四季芬芳

營業中

休息中

天氣終於轉涼喇，明明食蛇應該係9-11月嘅事，今年結果等到12月先食平時去開食蛇嘅餐廳都比較平民，今次帶朋友一齊就去咗間行新派精品路線嘅，等大家都可以慢慢坐底傾下計雖然係新派，但都係由老字號蛇王芬開嘅，質素應該有保證，同港島本店應該分別不大嚟到呢度點可以唔食蛇羮喎，先嚟一個花膠太史蛇羮，上枱賣相精美，唔好以為只有面頭好少，隻碗係深到落最底㗎！入邊蛇肉同配料都好豐富，絕無欺場，又夠熱辣辣，天氣咁凍食一啖個人就即刻暖哂朋友就揀咗個燉湯，花膠百合燉水鴨，材料一樣咁俾貨，水鴨髀仲有四五舊花膠，味道濃郁，感覺係將食材嘅精華帶哂落去湯入邊，飲到一滴不剩呢飲完湯羮，就到主食上場，先叫咗鮮象拔蚌仔荷葉蒸飯，一打開荷香四溢，象拔蚌鋪滿飯面，每塊都有返咁上下份量，唔會碎濕濕，食落口飯粒分明，每粒都索哂海鮮嘅精華，配合埋金蒜粒，啖啖荷香啖啖滋味平時係本店食開嘅子薑麵醬魚雲煲，嚟到呢度就變成咗魚腩煲，味道不變，醬汁帶有子薑風味，酸酸甜甜咁，仍然係我嘅至愛，一煲都有7-8舊大魚腩，一家人嚟食都唔洗爭😛另外呢到都有啲精品菜式，必試嘅一定係呢款灌湯竹絲雞百花丸，中間係雞肉，外邊由大量鮮蝦打成，咬落去非常彈牙，食得出

食蛇唔老土，最緊要近近地有得補。比我知道市中心就有蛇有煲仔飯仲要係中環蛇王芬副線，當然唔執輸要帶老婆黎食下掂唔掂。勁香呀呢個鮮象拔蚌仔荷葉蒸飯 $128，份量好多，面頭有蒜茸蒸嘅象拔蚌仔，底下嘅飯滲入海鮮味同荷葉味都幾正。我覺得如果飯量少d，周邊同最底下嘅飯都吸收到海鮮鮮味就更好。呢個啫啫雙腸芥蘭煲 $98老婆勁讚，用靚膶腸臘腸好鬼惹味，芥蘭吸收左腸香油香，唔錯！呢個我覺得下次黎我會encore，子薑麵醬魚腩煲 $128，材料醬料配搭辟走哂魚腩腥味，魚腩滑滑又大大舊，鍾意食魚肉就最岩。花膠太史蛇羹 $98賣相好靚，有蔥花炸脆片等可隨意加入，味道同平時街食嘅差不多，始終係市中心商場，價錢要賣得平所以蛇肉比較少。唔夠喉叫多個桃膠菊花桂花雪梨茶 $28同石榴紫背天葵山楂蜜 $28，一個滋潤一個開胃，幾好飲，起碼有益過飲奶茶。

因為好想食中菜既關係，就黎左呢度食🤪🤪本身都冇咩期待，估唔到有驚喜🤩————————🔸鮮象拔蚌仔荷葉蒸飯 $128一大開以為好細盒，點知食極都仲有😂2個人每人食左兩碗都未食到一半。飯好夠味，熱辣辣好好食！評分：🌕🌕🌕🌕🌑-🔸焦糖龍井煙燻炸雞 $168好好好好好食！未擺到入口已經聞到陣煙燻味，d龍井又甜甜地，估唔到炸子雞可以整到咁好味😍評分：🌕🌕🌕🌕🌗-🔸油浸筍穀魚 $188呢個魚係炸既，但入面既魚肉都仲係超滑，出色😍😍評分：🌕🌕🌕🌕🌘-真係估唔到咁好味，連d茶都好好味😂😂