好似似真既拉麵多啲🤔但係個湯咸得黎又好好味，食完個麵都要飲埋個湯先夠喉呀！同日本嘅餐廳一樣，都係咁貼心。可以提供圍裙同橡筋～圍裙係紙做嘅，即用即棄～果日我著住白色衫，就借咗佢哋嘅圍裙～食到雪雪聲都唔怕整污糟件衫呀！熊自家製煎餃子 ($38)好快就上埋個餃子～食拉麵好似跟煎餃子永遠係最正既combination 🤗每一舊餃子都煎得岩岩好，外層煎得脆脆，又冇煎過左變左燶左。而入面既豬肉又有肉汁，又唔會有好多肥肉，好好咬👍🏽唔點醋就食到佢既原汁原味，點醋就酸酸地，更添胃口👍🏽熊拉麵喺香港好似仲未好出名，冇咩人講。但個人認為個味道幾有日本既地道拉麵味道，絕對deserve更大既名氣！咁多位識食之人同中意食日本野既大家都去試下啦！下面擺返menu：…查看更多

我呢個為食肥佬，最鐘意週圍搵野食，若然搵到好野食，那種開心感覺令捨興奮。今日到佐敦做野，就比我遇上這間日本拉麵店-- 熊拉麵，試完真係好開心，全因非常好味道。店內高朋滿座，食客一個接一個，川流不息。好彩不用等好耐，便可入座。餐牌簡單清晰，5款熊麵，價格由$75-$130。我諗了一陣，就點了黑熊拉麵 $80，還可以挑選梅頭瘦叉燒、香怱同木耳，麵的粗幼和硬度要1.25mm及普通硬度。整碗黑熊拉麵熱辣辣呈上，我急不及待夾了一大注食，麵質滑而爽,1.25mm果然靠得住，夠哂煙韌，加上濃郁黑蒜湯底，令拉麵每食一注都好惹味，非常滿足的口感。而梅頭瘦叉燒兩大片，厚薄適中，夠哂軟腍而不腻。整碗拉麵湯底好正好入味，加上麵身幼滑，配料木耳爽口， 香怱新鮮。好掂！食完碗麵，來一罐橙汁，超正！下次要試下其它款熊拉麵，看看其湯底是否一樣正。…查看更多

吃了一次熊拉麵，以後再見到任何的熊都會想起它的味度一個星期後，忍不住，再次挑戰！上次吃了招牌熊，今次一於升級挑戰黑熊！[黑熊拉麵] peachy.foodie rating: ✮✮✮✮☆(4/5)湯底：配上黑蒜油及炸蒜，令味度更加濃厚，略為有點太咸蓋過了甜味，而且蒜味沒有想像中突出拉麵：可能是下午的關係，沒有限定的[熊特製五花腩]可供選擇；好彩，普通叉燒卻不普通，比一般的厚身兼Juicy！配菜：木耳爽口清新，中和濃厚的豚骨湯底追加[半熟玉子]蛋漿鮮甜美味！吃得很高興！ 很有可能，會有第三次挑戰！…查看更多

星期天的下午和M先生相約在佐敦，想起早前看到有人推介「熊拉麵」，所以便去餐廳探食，殊不知剛巧遇到一些參加完叮噹跑的參賽者，所以要排隊等候。幸好餐廳人流多，翻枱速度也頗快，所以不消十分鐘便可以安座入內，而店員們都十分有禮貌。我們在門外排隊時，店員會派發點菜紙，小女子點了熊拉麵($83) ，M先生則點了黑熊拉麵($78) ，另外還加了個熊自家制餃子($38)。熊拉麵和黑熊拉麵最大的分別除了在於湯底外，就是溏心蛋了。烏卒卒的黑熊拉麵充滿著香蒜味，但身為蒜怪的我則略嫌不足；而熊拉麵就是豬骨湯底，湯底味道濃郁，湯碗面可見有一層油，入口也不會燙到嘴巴。豚肉雖然只有一塊，但也足足有整個手掌大，而且肉質粉嫩頗滑；木耳份量也不少亦很爽口；麵質選了普通，師傅也煮得剛好不會太硬或過軟身。不論是熊或是黑熊，拉麵的份量絕不能少看，因為明明我們都餓著肚子去，但吃完拉麵已經近乎九成飽。至於自家制的餃子，一共有五隻，但第一眼的感覺便是油膩，碟上的油多到閃閃發光，而且覺得餡料偏少，但餃子皮則做得不錯，很薄也煎很有點焦脆，點些餃子醋令味道更濃郁。這家餐廳既設計光猛，而且坐位之間也頗為寬敞，不會令人感到逼狹有趕客的感覺，加上店員的態度禮貌得很，特別是那位自比一個人坐了兩座位的哥哥，真的很可愛~~~…查看更多

8:00放工同男朋友去食飯，經過幾次都冇試過，今日唔知食咩好，係咁岩見上網有人介紹，就去試下啦！等左15分鐘就有得食 同其他食麵嘅日本餐廳一樣，係你排隊嘅時候，服務員會俾張紙你簡食咩 有圖俾大家睇下大概有咩食 我簡左1.熊拉麵（叉燒+糖心蛋）+唔要蔥+木耳+硬嘅中幼麵 。有濃濃嘅豬骨湯！飲完個口仲會膠膠地 男朋友仔食2.黑熊拉麵（黑蒜+叉燒）+蔥+木耳 仲有我中意食嘅糖心蛋！！！ …查看更多

一共有五款拉麵我揀左黑熊拉麵我揀左黑熊拉麵配上特製既黑蒜油同炸蒜 聞落好香會送埋叉燒 有得揀五花腩或者豚肉叉燒我就揀左五花腩 (相對較肥但香口好多啊)五花腩睇落好似好多肥肉咁但其實食落一d都唔會油膩感覺黑蒜味道ok木耳都算多 食完成碗好飽啊!!可能我影機食先 加上自己又食得慢D湯開始起左一層網油可以自己加紅姜/芽菜/高菜之餘仲可以追加配料 而且有飯食 …查看更多

這拉麵店並不起眼, 獨特在有隻熊仔標誌為招牌, 走的是傳統日本拉麵店格局, 坐位不多, 有bar檯和一張大檯, 由於經常滿座, 煩忙時間需要等待一段時間才可入座。湯底: 據說這湯底是用濃厚魚介豬骨真材實料去煲, 豬骨味雖濃, 卻吃不出有魚介海鮮香味。 黑蒜湯底雖是黑卒卒的, 但只有顏色, 蒜味不濃。 拉麵只送上幾分鍾, 一浸油便凝結在面, 此湯真是油分十足。 整個湯底滑且鮮甜, 易入口, 但是不算令人飲上癮的感覺。拉麵: 有1.25mm及1.5mm可選擇, 然而1.5mm正屬列常的粗度。 然而"普通"麵質真是介乎軟硬之間, 麵質夠彈牙, 而且也有蛋香, 十分滿意。 :) 叉燒: 得一塊, 肉質十分嫩滑, 且有肉香味, 㚒有少許脂肪, 令肉不會太乾, 入口不錯。 溏心蛋: 此蛋真是半流心的, 咬下便看到蛋黃汁流出, 蛋黃煮在流心與溏心之間, 且有蛋香, 好吃 。 熊自家製煎餃子: 豬肉餡多, 且能保存充足肉汁, 餃子皮薄但不易穿, 真是難度高。 外表煎至微焦和金黃, 賣相也不錯。 …查看更多

跟友人在佐敦，看見橫街有間日式拉麵小店，感覺舒適便進內吃午餐。舖座位約有十多個，裝修簡潔陽光透過2邊的玻璃窗直射進內，非常光猛。被黑熊拉麵的黑蒜吸引，吃拉麵怎能沒有糖心蛋? 加了隻秘製糖心蛋! 拉麵看上去黑黑的，蒜香撲鼻。叉燒上小小的豆瓣醬令叉燒的層次感增加，刺激味蕾!湯底用上豬骨、炸蒜及蒜油熬製，口感豐富充滿蒜香。餃子熱呼呼的上枱，1碟5隻。豬肉跟蔬菜比例適中，內裡肉汁不少，餃子皮不脆身但香口。配微辣醬汁同吃十分不錯。吃光了整碗拉麵~ 如湯底可以選擇小油會更好!…查看更多