十三姨 (通菜街)

營業中

休息中

早就聽聞十三姨嘅鵝肝飯超正，專門搵左個工作日來試下水。舖頭開門前已經開始排隊，入座之後店員都快手快腳遞上茶水同蝦片。舖頭細細間但係店員都積極有禮貌，落單上餸都算快～其實d飲品睇落都幾好，但係一個人食嘅話真係食唔曬，因為鵝肝飯真係超大碗！一個人食可能會好似我咁飽到扶牆出，建議多d人一起來食！鵝肝超正，煎到脆脆地又唔怕太油，d配菜都好好味，送飯食一流！貪心點多個拍黃瓜做小食，其實都幾大份～已經準備好帶家人朋友再來一次

已經推訓咗BB係BB車訓著，諗住可以靜靜地歎翻個銷魂鵝肝飯，竟然要我叫醒BB收車先有位入去食野，一直企門口等咗大概十分鐘，明明入面就有位，三張空台，其實拉開一張櫈泊入BB車就唔會阻到主道，擺明職員就唔想做你生意，服務排位令人擔憂。入去仲差D唔記得掃針卡要我提醒。好期待咁黎，失望走。出名既鵝肝飯味道一般，並不太驚喜。

總結1. 鵝肝飯+瓜麵感覺新鮮 可以一試2. 價錢尚可 3. 附近為醫院 避免中午時段可減少排隊時間一路聽人推介十三姨嘅鵝肝飯 所以慕名而來十三姨主打麵食同飯當日中午爆場 好彩條隊唔算長兩人份量叫左鵝肝飯同瓜麵本身餐前送蝦片但淋晒 無謂浪費位置我未食過鵝肝 First impression presentation幾靚 食落鬆化油分足 非常送飯麵食白胡椒湯底 味道唔錯 用鐵煲上 Keep住熱見十三姨內仲有多款不同麵食可供選擇下次有機會試吓食牛肉麵

這是一間位於旺角橫街內的一間小店。此行是為了一嚐這間店著名的鵝肝飯。雖然店內的其他食物看起來都很吸引，但根據一名普通女生的食量，相信一碗鵝肝飯已足夠飽至甜品都吃不下了。一配鵝肝飯有3片厚切的鵝肝。本人最喜歡這間店的自製XO醬，帶一點微辣，拌飯後更可增添不少風味。至於重點的鵝肝更是入口鬆化，令人有滿滿的幸福感。另外點了一杯青檸梳打。畢竟鵝肝吃太多會有一點油膩感。本人覺得配上青檸梳打剛好可以解膩及有清新的感覺。店內的員工待人親切。而店內的洗手間尚算整潔。下次有機會會再光顧的。

晚上放工同朋友約喺旺角食飯，一於試吓呢一個近期網上超紅嘅鵝肝飯一坐低已經送上自家製炸蒜片，老闆娘仲介紹話係早上炸好，比普通蝦片更加惹味，食唔停我哋叫咗三樣嘢食，鵝肝飯，串燒，涼拌蔬菜串燒雞軟骨同串燒雞腎一般串燒雞軟骨都會有啲乾，但呢個好Juicy ，香料粉味道都好特別鵝肝飯鵝肝煎得超香脆，亦都10分肥美唔係乾爭爭嘅鵝肝，加埋啲配料食真係超級好味，絕對對得起呢個價錢涼拌蔬菜清甜又唔會太淡，用來配鵝肝飯剛剛好呢一間十三姨睇得出佢真係好用心製作，由餐具到食物都睇得出老闆娘對食物嘅熱愛，絕對可以一食再食