五匠六釜

聽朋友介紹Airside有間抵食夾大件嘅中菜店 就同朋友試下啦 揀咗幾款正常都唔會失手嘅菜式糖醋里脊 炸到脆口 酸甜味適中 一咬外脆內軟 成功做到糖醋肉效果 肉沾滿醬 擺咗一段時間都仲保持到脆口 肉亦稔身唔黏牙 唔錯農家炒飯 粒粒飯好分明 炒到好乾身 份量亦好充足 但完全食唔出有咩配料 除咗三色豆外 調味足夠 但就無咩特別雞絲粉皮 賣相好一般 味道亦無話好出色 中規中矩 青瓜絲都新鮮 同粉皮麻醬撈勻 都幾開胃 正常發揮北京填鴨 （半隻）包一份摩摩皮 北京填鴨最重要係個皮夠香脆 又有啖啖鴨肉在下 而皮亦要有麵粉香 喱個填鴨完全做到喱個效果 配埋青瓜 大蔥絲 同醬包埋一齊真係好好味 層次感十足 表皮軟入面香脆 新鮮得嚟不失鴨肉味 最欣賞佢嘅鴨皮 香燶嘅脆皮 應該新鮮即燒 最重要皮下脂肪唔厚 唔會一口油 美中不足係佢啲皮唔搵牛油紙分隔 好難分開佢哋黃金南瓜 黃金南瓜係將南瓜沾滿䶢蛋黃再炸 帶有䶢蛋黃味同時食到南瓜甜味 外脆內軟 一咬啲䶢蛋黃粉末黏住外皮 然後南瓜在內 南瓜軟糯 䶢香味十足又不失南瓜味 喱個都幾出色 喱個係今晚裡面最新鮮熱辣上枱嘅一碟醉雞 肉質同雞皮都好嫩滑 散發住淡淡酒香 雞肉入哂酒味 同樣酒亦帶住雞肉香氣 同行友人連酒都飲哂 好誇張 整體而言 喱間啲菜式平均價格都低於一百蚊 份量好大碟 味道都唔錯 最出色嘅係片皮鴨 拍得住專門店 值得一試 環境都算寬敞 坐得幾舒服 上菜速度好快 不過當日好多人 真係限時90分鐘趕你走 不過略嫌每款菜都唔算熱辣辣上枱 的確係欠缺穫氣 但喺商場價位同份量嚟睇 都算合理 …查看更多

好多個餸都好有驚喜，唔係普通hea出品，份量足，侍應醒目細心有禮態度好，8個人食咗1300左右，抵食又好食，絕對有下次。一隻片皮鴨 ，青紅椒鴨架，蔥油海蜇， 金沙南瓜，水煮 雙拼， 蔥爆牛肉， 杭州排骨， 擔擔麵，陽春麵， 木耳娃娃菜....... 仲有飲品同埋飯。…查看更多

家庭聚餐，咁岩見到airside有間東北菜多like就試吓。諗住睇吓人地啲食評叫餸，點知俾負評嚇一驚，見啲人講到圖文並茂(詳情自己睇Openrice🤫)，就開始打定輸數…我地今次4個人叫左1️⃣醉雞2️⃣雞絲粉皮3️⃣京燒羊肉4️⃣肉三鮮餃子5️⃣黃金南瓜6️⃣蝦蛋炒飯7️⃣脆炸鮮奶醉雞 - HKD 78滑嫰味濃！最緊要係隻雞有肉，又好入味。成個菜好開胃，唔會好似出面啲餐廳，雞骨多過肉😋😋😋雞絲粉皮 - HKD 68粉皮份量好足，雞絲份量好少🥹醬都俾得夠多，調味稍微酸口😋😋 京燒羊肉 - HKD 138好香好軟🐑羊肉一啲都唔騷，個面燒到脆卜卜，呢個都是值得推介既菜式。肉入面仲有少少肉汁，食完個口是無渣既😋😋😋😋肉三鮮餃子 - HKD 50小編非常之喜歡食餃子，但係見到啲食評講一般，所以略為擔心🫣但黎得東北菜館唔係唔叫餃子下話？！皮唔會太厚，入面仲有湯汁，成個餃子就係好食，值得推介囉😋😋😋😋黃金南瓜 - HKD 82廚師先將南瓜裹上脆漿炸脆🎃脆皮沾滿咸蛋黃醬，係想像得到嘅好食😋😋😋😋題外話是小編當年食過味黃金山藥就更癲💛🧡❤️蝦蛋炒飯 - HKD 82每一粒炒飯都係均勻嘅金黃色，帶輕微既焦香，入口乾爽！呢個飯都係又一個必須推介既作品，喜歡焦香味既朋友唔應該錯過😋😋😋😋脆炸鮮奶 - HKD 8蚊條，4條起係早排既推介到都講過小編喜歡係<<每日>>到食炸鮮奶🥛見到有餐廳提供唔係唔試下下話。新鮮炸起，比起每日更加好食。一樣是外脆內軟，再有一陣輕輕既奶香。微甜，非常夾香港人口味😋😋😋😋😋總結📝其實食物質素唔錯，基本一家人聚餐嘅價錢，有機會返嚟試其他菜…查看更多

中秋同屋企人嚟咗airside「五匠六釜」食飯餐廳喺airside 6/F 擔心節日多人等位 每次經過都見到門口有人等位 我哋提前已book定檯環境好闊落 座位寬敞 冷氣足夠 坐得舒適我哋仲嗌咗蝦蛋炒飯＆乾煸四季豆 因張檯太細🙈冇影齊 都好好食 值得一試…查看更多

今日約咗朋友去airside食晚飯，好彩早咗入去，唔使等位。因為之前見到有人食北京填鴨，就想試下，所以今日必叫。- 北京填鴨 (半隻)賣相都幾好，不過唔係全部都係鴨皮，係皮連肉，冇咁油膩。夾埋餅皮，配菜一齊食，好正。餅皮會好快凍咗，一定要快食。- 黃金南瓜好多咸蛋黃醬，包實南瓜，外脆內軟，又有流沙既口感。- 避風塘大蝦有少少辣，鑊氣十足，好惹味。啲蝦新鮮彈牙，外殼炸到香脆，可以連殼一齊食。食咗太多重口味野，所以一人叫咗一杯鴨屎香檸檬茶，味道清香，中和下啲味道。小菜味道好好，份量足，不過2個人share食，真係飽到有啲辛苦，下次要約多幾個人一齊食。有啲位冷氣太大，坐坐下會凍，同埋食物凍得好快。…查看更多

新商場新開幕多人食都正常 但叫枱方式有啲奇怪 拆散曬啲大枱比二人入 又或者比人嘈下就比插隊入 最後由615等到830先有枱😥 野食方面都正常 睇個menu其實野食同價錢係同老掌櫃差唔多 （懷疑係同一間公司）🦆片皮鴨比較乾身無咩油香 但呢個價位分量都可接受 🎃比較出色嘅係黃金南瓜 咸咸地甜甜地 🍋野飲就有小小貨不對辦 檸檬都偏少甚至係無 （完全唔是爆檸）但鴨屎香檸茶都係有鴨屎香嘅 （雖然檸檬都係得3塊…）🧁炸鮮奶就一般般 （ps 因為呢間係pet friendly嘅商場 所以都好多狗狗係入面食 都見到有啲狗毛隨風飄揚 介意嘅人就要留意下了）Overall覺得等咁耐唔係好值 但係呢個商場性價比都算係咁…查看更多