馬祖台灣養生湯麵館 (V Point)

突然好想食米線，但又唔想食酸辣嗰種，上網睇下銅鑼灣有咩米線好食，見到有呢間馬祖即刻想去食下，因為之前喺荃灣食過，覺得好好味，湯好濃好好飲。今次同朋友兩個去食，點左兩個一人商務套餐，有小食，主菜同飲品，大約100蚊，都抵呀，因為我記得呢間嘅米線份量都唔少架！蟲草花藥膳農場雞米線配料都唔少架，雞件都滑嘅，不過今次個湯冇上次咁濃，米線偏淋少少，整體算不錯，如果可濃味少少就更好喇藥膳麻油雞米線朋友話個湯麻油味不夠，米線都係偏淋啦貢丸好香冬菇味，係比較實在嘅貢丸鹽酥墨魚春卷好彈牙只係油左少少，食前可印走少少油先食…查看更多

早幾日見人介紹藥膳湯麵，睇到藥膳二字已經覺得出街食都好健康咁，即刻約朋友黎試下。平日晚上7點9左右到達，可以即時入座，店內亦有唔少食客。 到我地食完9點零都仲有食客黎。 店內座位不多，但枱與枱間唔算太迫。 店面職員不多（2個），但又唔洗都等好耐就有人落單。點左2個套餐，香辣藥膳牛肉湯手工麵同藥膳古早牛肉湯手工麵，配鹽酥墨魚春卷同藥膳上湯濃汁手作牛丸。 香辣藥膳牛肉湯手工麵睇落已經令人有食慾。湯好濃，藥膳味無我想像中咁勁（我鐘意重藥膳味），牛肉量多，肉質淋易咬，蘿蔔大大件，好淋。我最鐘意個手工麵，好好咬口。 碗麵份量大，食唔晒，但因為個麵好味，幾飽都想食埋佢。 藥膳上湯濃汁手作牛丸哩個湯就真係我想要既藥膳湯。 好濃藥膳味 yumyum 牛丸無特別引起我注意，個湯就好好味。鹽酥墨魚春卷哩個無乜特別，正常墨魚春卷個餐另外有杯飲品，我點左凍無糖茉莉花茶，朋友點左蜂蜜茉莉花茶。 普通茶一杯，無特別。 如果有得叫珍珠奶茶，個感覺會更好 哈哈兩個人埋單$216。 銅鑼灣簡單食，地方都叫坐得舒服，咁既價錢都算抵。…查看更多

之前有朋友提過，登龍街有間藥膳湯麵館湯底不錯。今日難得朋友放假，一於約埋去銅鑼灣行下街，順便試吓呢間湯麵館。位於登龍街嘅「馬祖台灣養生湯麵館」十分易搵，正正在V Point地下。我和朋友大概2:00pm 去到，由於午市時段，看見店內仍頗多人，所以決定逛多一會再食。大概3:00pm 再嚟到，已經相對較少人，我們安排到卡位坐。店內環境很乾淨衛生，座位之間亦很寬闊舒適。點餐真係令人苦惱，單是米線款式選擇，已經有19款之多。除了米線，亦可配白飯、改新竹米粉、又或者手工麵（加$10）當然湯底都是以藥膳為主，另外仲有幾款辣既藥膳湯底，有大、中、小辣可供選擇。據服務員介紹，麵館嘅辣相對比其他嘅會辣一點。如果喜歡辣嘅朋友仔可以嚟一試啦！最後，我們點了2份一人商務套餐。我揀咗「蟲草花藥膳農場雞米線」，配「鹽酥墨魚春卷」及「黑糖冬瓜茶」。雞肉嫩滑鮮甜，再配埋蟲草花本來已經十分夾，而再混合埋藥膳湯底，令到整碗米缐十分香濃。我差不多整碗湯都渴清了至於墨魚春卷，春卷皮很薄脆，所以入口並不油膩。食落口感外微脆而裡面軟綿綿，中間夾有粒粒墨魚肉，值得一試小食。至於我朋友就選了「清湯花枝丸拼白菜肉餃米線」配「麻辣白菜豬肉餃」及「蜜糖茉莉花茶」。湯味相對較清甜，但用料同樣十足，除了有紅棗和桂圓，仲有杞子和黨參。餃子皮薄肉鮮甜、花枝丸好彈牙，食到台灣的味道。麻辣餃子不算太辣，啱曬喜歡少少麻辣既朋友。至於餐飲，同碗湯米缐一樣份量十足，大大杯。埋單時再有發現，原來呢間麵館更提供外賣，有藥膳火鍋湯底及火鍋配料，仲有秘製辣椒油。下次如果想係屋企食藥膳湯底火鍋，可以嚟呢度外賣了。…查看更多

同朋友去銅鑼灣睇戲，搵下去邊度食野好，行過見到呢間「馬祖台灣養生湯麵館」主題是養生，湯是藥材製成，感覺很適合女生補身，就這樣吸引左入去....套餐1 ～ $97鹽酥墨魚春卷炸得香口，口感像食年糕，煙煙韌韌，可口啊～藥膳桃膠農場雞新竹米粉有黑木耳、紅棗、龍眼、桃膠、雞件（3件），好足料啊。湯是濃濃的藥膳味，配上新竹米粉好好味，米粉份量好多，雞件一啲都唔鞋，桃膠份量多，食完好飽～愛文芒果茉莉花茶喝下後感到芒果味濃又香甜，淡淡的茉莉花茶滲出來，好好味😋套餐2 ～ $96藥膳上湯福茂貢丸貢丸都有藥膳味，很特別啊～藥膳麻油雞白飯上菜時已經有好香既麻油味，但湯飲落卻是濃濃的紅棗味，由於點了白飯，所以做左湯飯咁食。有黑木耳、紅棗、雞件（4件），雞件食落都有麻油味，亦都唔鞋。無糖茉莉花茶有淡淡的茉莉花及茶味，因為無糖，所以好淡。…查看更多

冇左home office啦，係時候要返工，但友人還是在家工作，所以便在公司附近買外賣回家吃!這間餐廳之前已經聽過朋友講話好食，現在開係公司附近，當然要試試看!餐牌有單點也有套餐，，套餐有小食、主菜和飲品。鹽酥墨魚春卷，春卷是跟餐的，有3條，春卷上有椒鹽粉，令春卷味道惹味!鹽酥濃汁手作牛丸，牛丸味道都幾香，牛丸上也有椒鹽粉，令牛丸味道更鮮更突出!藥膳桃膠農場雞白飯，外賣回家湯和飯是分開的。湯底味道非常清甜，還有淡淡的藥膳味，而且湯底材料非常足，有蜜棗、杞子、桂圓等，最重點當然是有桃膠，桃膠份量都幾多，而且幾大粒，很有養顏感!雞件份量都幾多，肉質嫩滑!這個湯底做湯飯真的不錯!藥膳養生湯台灣直送澎湖特A級花枝丸拼白菜豬肉餃米線，湯底除了有蜜棗、杞子、桂圓外，還有木耳，花枝丸爽口彈牙，味道都幾濃郁，白菜豬肉餃食落有點爽爽地，味道不錯，餃子皮也不會太厚!米線掛滿湯汁，食落清甜，令人不禁把湯飲完!飲品點了無糖茉莉花茶和愛文芒果茉莉花茶，前者有茉莉花茶的清香，而後者有淡淡的芒果味，很特別!…查看更多

疫情關係都真係少左出街食飯但真係有啲掛住個湯底又知道佢喺銅鑼灣開左新分店所以都冒險走左去食😋——————————————————佢地個政策似乎係間間都有啲唔同咁你想食某樣野就要去番某分店但最大路嘅雞同牛就每間都有👨🏽‍🦱叫左黑蒜特A級花枝丸未食已經聞到好大陣黑蒜味一飲就知用左好多黑蒜同藥膳尼煲湯湯底唔油又清甜係中環分店嘅味呀😍一碗有六粒花枝丸Size剛好可以整粒放入口從未食過粒丸入面可以有起碼五六粒花枝仲要粒粒都花枝都好大粒有咬口下次去都要再叫中島我今次叫左個養顏桃膠雞竟然係雞髀位😍仲有大量桃膠食完好似即刻靚左😌😌普通藥膳湯底雖然少左陣黑蒜味但一樣咁清甜架配埋新竹米粉去吸收湯汁每一啖都可以連粉帶湯入口👍🏻小食都唔差牛丸好有牛味又彈牙炸得通透得尼又唔熱氣一咬落去即刻爆汁不過一定要趁熱食墨魚春卷炸到外脆內嫩火候啱啱好如果可以配一個酸酸甜甜嘅醬就更好跟餐飲品叫左黑糖冬瓜茶清甜解渴又唔過甜既冬瓜呢個真係我杯茶愛文芒果茉莉茶好特別嘅味道芒果味好出㗳落先慢慢飲到個茉莉花味幾清爽😂😂中意食辣可以試下佢個手工製辣椒油我費時破壞佢個湯底所以就無試到😛——————————————————◈ 藥膳養生湯澎湖特A級花枝丸米線 $75◈ 轉黑蒜 +$1 黑糖冬瓜茶 +$3◈ 藥膳桃膠農場雞米粉 $67◈ 愛文芒果茉莉花茶 +$2◈ 鹽酥墨魚春卷 $30◈ 鹽酥濃汁手作牛丸 $30…查看更多

係銅鑼灣返工既我,今日又出動去搵食啦,返工日日都要諗LUNCH食咩🤦🏻‍♀️好彩銅鑼灣多野食姐!今日經過見到哩間新開既台灣養生湯麵,對於養生野又有藥膳又有農場雞,緊係要試下啦,而哩間係新既分店呀💫食物方面:⚪️藥膳養生湯農場雞米線超級香藥材味.雞味都好出.農場雞好滑真係好有雞味🐓同出邊嘅好唔同.而且係冇醃製過原汁原味!米線好滑.完全吸收晒湯嘅精華🤗好大碗👍🏻⚪️香辣養生湯農場雞飯香辣湯底入口少少麻辣嘅感覺好開胃.揀咗小辣所以唔會太辣.無搶雞嘅鮮味😌雞汁撈飯正🤭⚪️鹽酥墨魚春卷揸得好香脆而且都好彈牙🦑有少少墨魚粒喺春卷入邊.唔錯!⚪️藥膳上湯手作牛丸試咗呢個普通嘅藥膳湯底.發現同農場雞米線嘅湯底真係好唔同.加咗雞嘅藥膳湯底係特別好味.因為多咗雞嘅鮮甜味.真係好正💓而個牛丸超多汁好彈牙勁好味👍🏻⚪️凍蜂蜜茉莉花茶⚪️凍愛文芒果茉莉花茶飲品都唔會太甜.大大杯非常解渴🥤整體方面:餐廳地方都幾大幾舒服.上菜時間都好快👩🏻‍🍳藥膳農場雞真係超好味.而且食得到冇味精.食完會好頸渴.一定會再嚟.試埋其他唔同嘅湯底.價錢合理.性價比超高🙋🏻‍♀️…查看更多