GoodDay BadDay MamaDay

營業中

休息中

Mamaday以搞怪聞名，過去試過銅鑼灣創始店，當時剛剛創業選址在較偏遠的工業大厦，經過幾年努力，現在旗下已經有好多家分店，不變的是每家都是以搞怪和玩味為設計主軸🤪🍴蒲燒三文魚日式沙律前菜沙律配的多半是煙三文魚，引起我們注意的正是蒲燒三文魚腩。有四大塊三文魚腩，油脂好豐富，入口即化好滿足，與配角蔬菜清爽口感形成鮮明對比，兩者卻結合的恰到好處。🍴鹹蛋牛油果蟹肉比薩薄又脆的餅皮上鋪著蟹肉與帶殼蟹鉗，讓人大開眼界。鹹蛋黃與起司帶出兩種鹹味作為基底，將蟹肉的甜襯托出來，味道很棒。口感與視覺都帶點衝擊，有趣又美味。🍴芝士龍蝦義大利麵有別於一般龍蝦意粉給我們的印象，這道料理竟然將整隻龍蝦蓋在意粉上桌。龍蝦肉很紮實，Q彈美味。意粉灑滿芝士，味道很濃郁，喜歡龍蝦濃芝士風味意粉的朋友不要錯過。總體而言，環境別具巧思，玩味十足，食物也在水準之上，適合一群朋友一起來玩~

近日工作有啲阻滯，朋友就提議嚟尖東GoodDay BadDay食啲好食得嚟個名又搞笑嘅嘢獎勵下自己！餐廳無論menu定係室內環境都咁過癮。我哋先試咗麻卵飯，落單嘅時候要好小心咬字！應該係黑媽媽嘅魚子咁解？佢其實係一碟好似fusion咗嘅risotto，上面有一排黑黑實實嘅魚子，再加上tabasco嘅少少辣味，非常開胃。配冬菇同帶子，咬落去啲魚子爆開嘅口感好新鮮，真係唔錯之後嘅鹹蛋牛油果蟹肉比薩就俾我嘅同事加邪惡，上面鋪滿芝士。每一塊都有一隻蟹鉗一粒牛油果同紅椒，可以公平分配，上面仲鋪咗沙律菜，即刻覺得冇咁內疚想食下炸嘢，叫咗求其是但乜都炸啲啦，有炸雞翼、炸蝦、炸薯條、炸魚柳，上面灑咗芝士粉，非常滿足。我哋試咗自家製山楂果肉玫瑰花茶同甜甜酸酸的洛神柚子茶兩款茶。山楂果肉玫瑰花茶用咗真玫瑰花沖，好香玫瑰花味，甜中帶少少山楂酸味，消滯又養顏。洛神柚子茶就淡淡嘅洛神花同柚子味，好清新。嚟到甜品環節，我哋試咗熱情果芝士蛋糕，有士多啤梨同燈籠果伴碟，熱情果味道有助減輕啱啱嘅油膩感。