Owens

營業中

休息中

之前試過太子既分店覺得唔錯今次就試下將軍澳店!!個裝潢好靚不過啲位有啲近😝限時90分鐘夜晚6點半入座仲有位食左一個鐘離開時已經排緊隊都感受到個人氣🔥✨前菜👉🏻意式雜菜湯雜菜既料好足，口感豐富，湯偏酸少少🤏🏻👉🏻沙律沙律用番茄汁，感覺好開胃🤤✨黃金蟹肉意大利飯👉🏻一上菜時，見唔到蟹肉，得蟹殼，但一反轉蟹殼就發現，原來蟹肉係釀左入面，仲加芝士係面烤過，好好食！😍👉🏻鹹蛋黃同意大利飯好夾，味道融合的剛好。飯偏硬啲，唔係好腍既飯，我個人覺得係好食既😋👍🏻👉🏻美中不足係有啲鹹蛋黃好明顯食到一舊，有啲突兀😝✨紅酒汁燴牛胸腹肉意大飯👉🏻整體黎講係不過不失👉🏻牛肉好軟，一入口就好容易咬👉🏻但係飯同牛肉嘅味道好相似，食落冇咩變化，有啲平淡🙈✨飲品👉🏻熱檸茶同凍檸茶，正正常常😆所有服務人員態度都好好👍🏻👍🏻食完已經好飽希望下次去可以試到甜品🤤

今天晚上預約了四人座，等候了十分鐘左右就安排入坐空間雖小但裝修清新 充滿溫馨感覺今天的菜單有: 前菜有餐湯 另外加了芝士生蠔有層次既芝士包住大大隻生蠔，好有滿足感之後有carbonara，香蒜清酒煮蜆扁意粉， 明太子虎蝦意粉及黃金蟹肉意大利飯。大部分都好有水準！唯獨是清酒煮蜆扁意粉太清，在對比下就無乜味咁啦甜品方面，牛角窩夫配雪糕，一個字「正」個牛角窩夫焗得好脆，雪糕又有兩球，好開心最後餐廳給我們試食了伯爵茶麻糬tiramisu 唔好期望係tiramisu 當蛋糕就啱 ，麻糬甜品黎講，佢做得好出色！yummy！另外一提，餐廳每一位服務員都好有心，好細心。都主動加水換碟，令用餐體驗更順暢。我地一行四人，食飽飽，渡過咗愉快嘅晚上。一定會再來

呢間係朋友極力推介嘅餐廳！佢哋嘅甜品都係有麻糬嘅，而最出名係Tiramisu，我哋當然都有叫到啦~ •🥢 黃金蟹肉意大利飯 $138 (set)黃金即係鹹蛋黃，但今次配西式嘅意大利飯都幾新奇🤣 意大利飯上面有個蟹蓋，反轉個蟹蓋先發現係釀滿咗餡料，印象中有墨魚粒、蟹肉、洋蔥同薯仔粒，表面煎得幾香口，食落有啲口感，唔會一pat粉咁；意大利飯有咬口又唔會太硬，鹹蛋黃味道唔太濃，不過咁都好嘅，令到個飯無咁膩😌•🥢 意式芝士肉醬焗千層麵 $108 (set)千層麵係即叫即焗，侍應有特別提醒會等15分鐘左右～ 芝士同肉醬嘅份量麵好澎湃😆 不過表面嘅芝士可以再焗得燶少少，部分焗到燶燶哋嘅芝士會香好多，仲脆脆哋，加埋肉醬同千層麵好正～ 千層麵大嘅有4-5層，中間都一樣有好多肉醬，最底嗰層仲有焗到好腍嘅茄子～ 肉醬酸甜適中，仲有好多肉碎，整體都幾好食，不過就好似有啲細份🙈•🥢 抺茶紅豆麻糬卷蛋 $48蛋糕體同cream都係抹茶味，唔會好甜，但抹茶味唔算好濃🙈 特別一讚個蛋糕體夠鬆軟，食落唔會乾爭爭👍🏼 cream中間就有紅豆粒同埋一大嚿麻糬，紅豆腍得嚟仲有少少咬口；麻糬就係軟滑拉絲嗰種，比較甜同埋有啲奶