616牛肉火鍋專門店 (積富街)

營業中

休息中

大圍食市愈黎愈多, 反面呢一間專食牛肉的火鍋吸引到我, 內裡係舊香港的設計, 木椅木檯木窗, 仲有舊雜貨店的裝修.MENU用了IPAD, 不是手寫單, 大部份牛肉都有仔細的介紹, 等食客知道係邊一個部位, 有什麼特別.檯上仲有秘方點樣去除身上的味道: 鴛鴦麻辣牛骨清湯 - 牛骨清湯內有好多牛腩肉, 麻辣湯聞到已經覺得好勁, 仲好攻眼添!牛駝峰 $48 - 肉片好似起兩飛甘中間有一條根, 油香味好甘香, 帶濃郁牛肉味, 肉質鬆軟, 十分好味!胸口膀 $48 - 全片都好似脂肪甘, 入口少少爽脆的, 帶濃濃的牛油味, 煮得太耐會好韌.澳洲和牛-牛胸肉 $48 - 油花多, 肉味都好濃黃喉 $ 48 - 原來唔係喉嚨, 係心臟的動脈血管, 我又長知識了. 無咩味道, 口感有點韌.紫菜卷 $38 - 響鈴+紫菜的混合版, 不過要夠淋先好食, 唔係脆口的呵~手打牛滑 $48 - 好有口感, 彈牙的, 煮耐D都唔會韌!洛神玫瑰花茶 $12 - 甘大支好抵飲, 好香的玫瑰花味道, 凍飲好正!醬料係自助的, 熱水都係自助.極大部份都係牛肉, 有少少蔬菜及主食, 用牛的人要去試試呀!

今日係我家姐生日，早兩個禮拜佢已經話生日飯要食返616。原來上次同佢食完之後，佢就一直念念不忘，果然係牛魔王XD今日佢喺大圍收工，所以我地今次去左616大圍嘅分店食。上次食清湯底，但今次家姐話聞到隔離枱個辣湯底好香。於是我地就叫左青花椒湯底（$78）不過佢唔太食到辣，所以我地舀起湯底大部分嘅青花椒XD個湯底辣而不膩，唔錯~匙柄（$48）係牛下肩胛肉，入口夠柔軟！尾龍（$48）就係牛屁股肉，食落肉質結實又帶有少少油香。封門柳（$68）就係牛橫隔膜下嘅一塊牛柳。好罕有，因為一隻牛先得兩小塊，係全隻牛肉味最濃嘅地方！黃喉（$48）係家姐最愛，上次都有叫，非常爽口！牛肉餃（$48 六隻）呢隻616自家製嘅餃，皮薄多汁，令我一食難忘！娃娃菜（$28）、金菇（$28）同埋稻庭烏冬（$28）吸收左青花椒湯底，令我食唔停口XD飲品方面，我地都係飲雀巢檸檬茶（$9@1罐）家姐呢個牛魔王對616食過返尋味，話可以不斷encore XD