民華餐廳

營業中

休息中

好多年無去過民華食嘢，之前得閒帶小朋友行金魚街時都專登同佢去食。我哋叫常餐食，不過11點前先$38，11點後就貴幾蚊，所以我哋都鍾意11點前入去坐低叫定！我哋叫咗鮮茄火腿通 + 烘底火腿炒蛋，同埋鮮茄火腿通 + 烘底火腿炒蛋。雖然份量少過以前，不過烘底唔洗另外加錢，所以都ok！另外我哋仲叫咗個 鵪鶉蛋燒賣，正！

去旺角逛街，累了就隨便選一家餐廳餵飽個肚。見到這間茶餐廳人多，食物選擇也多，就決定試下新意思～——————————🔹常餐 $46去茶餐廳，當然要食地道的常餐啦！叫了碗沙爹牛肉通粉、餐肉炒蛋、即烘牛油多士及奶茶；通粉湯底偏甜不辣，不夠惹味，加點辣椒油食就剛剛好！整體來說，每款水準都不錯，份量也多。🔸咖哩牛筋腩飯 $59 配奶茶驚喜之作！咖哩是典型的茶餐廳咖哩，香濃微辣，夠惹味；牛筋、牛腩份量極多，煮的軟焾入味，配上炆軟的薯仔及白飯，真的好正！🔹鵪鶉蛋燒賣 $17 估唔到茶餐廳都有點心食，仲要是鵪鶉蛋燒賣，當然要試試～燒賣肉質彈牙，每粒頂部都有一粒鵪鶉蛋，有蛋香也有肉香，雖然比不上酒樓的出品，但$17算是好抵食！🔸秘製金錢肚 $17朋友最愛內臟，見到金錢肚即刻落order！金錢肚煮得入味，掛滿醬汁，吃起來甜香甜香，不錯。

返工返又一城，但成日係商場食飯都食到厭😞…所以今日同同事搭一個站火車去旺角搵D茶記☕食，可以轉一轉，又唔駛咁貴😜落到去女人街搵食，其實都好快就到，見到呢間民華餐廳，門面好光猛，地方大D，以茶餐廳黎講佢都好乾淨，坐得都唔迫。😇中午食飯時間當然好多人，好彩佢都好多位，唔駛等好耐😙同事想食西多🍞，咁兩個人都可以share一份既~ 佢主食就叫左個常餐🍜🥪，都好多野可以配搭。我就揀食盅飯🍚，好少有茶餐廳同時又有點心食! 落左單先見有一籠籠點心! 想叫個鵪鶉蛋燒賣🥟 落單冇幾耐就黎左盅飯同常餐，出餐都真係快手。盅飯既份量唔大，但個牛肉好香，彃牙得黎有肉汁，好食! 個煎蛋🍳流心可以撈飯食，味道真係唔錯! 29蚊呢個價都好合理，女仕黎講份量剛好，男人的話就會厭太細盅了😬不過! 咁樣我地就可以叫埋個鵪鶉蛋燒賣!17蚊份都真係好抵食😍都試左同事個茄牛通，湯底夠甜🍅，肉片🐮都幾香，唔錯! 係個通粉🍝唔係好淋，咁呢個就好個人喜好，應該浸耐少少先開始食就冇問題了。我亦欣賞常餐入面個方包🍞，厚身得黎又好軟熟，抵食又好食😋西多士都唔錯，睇黎呢間餐廳D麵包都有返咁上下水準。西多士可以揀跟糖漿🍯或煉奶🍼，我地揀煉奶，滑

🔅🔅🔅香港出名多特色茶餐廳特別在旺角的通菜街今日Lunch就揀左～👉🏻<民華餐廳>👈🏻🔸<腸仔炒蛋配烘牛油多士>炒蛋入口香滑不會過老烘牛油多士外脆內軟加蛋一齊吃超滋味😍🔸<鮮茄牛肉通粉> 個人認為這是最有特色用左新鮮番茄熬製的湯底濃濃番茄湯酸酸甜甜很開胃牛肉不錯通粉很有咬口很喜歡👍🏻🔹<沙爹牛肉通粉>沙爹湯不算很濃且淡了一些相比鮮茄湯較為遜色一點牛肉肉質較軟還可以🔸<西多士>外皮超脆內層超軟塗上牛油和煉奶甜甜的很滋味🔹<鵪鶉蛋燒賣> 燒賣肉質彈牙跟鵪鶉蛋很配喔～🔸<雞扎>外面一層腐竹包裹了雞肉豬皮芋頭豬肚喜歡芋頭很香棉～🔹<總結>整體食物都不錯不過座位相對較窄🔅🔅🔅

香港的茶記選擇眾多，質素參差，其中民華可算是少有用心製作的連鎖式茶記。它的食物款式頗多元化，既有常餐，也有咖喱飯、湯河、蒸飯和點心類等，滿足了不同食客的需要。同時，食物的味道也相當出色，新鮮製作讓人感到誠意滿滿。自幾年前嚐過民華的製品後，我便一直念念不忘。直到最近，友人相約我到民華，令我終於又有機會重溫那滋味。·我們二人分別點了以下的食品作分享：{{ 常餐：火腿蕃茄通粉 $46 }}蕃茄湯紅彤彤的，味道酸爽，十分開胃，表面更有少量香草調味，令人很有食慾。通粉的軟硬度適中，不會煮至過腍，仍保有口感，值得欣賞。至於火腿一絲絲的，入口軟腍，味帶微鹹，正好中和了蕃茄湯的酸度。·{{ 餐肉炒蛋配即烘牛油多士 }}蛋炒得頗為嫩滑，甚具蛋香，而餐肉則煎至微微香脆，入口不油膩又充滿鹹香。塗滿牛油的多士經烤焗後變得香脆可口，富牛油香之餘亦帶微微的鹹味，不會過於淡口。把少量炒蛋加適量的餐肉放在多士上，一口咬下去，實是滋味無比。·{{ 火腿炒蛋菠蘿包 $30(跟餐價) }}菠蘿包外皮微脆，

今日又黎太子，又可以食下呢間太子指定 "常餐"店，話明指定就係因為一講起常餐我就實諗起佢，特別係個蕃茄牛肉公仔麵同朋友黎食，估唔到今日朋友都係點佐公仔麵WOR兩個大男人，仲點多佐兩籠點心先黎係呢個鵪鶉蛋燒賣，真係而家連酒樓都未必有得食，佢都係賣緊17蚊，仲要堅大粒山竹牛肉球就係酒樓點心必點GA啦，呢度有，仲要真係整得唔差，牛肉好夠淋又夠鬆，真係同酒樓有得揮呢度既凍咖啡真係第一次叫，原來同澳X餐廳係一樣玩法，都係面再落D粉，正WOR朋友杯熱啡就單調D啦再黎梗係主角，我既蕃茄牛肉麵啦一D都無退步，湯夠濃，有蕃茄肉，仲要多牛最緊要係用得呢個湯底好易將麵整得太淋，但佢地火喉永遠剛剛好常餐跟既必定係餐肉炒蛋啦，一如既往，超滑流炒蛋，重牛油多士必定係會夾埋餐肉一齊食先有個口感朋友點既雪菜肉絲麵，望落同平時出面食真係有D唔同，大肉絲，湯底隻色都好濃腸仔炒蛋，我個人不太鐘意腸仔無燶邊，不過朋友又話OK食到好飽。。。忽然間。。。黎佐碟鮮油多，原來係朋友叫，原來佢係為佐呢碟野黎，自己偷偷叫佐，不過唔食由自可，原來真係好正﹗問朋友點解平時無飯不歡今日會食公仔麵，而最緊要係呢度係有好多飯揀，原來佢話佢成日見我

好耐無食茶記，係因為怕食得急同太多人太迫，但估唔到呢間「民華餐廳」，除左可以慢慢食慢慢嘆，仲要坐得舒服，唔會迫住食，係可以好好享受一餐既地方，又可食返港式茶記既味道。常餐真係必點，因為咩時段都食到早餐既炒蛋，而且有包有粉麵實飽。常餐$46，揀左蕃茄叉燒通、火腿炒蛋、即烘牛油多士，配凍檸茶+$3。好嫩滑好有蛋黃香既炒蛋，配埋烘多士，一嫩一脆口感一流。超級好食既多士，即叫即烘，厚身多士夠鬆軟，烘得香脆，仲有溶化牛油滲出，忍唔到口要食哂。蕃茄湯好濃好重茄味，微微酸好開胃唔膩，叉燒亦唔肥仲好腍身，通粉連大啖蕃茄湯食，秒清除左茶餐，呢度仲有點心、盅頭飯.....有少見既鵪鶉蛋燒賣$17。燒賣幾彈幾有肉感，肥肉唔算多，配鵪鶉蛋特別香特別惹味。仲叫左個皇牌推介的咖哩牛筋腩飯套餐$59包飲品。個飯仲有埋煎蛋，正喎！一次滿足兩個食慾，有齊牛筋、牛腩，咖哩都有點辣，但易接受同辣味好快散，反而越黎越想食，仲好有咖哩香料味。牛筋好腍好彈，軟綿綿好有膠質，牛腩睇相就知入味鬆化，肉既紋理都出哂黎，勁吸引。只係薯仔硬左少少。西多士$20，食到好飽，但見隔離個西多太正，就叫埋黎食，我比較鐘意配煉奶。沾滿半溶牛油同煉奶

今日食下午茶，到旺角這裡，見有民華餐廳，好喜歡這裡的常餐，見有位就入去了！環境光猛又舒適，白色為主又有簡潔設計；牆上有不同美味圖畫，好吸引服務生又勤快又有禮友善，大家都好落力用心，難怪咁多客人喜歡這裡中式西式都可選擇，今日就來個中西合併。點了一個抵食常餐、一個咖哩雞湯河及2點中式點心。常餐的水準一路都咁好，下午餐更是抵食，$38有飲品、粉麵及炒蛋多士！好吸引、熱辣辣上枱！叫完好快上枱 🥚炒蛋的顏色真的好靚，炒得剛剛好；嫩滑又有少少蛋汁喜歡熱熱炒蛋配上咸香午餐飲放在焗好熱熱脆脆的多士上，美味可口🍅番茄湯底好香濃又開胃又健康，🐮牛肉好腍好易咬，麵質口感剛剛好咖哩雞湯河喜歡這裡細心地將香蔥粒放在小匙中，讓客人自行選擇放下與否！香噴噴咖喱！更有菜芯河粉好幼滑，咖喱味好香好濃郁，🐔雞肉嫩滑入味（中式點心）🐥🐥鵪鶉蛋燒賣：好懷舊的點心，3大大粒，賣相正蛋黃香又黃、皮薄又軟、豬肉軟腍又有蝦肉爽口（秘製金錢肚）秘製汁香、金錢肚好入味又有口感，蘿蔔在底部吸汁（飲料）檸檬水有3片檸檬，開胃又夠酸，可自行加糖；🍋🍋🍋☕️☕️熱朱古力好濃郁，好香好滑

到旺角辦年貨，先來一向質素穩定的民華醫肚。平日多來食常餐，炒蛋挺滑，薑絲牛肉通是我至愛，一定飲盡薑湯，很夠味。但今天卻想食飯，就點個皇牌推介～咖哩牛筋腩飯，再來兩個點心，這兒選擇真多，仲有蒸飯，好豐富呀。 兩款懷舊點心做法也很傳統，鵪鶉蛋燒賣用整隻鵪鶉蛋，雞扎內有豬肚及芋條，味道跟一般酒樓差不多，但價錢實惠 $17-$18，真抵食。 咖喱牛筋腩飯$47，轉套餐 $56，若果像我般要檸蜜便再加$2。咖哩香濃不太辣，牛筋特別美味，跟咖哩汁腍滑惹味，還有隻太陽蛋跟飯，吃得很滿足。

農曆新年將至，今天特意出女人街買華服用嚟拜年，順道行旺角。行下行下覺得又餓又攰，揀咗去民華食野兼休息下。餐廳出面係外賣部，有餐牌可以睇咗食咩先。去到既時候有少少人等緊，不過好快就入得去。每次嚟都必點常餐（$46）😃，今次揀咗番茄牛肉通粉、火腿炒蛋同牛油多士，配埋薑檸樂（加$4）。杯薑檸樂好足料，有成3塊檸檬，仲有好多薑絲，飲落好重薑味👍番茄牛肉通粉既湯底濃郁，仲有大大粒新鮮番茄，酸酸甜甜很是開胃。至於牛肉就淋得嚟又入味，不錯！個人覺得呢碟牛油多士同火腿蛋擺到好似一間屋，好得意😆蛋炒得好香好滑，火腿就有少少鹹，同炒蛋一齊食可以中和番d味。常餐以外仲點咗充滿兒時回憶既西多士同鵪鶉蛋燒賣，兩樣都係好邪惡但自細已經鍾意食既野🙈西多士（$20）炸得金黃，一路望住塊牛油慢慢溶化既過程好治癒。每次食都一定要等西多士吸滿牛油同糖漿至一口咬落去，滿足！初時以為鵪鶉蛋燒賣（$17）只有肉和蛋，估唔到仲有蝦呢值得一提的是雖然食客多但食物上得頗快，服務不錯！

燒賣平時飲茶就食得多喇 不過一盅三件既鵪鶉蛋燒賣就真係第一次食 每粒燒賣上面都有一隻鵪鶉蛋🍳 一咬開雲吞皮就品嚐到好香既蛋黃味 下面既燒賣包住大大隻鮮蝦🍤 好爽口彈牙😁 我覺得比起坊間既鮑魚燒賣更好食😂 另外民華餐廳既咖哩牛筋腩飯🐮都好正 啲牛筋腩好嫩好入味😋 店鋪衛生望落還可以 但因為多食客 被迫搭枱好麻麻食得有啲唔自在 而且我咁岩坐正門口位 一開門就熱到飛起😓

夜晚上完堂嚟哩度食糯米雞同鵪鶉蛋燒賣。鵪鶉蛋燒賣比較乾身，但味道唔錯，不過一個人食3粒就好啦，膽固醇好高。😂糯米雞，好大隻，糯米蒸到好軟綿綿同埋幾有黏性👍 糯米入面有雞肉，叉燒，鵪鶉蛋，豬肉碎做涵，味道ok收貨，不過如果加埋咸蛋黃碎就更perfect。服務方面本來都無乜特別，但我食完無幾耐，前後都只係坐咗半個鐘就催我交枱，話有人我等緊枱……我都知你趕住做生意，但我都係客有俾錢，食完就催你走，感覺好差，你話坐喺度幾個鐘就話jer，香港啲茶餐廳嘅弊病。

有時真係唔一定貴野先值得令人回味.果日去開旺角做gym, 又係時候吔飯, 喺花園街隔離呢條通菜街勁多食肆唔知點揀, 梗係上openrice check一check啦. 見到民華有鮮茄通, 係我哋既favorite, gogogo!間鋪喺門口睇都算幾新淨，我哋太娘了，好久唔出旺角一次，都唔知係咪新店。入去坐低一般茶記格局，卡位都幾迫，反正我唔係公主，餵飽我就ok望下餐牌，其實茶餐都好多選擇，茄通外，仲有較少有既豬潤，但係我哋2個都係難敵茄字。男人食茶餐唔夠飽，唔緊要！仲有點心、蒸飯，十零廿蚊。雞札就一般啦，鵪鶉蛋燒賣好得。唔知係咪宜家茶樓都小有，好耐無食過，彈牙既豬肉仲有隻小蝦仁，加上鵪鶉蛋好香，成舊啖啖肉，好過癮。吊起胃口，茶餐就上台啦，有牛油厚多士同炒蛋，我揀左午餐肉，多士焗得金黃色，已均勻地好牛油，從小處睇到呢間店有heart唔馬虎，午餐肉香脆，熱切期待茄通。果然無失望，湯底香濃而且味道適中，有茄茸唔係稀liao Liao, 這一次我差不多飲哂d湯。文華我都食過，但係寫呢篇食評時，只有民華既美食仍係我腦中徘徊。 （或者這是人稱的妹仔肚吧。） 

一直都是澳牛粉絲, 鍾愛他們的炒蛋還有他們的服務態度 最近這兩三個月看見openrice的排行榜第一名都是這家新茶餐廳常餐還真的很像澳牛的常餐, 找了一晚下班來試先給我凍檸茶, 我要的少甜他們都有做到, 檸檬也給得算多再來是通粉跟炒蛋火腿多士, 我點了番茄牛肉通粉湯頭的番茄味道蠻天然的, 肉味比較欠奉, 但是有點太酸通粉沒有過軟還好, 牛肉沒有加任何鬆肉粉去醃過, 但有點韌愛喝番茄湯的我也不太愛吃這碗通粉他們炒蛋的功力不錯, 炒得很滑嫩, 蛋香味也有但是比起澳牛跟華星的總欠了一些東西, 那就是雞湯的味道這是我在家弄過澳牛式炒蛋得出來的小經驗, 就是欠了雞湯的鮮味導致他們的炒蛋有點死鹹, 味道上跟好吃的炒蛋真的有差一些火腿稍煎過不油不錯吃, 多士是厚身的, 塗了牛油香脆不錯吃完真的不太夠飽, 多叫了一個鵪鶉蛋燒賣上這個點心沒有用蒸籠而是膠碟, 燒賣不夠熱耶...應該是他們在外面訂的現成貨吧, 下面的燒賣肉鬆軟得有點過分是我愛吃又很少吃到鵪鶉蛋, 挽回一點分數吧坦白說這家茶餐廳我覺得蠻失望的, 食物其實沒有做得很好吃不會再來了, 最後還得去附近的crumbs溝貨