點心到 (廟街)

營業中

休息中

晚餐時段都有得食點心真係好正，今次就去咗佐敦嘅點心到，貪呢度地點就腳、選擇多又足料！黑松露菜苗餃（$27）爽脆鮮甜嘅蝦膠蔬菜餡，加上鋪面嘅黑松露醬，營養均衡又美味可口！沙律明蝦角（$28）炸到金黃香脆嘅蝦角，蘸埋沙律醬，香口滋味。紅油抄手（$25）有五至六粒抄手，煮到啱啱好，皮唔會過腍，辣油加蔥增加風味！醬皇金錢肚（$25）微辣惹味，口感軟腍，以白蘿蔔墊底，非常入味！欖仁馬拉糕（$20）逐啖撕開少少食，睇到又感受到糕身嘅蓬鬆同彈性，入口香甜鬆軟，淡淡欖仁香！濃湯杞子浸時蔬（$20）杞子濃雞湯飲落幾清甜養生，簡單調味已經足夠，菜心非常爽脆！

老公今日要去佐敦做嘢，佢話可以陪我食個快lunch🤭即刻揀咗呢間，我見啲食評話上菜速度好快。入到去幾乎坐滿晒咁滯，都似係喺附近返工放lunch嘅人，一坐低我哋即刻點野食，呢度有啲兩件嘅點心可以揀，幾好喎，唔使兩個人食咁多，咁又可以試多幾樣🤭我哋total揀咗七樣嘢。晶瑩鮮蝦餃（兩件）原隻蝦燒賣（兩件）黑松露菜苗餃燒汁釀虎皮椒鮮竹牛肉球黑金流沙包上海小籠包真係上菜速度好快，我哋坐低叫嘢到埋單俾錢都係用咗40分鐘🙊好似未試過飲茶食點心可以咁快食完，平時好多都要等好耐，想講啲點心又唔似整定擺喺度㗎喎🤔因為上枱嘅時候仲出晒煙好熱，咁真係好高效率👍🏻食物質素OK，蝦餃同燒賣啲蝦都好彈牙，釀虎皮椒好味，少少辣同燒汁味道好夾，小籠包超多肉汁，好食👍🏻流沙包我覺得唔夠流沙，但味道就好食嘅，佢哋呢度茶介$3一位真係好平，我哋兩個人食咗七樣嘢先係150幾蚊，總括嚟講快靚正之選。

過嚟廟街就唔一定要食煲仔飯同蠔餅嘅，今日就試咗一間點心舖 - 點心到。點心款式都有唔少選擇。覺得特別嘅係有啲點心可以淨係嗌兩件，唔使要四件，可以食多幾樣😛。📍 原隻蝦燒賣(2粒) (💰$15) 📍 晶瑩鮮蝦餃(2粒) (💰$15) 飲茶一定唔少得蝦餃燒賣。蝦餃個皮都算薄，啲蝦新鮮爽口，燒賣啲肉亦都夠彈牙。📍 黑金流沙包 (💰$25) 店主推介嘅黑金流沙包，食嘅時候真係要小心啲，因為入邊啲流沙夠晒多，而且夠晒熱，正！📍 金沙脆皮銀蘿腸 (💰$26) 第一次食呢種腸粉，入邊包住啲好似米紙嘅脆脆，加埋嫩滑嘅腸粉，咁有對比嘅口感真係好過癮！📍 沙律明蝦角 (💰$28) 即叫即炸，香脆可口，推介推介！📍 黑松露菜苗餃 (💰$26) 非常足料嘅菜苗餃，加咗黑松露，感覺即刻唔同晒，好高級。📍 濃湯鮮竹卷 (💰$19) 濃湯浸住嘅鮮竹卷，皮薄餡靚，連埋個濃湯一齊食，滿足。📍 燒汁釀虎皮椒 (💰$24) 一碟四件，非常之大件，隻碟都爭啲載唔晒。而且唔會好油膩，入口感覺一流。📍 豉汁蒸鳳爪 (💰$20) 呢個價錢有四隻幾入味既鳳爪，性價比高。最後要特別指出，個辣椒油好正！夠香夠辣，就算唔食辣嘅朋友都推介你

宜家夜晚冇堂食，唯有外賣自取點心再搵個地方食吓⋯⋯今次做咗”deliver food”專員，攞外賣自取去咗港島最東端初度遊，順道搵人食飯，有種另類picnic嘅感覺，咁都係第一次。·黑金流沙包🟡包面有層好似燙金咁嘅裝飾，係幾得意嘅～流沙包最重要梗係要流沙，咁佢個奶黃流沙餡係有喺度。隔咗咁耐食都仲暖，唔錯唔錯～·黑松露菜苗餃🟢見到又食到黑松露味，有鮮蝦有菜苗，仲有紅蘿蔔絲，感覺誠意十足，睇得又食得。·金沙脆皮銀蘿腸🟠其實就係好似油炸鬼加蘿蔔絲，全部釀晒入去腸粉入面。油炸鬼嘅脆同好軟身嘅蘿蔔絲又幾夾，加埋有少少🤏🏻油香嘅豉油去食，係幾好食嘅～·籠仔香辣排骨飯🍚籠仔就冇啦～外賣嘅關係變咗係個盒仔！😂但冇因為咁樣，影響到盒飯嘅味道，而佢保留咗嗰塊荷葉係好梗要～因為用荷葉蒸出嚟嘅飯係特別好食！！😋仲要有埋好惹味嘅香辣排骨～大家越食越開胃，亦都越食越辣～～🔥🔥·黑蒜螺片燉肉排🥣燉湯入面見到晒黑蒜螺片，有雞腳同肉排，算係一碗幾足料嘅湯。飲落味道亦都係幾濃，不過就令我哋諗起平時冬菇炆鵝掌嗰個芡汁嘅味道⋯⋯🙊 整體都係好飲同特別嘅。·Ummm…係一次幾得意嘅食飯體驗，由日頭食到夜晚嗰下幾過癮～😜🤣

每次午餐諗唔到食咩就想食點心，搵下有邊間點心時，見呢間係附近，就入去試下。喺出邊等咗一陣，好快就可以入去，入面好多人餐單係用QR code數好方便，見到隔離有長者未識用QR code，待應會幫手寫單👍🏻👍🏻不過中午人流多，見鋪頭一個收銀，兩個送餐，人手唔太夠，想搵待應都要耐心等候。呢個流沙包比一般茶樓細嗰啲，但個皮係好軟，個餡入面都好好食金沙脆皮銀蘿腸，推薦大家食！佢入面係卜卜脆，食得出係即刻新鮮炸👍🏻呢度嘅菜苗餃同我平時食開嘅有啲唔同，上面用黑松露點綴，蝦同菜苗嘅比例啱啱好，比到我對菜苗餃新嘅體驗👍🏻鳳爪個汁唔錯因為好大食嘅關係，所以嗌多個飯，網上見人哋話個飯好少，我諗其實因為佢用扁而大嘅蒸籠嚟裝住，所以先會顯得個份量好少，呢個份量夠一人食，味道正常最令我有驚喜係鮮竹卷！推薦大家食！由細到大都一定會嗌鮮竹卷食，不過後尾大個就食到厭啦因為真係好飽，今次唔夠飽嘅情況之下想嗌埋佢嚟食。嚟到嘅時候見到佢個湯好清，試咗一啖哇正！好濃嘅豆味，個湯成個魚湯咁，好好飲！第一次將成個鮮竹卷都清晒，仲要飲埋個湯🤣🤣茶位每人$3，抵呀！整體嚟講，如果想試新式點心嘅話，呢間唔錯！

🫖🍴晚餐想吃點心但又不想光顧酒樓，最近發掘了多一個貼地選擇！🤩🤩🤩✨✨✨ 這個是佐敦廟街附近的一家貌似茶記、專吃點心的點心餐廳！我們是在晚市6點左右去的，進去的時候剛好遇上空桌不用排隊，坐下之後外面開始人多了要等位。餐廳地方不算很大，卡位會坐得比較擠逼，反而靠窗的座位闊落一點。不過我們都只是打算「快快趣」吃個晚餐，對空間感要求不太高。👌🏻黑金流沙包 $25🖤🖤🖤黑金流沙包的金粉閃亮耀眼，配上沉穩內斂的黑色，賣相簡直是一絕！✨✨✨一向是流沙包迷的我最喜歡實測奶黃的溫度和流心程度，一上桌我就馬上剝開流沙包，結果發現蒸包奶黃的質感果真非常流沙。😍 所以我們趁熱就很快消滅了籠中的三個流沙包。原隻蝦燒賣（2粒）$15這裡超好的，可以讓我們選擇二人份量，不用勉強吃四粒。🥺 我們選擇兩粒，怕太飽會吃不到其他點心！每粒燒賣上面都奉送一隻爽口的蝦，而且十分足料，啖啖都是豬肉。🦐黑松露菜苗餃 $26黑松露菜苗餃外表十分高貴🖤🤍 晶瑩剔透的餃皮包裹住豆苗和蝦肉，黑松露點綴起來味道和口感都更加豐富。✨榴槤雪媚娘 $32喜歡榴槤的朋友應該會很喜歡🥰🥰 它的質感好像糯米糍一樣，煙煙韌韌的！裡面有滿滿的白色忌廉奶油

假期飲茶好多人，黎呢間小店就可以平平地又靜靜地同老婆二人世界食吓點心！呢款黑松露菜苗餃老婆都幾鍾意，豐富嘅蝦肉同菜苗，入口有淡淡嘅黑松露味，新鮮配搭又唔錯！每次飲茶食點心到必叫腸粉，呢度蜜汁叉燒腸叉燒餡好多。我最滿意係濃湯鮮竹卷，湯頭濃郁鮮味，鮮腐竹有豆香又夠滑，唔錯唔錯！我哋仲有叫其他點心，例如鮑螺片滑雞粥、煎蘿蔔糕、小籠包等等，味道不過不失，最緊要係價錢夠平，茶錢$3位仲係免加一，舒舒服服嘆個茶百零蚊，地點就腳，假期方便快捷好選擇。

前排有日經過佐敦同屋企人買嘢，買完後覺得有d餓又突然好想食點心（因爲實在太耐無去酒樓食點心了），一search之下見到這間小店的點心都幾有心思，就入去食。店內裝修好靚，而且坐得好舒服，可能係大家都好耐無食點心，雖然是5時多但店內坐滿人。點心選擇都多，而且還有些可愛的點心設計。不過屋企人都係鍾意食返d簡單點的。每一款點心都好用心整，而且用料好好，特別喜歡濃湯鮮竹卷，湯底清甜，而且皮薄多料。原本唔鍾意食粥嘅我，都覺得鮑螺片滑雞粥出乎意料地好食，好香甜雞肉鮮味，配上胡椒粉好滋味屋企人就特別喜歡香煎蘿蔔糕，因為入面真係食到有白蘿蔔，而且只需$18。比起好多酒樓來說，真的幾有誠意。黑松露菜苗餃除賣相耹貴外，亦好高質，外皮薄之餘亦有蝦同黑松露，怪不得是店內皇牌。另外還點了其他點心，值得一讚的是腸粉皮好薄，唔會有滿口粉的感覺！原來餐廳外賣有9折，下次經過要再來吃😋

呢間「點心到」其實我已經第二次幫襯，第一次係同細妹盲摸摸咁呢到呢度食點心，已經覺得係hidden GEM, 但真係少過嚟呢頭，所以距離上次，都應該有成年幾，而佢依然令我食得好開心，所以唔分享唔得tea time同媽媽黎，人流都keep住有證明都幾受歡迎。同媽媽都喜歡黑松露嘅味道，所以點咗呢款餃，果然冇點錯蝦肉非常彈牙，配著淡淡嘅黑松露味小籠包就正常發揮，個人認為皮可以再薄一啲，就更perfect鮮竹卷包住嘅蘿蔔絲非常甜，配埋濃湯，非常滿足叉燒腸肉嘅肥瘦適中，皮又唔會太厚，都幾推介，上面配埋嘅菜都非常翠綠飲茶點少得食粥仔呢滑雞果然滑一滑。仲有塊塊鮑螺片添，價錢非常實惠配最有點少得蘿蔔糕呢，煎得塊塊金黃，熱辣辣咁食太過癮，不過佢呢款又冇乜肉粒，plainly嘅糕，都唔錯嘅。今次媽媽我好開心，下次可以帶老豆黎啦~~

朋友約咗去Shopping，朋友喜歡一盅兩件，帶我到「點心到」享用點心午餐，「點心到」的店鋪內環境和燈光都予和諧恬靜的感覺。挺吸引的黑松露菜苗餃，啖啖爽甜蝦肉，菜苗份量略少，蝦肉和菜苗與黑松露味道很夾，令傳統蒸餃子，添上新口味！蜜汁叉燒腸的叉燒饀料份量頗多， 腸粉質感綿滑，豉油汁不過鹹，味道得適！鮑螺片滑雞粥，有兩片鮑螺片和兩件滑雞，味道是不錯，粥底夠綿。濃湯鮮竹卷，鮮竹卷有豆香，鮮竹卷包裹多款菇和蔬菜，口感豐富，配合濃湯十分可口！皮薄多湯汁的上海小籠包，要趁熱食啦！ 煎得很金黃的香煎蘿蔔糕，難在非常吸睛，有少量臘腸肉，雖然粉比較多，但外脆內軟很可口啊！

一向好鐘意飲茶嘅我今次就嚟咗廟街呢間酒樓雖然location嗰度寫油麻地，但實際上左敦去近啲㗎🤫呢間鋪啲點心價錢合理又經濟，作為學生嘅我去食都冇壓力🤑而且佢啲茶茶味好濃同好平，每個人都只係3蚊ja👍🏻點心方面都做得好出色，同兩個朋友一齊去食，食完之後我地大家都好滿意同開心☺️而我個人就最鐘意佢個燒賣皇，入面好足料而且啲蝦好彈牙地址：油麻地廟街286-298號華志大廈地下6-8號舖(記得係佐敦過去近啲呀)

故名思義，餐廳「點心到」是一間點心專門店。從開飯網知悉餐廳屬新店之一，難怪裝潢仍感光猛新淨。相比酒家隨便三四十元一客點心，「點心到」的點心價格相對相宜，平均約二十元一客左右。茶錢每位只需三元，更不用加一。整體而言，各款點心普遍水準持平，難言出眾。小編比較喜歡的點心有甜重辣輕挺惹味的「紅油抄手」；外觀可愛餡料特別的「卡通流心芋蓉包」；以及酸香軟糯的「椰絲香芒卷」。「晶瑩鮮蝦餃」與「黑松露菜苗餃」皮厚味淡。「豉汁蒸鳳爪」同樣醃煮得不夠入味。「點心到」以相對相宜的點心定價取勝，水準難言出眾，性價比合理。

平日去食點心一人都係食三碟左右，今日 一個人 ，一口氣叫咗六點碟食， 五碟光盤， 食淨一碟。上海小籠包24元 即叫即蒸，餐廳整體點心都好好食， 清淡健康為主， 本人最鍾意食上海小籠包 一籠有三隻 一上枱熱呼呼 ，菜肉汁包住薄薄 嘅外皮， 點一點豉油醋， 一入口像汁就流曬出嚟， 不過真係要小心熱食， 小籠包非常好食性價比高。蜜汁叉燒腸23元提一提叉燒腸， 平時酒樓食叉燒腸好少會送一條菜心 ，餐廳響應健康？竟然有餸菜心一條 ，雖然算不上係乜嘢 ，但總還有心意。鮑螺片滑雞粥24元小小一碗粥，但係大量雞塊，大概有六大件，鮑片少量。濃湯鮮竹卷18元鮮竹卷有菇， 味道好夾，鮮有，正！黑松露菜苗餃25元 開口的餃子 餃子清淡，黑松露味香濃 ，菜新鮮， 外皮晶瑩剔透， 餃子開口，外表：吸睛。另外仲有叫， 可惜眼闊肚茶，最後食唔曬香煎蘿蔔糕18元 茶每位3蚊

肥妹妹返咗嚟香港咁耐，但都未飲過茶所以佢走以前帶佢去飲茶，滿足下佢啦！冇點到飯類，專食點心。腸粉皮很薄很滑夾住左的油炸鬼，同清甜嘅白蘿蔔口感好有層次。蝦餃係試業期間免費送。蝦餃皮薄彈牙，蝦肉都是爽口新鮮，不同於大型酒樓嘅工廠製造真係食得出係手工。黑松露餃都好好食比蝦餃仲多咗一層菇味真係齒頰留香，仲有黑松露都算俾多足。黑金流沙包食嘅時候要用筷子，如果唔係隻手會黐到金粉，同埋佢嘅流心效果好強勁，係爆汁咁！湯係真係老火湯，依個價錢來講10分抵飲。原隻蝦燒賣都好好味，好足料；仲可以兩粒咁叫 沙律明蝦角，細細隻，剛好一口一隻仲未夠喉，所以想加點點心同甜品。不過好可惜，原來榴槤食品係暫時未有，想食的黑天鵝榴槤酥要留返下次食啦！鮮蝦腐皮卷都好好味，外皮炸都好鬆脆，入面嘅蝦亦都好新鮮。薑蔥牛柏葉，好入味亦都好爽口，墊底嘅蘿蔔亦都好甜。環境乾淨企理，服務都好親切，反應又夠快。重點好抵食，仲要係即叫即做既手工點心，正！