慢理牆城

在森林和原野賣相：🐧🐧🐧🐧🐧🍄味道：🐧🐧🐧🐧🐧甜品擺盤非常精緻，以綠茶脆脆構成一片綠油油的原野，咖啡雪菲蛋糕裝點成山，加上糖膠製成的可愛昆蟲鮮花作點綴，彷如畫一般夢幻悅目。咖啡雪菲蛋糕口感極為獨特，介乎雪糕與蛋糕之間，入口即溶，柔軟香滑，帶有香濃醇厚的咖啡味道。綠茶脆脆香口鬆化，清香中帶有綠茶獨有的甘苦，正好平衡雪菲蛋糕的甜膩，非常出色。黑松露野菌意大利飯賣相：🐧🐧🐧🐧味道：🐧🐧🐧🐧🐧意大利飯味道口感非常正宗，飯粒偏硬身帶咬感，與黑松露醬汁完美融合，質感呈奶油狀稠度高，不會水汪汪。黑松露野菌濃香馥郁，菇菌香氣四溢，美味之選。粒粒香蕉朱古力奶昔賣相：🐧🐧🐧🐧🐧味道：🐧🐧🐧🐧🐧奶昔味道以朱古力牛奶作基底，加入粒粒香甜軟潤的香蕉，口感冰涼又順口，味道濃郁香甜，加上頂端山般高的輕盈忌廉，邪惡美味必飲。鮮奶咖啡賣相：🐧🐧🐧🐧味道：🐧🐧🐧🐧🐧鮮奶咖啡表面奶泡又多又厚，質感厚而綿滑，奶香四溢，當中夾雜淡淡的咖啡香氣，喜歡牛奶香的咖啡迷必飲。🐧❣️入座時職員會即時送上紫藍色的檸檬水供濕口潤喉用，非常特別。環境：🐧🐧🐧🐧🐧餐廳設計以大自然作主題，採用大量木系設施，加入眾多綠色植物、動物公仔模型作點綴，令人猶如置身於森林之中，感覺悠閒又寫意。🐧❤️結語：甜品又靚又好食，必點推介。…查看更多

慢理牆城係一間喺油麻地嘅樓上cafe，仲要係喺一間酒店入面，唔知係咪呢個原因，待應們嘅服務都超級好，語氣好溫柔，一坐底就送上餐牌，然後就畀個籃我哋擺袋，仲有另一個待應就餐具同水，一開頭唔知仲以為隻杯係藍色咁靚，但原來係透明嘅玻璃杯裝住藍色嘅蝶豆花檸檬水🤣 蝶豆花味道唔算好濃，但朋友就唔太啱口味喇🙈呢間Cafe嘅餐牌設計以至環境佈置都好靚好用心，綠色嘅植物配搭水松木色嘅佈置，好有大自然嘅感覺～Cafe嘅用餐位置唔多，但係為咗枱與枱之間隔夠1.5米而又唔用隔板，就幾其中兩張枱擺咗牛油果公仔同埋熊貓公仔，勁得意😍😆想嚟呢間餐廳食嘢真係一定要book定位，用餐時段90分鐘，加上位置唔多，真係好難walk-in食到🙈 我哋叫咗2個主食同1杯飲品，本身想試埋喺佢哋IG見到好吸引嘅芝士黑松露薯條，不過當日無晒薯條，有啲可惜～•🥢 明太子蟹肉扁意粉 $158呢個意粉真係必點之一！🤩意粉上面擺咗蟹肉波同蟹籽波，真係勁足料😍 份量足夠撈勻之後每一啖都食到一梳梳嘅蟹肉同蟹籽～蟹肉唔算好濃蟹味，但最少無怪味/腥味；蟹籽好新鮮，咬落卜一聲咁爆開，好正🤣 而個扁意粉就軟硬適中，明太子醬偏竭身，非常夠味，又可以完全咁包住每條扁意粉😋•🥢 黑松露野菌意大利飯 $158呢個意大利飯嘅口感同餐牌上面寫嘅一樣，係稍為硬身少少，可以接受嘅～ 而黑松露味就係聞落好香，但食落無乜，Cream味濃得嚟唔膩🤤 因為加咗啲甜椒同埋洋蔥，有啲甜味中和返，不過啲甜椒嘅味道真係有少少太搶🙈•🥢 熱情果芒果橙沙冰 $62呢杯沙杯嘅味道係好真嘅生果味，飲落真係唔算甜，應該無額外落糖漿～第一啖飲落都係飲到橙味為主，然後就有啲芒果香嘅餘韻滲出嚟，飲到一半就有返多少少清香嘅芒果味，不過熱情果味就真係唔太飲到喇😬 沙冰嚟講都算合格，冰粒感唔會太多，但同時又唔會溶得太快～ 不過可能要揀返啲甜啲嘅生果喇🙈…查看更多

‘𝒮𝑜𝓂𝑒𝓉𝒾𝓂𝑒𝓈 𝓎𝑜𝓊 𝑔𝑜𝓉𝓉𝒶 𝓉𝒶𝓀𝑒 𝒶 𝒷𝓇𝑒𝒶𝓀 𝒻𝓇𝑜𝓂 𝒶𝓁𝓁 𝓉𝒽𝑒 𝓃𝑜𝒾𝓈𝑒 𝓉𝑜 𝒶𝓅𝓅𝓇𝑒𝒸𝒾𝒶𝓉𝑒 𝓉𝒽𝑒 𝒷𝑒𝒶𝓊𝓉𝓎 𝑜𝒻 𝓈𝒾𝓁𝑒𝓃𝒸𝑒’位於油麻地鬧市中嘅一小片森林上到黎成個環境已經令人好舒服一大片綠油油加埋木系裝修真係可以令人慢活一下坐低之後餐廳會俾個木箱擺袋同埋俾杯蝶豆花水如果唔鍾意可以換返清水我今次叫咗好多野食- 小食拼盤- 白酒忌廉煮藍青口- 黑松露薯蓉大啡菇- 黑松露野菌意大利飯- 牛油果蟹肉意粉啲野食擺盤全部都好有心機而且份量好大份，差啲食唔哂🙊我好鍾意呢度所有野都有好多小心思成個環境都係好清新每一格木箱入面都放咗唔同嘅公仔配搭返大自然同森林嘅主題除咗環境，連餐具、擺盤都係好有心思如果想放鬆下上黎食下野坐下係一個唔錯嘅選擇—————————————————📍慢理牆城店鋪地址：油麻地砵蘭街28號M1酒店1樓…查看更多

Blue Monday，放工後相約同事們一齊食飯。竟可在繁華鬧市的油尖旺區搵到呢到。地點方便﹐由地鐵行過去﹐只係需要2分鐘路程就到了。＊＊＊＊＊＊＊＊＊＊＊＊餐廳隱世於酒店內﹐感覺有一點神密。一入琴餐廳﹐感覺有點似去咗世外桃源。我們一行8人﹐負責人安排咗一間房俾我哋，好貼心呢。＊＊＊＊＊＊＊＊＊＊＊＊餐廳服務好好﹐好貼心﹐一坐低就已經準備暖水。雖然食物款式唔多﹐但食物質素相當唔錯。食物、飲品。上碟賣相都十分精緻﹐特別。用心制作、態度認真﹐親切有禮。地點方便﹐值得推介！！！！＊＊＊＊＊＊＊＊＊＊＊＊總結﹐食物雖則是簡單cafe款式﹐但菜式名十分有創意﹐飲品款式亦十分特別。另外﹐有一件十分值的讚賞的是，餐廳是用了不銹鋼飲管﹐可循環再用，十分響應 環保﹐為保護地球出一分地力。 …查看更多

朋友介紹之下，嚟到lee 間洒店裡cafe ，嘩。裝修feel 好綠悠悠，我們一行五人，好貼心服務，仲安排我地坐房，我叫左黑松露野菌意大利飯，好多西餐廳都有款式，起初以為味道都係差不多，一試之後，真的不錯，個汁整得啱啱好，可以帶出到黑松露獨有味道，價錢合理，特别一提，又是我至愛黑松露芝士薯條，真的不得了，薯條炸到內軟外脆加上超多黑松露醬，yummy平日好小寫食評的我，也忍不住要同大家分享。今晚真是難忘一餐下次我會再來光顧…查看更多

選擇呢間餐廳，完全係因為俾個名吸引左。入到去環境走文青清新路線，好舒服！叫左一個小‘牆城小食拼盤’🍟🍗都幾豐富，但薯條有少少唔夠脆。之後叫左‘牛油果蟹肉忌廉扁意粉’，‘黑松露野菌意大利飯’兩個都唔錯，但蟹肉意粉會比較抵食。再加一個甜品‘櫻花樹下的忽法奇想’好得意嘅名，其實係棉花糖加Brownie。Brownie唔太甜，非常好👍🏻總括嚟講食物唔錯，但價錢偏貴，仲有暫時只接受現金，比較唔方便。…查看更多

因為透過某飲食apps訂座而意外發現。上來查看時，得知是新開業的餐廳，一於就借此機會試試新東西。餐廳裝潢以草木為主，感覺非常舒服。因為地點位於M1酒店內，walk in的客人不多（筆者猜想餐廳方面也擔心此情況，所以才在飲食apps上宣傳吧～）。靜靜的環境非常適合三五知己在這聊天說地一個下午。筆者查看其他食評時，早已被大啡菇的賣相所吸引。抵埗後，當然二話不說就點了這道熱盤啦！啡菇非常juicy，薯蓉份量也十分足料，但黑松露味有少許偏淡。巧合地，主食也點了有黑松露的食物。舖在飯上的是一片片薄薄的芝士，賣相有些特別呢～意大利飯的口感比較硬，吃下去，有點像未煮開的感覺。牛油果這個superfood，又怎可錯過呢，配上乳酪，感覺非常健康。質地非常杰身，不過牛油果味不太明顯。因為是新開業的關係，店員（又或者是店主）的服務都非常殷勤，十分留意每枱客人的情況。加水，收碟等程序都不敢怠慢。趁著有訂座優惠，大家不妨試試新餐廳吧！…查看更多