-四季芬芳 🐍四季皆靚湯 米線薈芬芳✨相信大家對傳統百年老字號「蛇王芬」都唔陌生最近仲推出左年輕新派粵菜副線— 以創新手法重新演繹養生米線 主打六款匠心熬製的靚湯米線 配搭多款特色港式小食 款款既有熟悉滋味又有創意 仲幾好味添 聽講六款招牌湯底都係嚴選產地直送食材 經6小時慢火熬煮 將所有精華完全釋放於每一碗米線中餐廳招牌係由著名食家蔡瀾先生提字 裝潢糅合懷舊港式紅綠色元素同現代潮流 細節見心思🌟當日有幸見到蛇王芬第四代傳人 Gigi 駐店唔傾計都唔知道原來不少人以為「食蛇好燥熱」既迷思 ——其實蛇肉性平，非但不燥熱，更具營養及養顏功效係四季都可以食 所以其實唔洗等到入秋都可以食蛇的🦪醬油漬鮑魚 （$39）鮑魚尺寸極大 肉質軟腍帶有天然鮮甜以鹹甜適中既醬油慢慢醃製 索晒精華 入口鮮香濃郁🦪醬油漬蠔 （$39）係老闆娘高度推薦 — 手掌咁大隻生蠔 入口鮮嫩豐盈醬油漬令蠔既海水鮮味更突出 鹹香與蠔的奶香互相提升🥢自選靚湯米線 （$79）自選：白濃雞湯、微辣、紅薯粉、手撕雞肉、牛柏葉、西班牙叉燒白濃雞湯湯色乳白 係真。燉湯 經長時間燉煮至湯頭清徹 就算飲晒成碗湯都唔覺得口渴 飲落溫潤甘甜 濃郁唔油膩薯粉掛晒湯汁；手撕雞肉嫩滑；牛柏葉爽脆；叉燒帶微微炭香；無論係麵線定係餸菜既份量都好有誠意 好飽！🐍花膠太史蛇羹 （$109）祖傳太史蛇羮秘訣 堅持人手將蛇去骨挑筋、撕成肉絲今次係人生中第一次食蛇羹 原來真係幾似食嫩滑版既手撕雞碗仔翅咁 仲有爽脆木耳絲、雞絲等材料 仲有冬菇同薑絲提味 入口絲絲分明 鮮香層次豐富 湯羹濃稠 食完就明點解百年老店屹立不倒🍚蛇王芬臘味生炒糯米飯 （$39）蛇王芬另一道名菜—糯米飯以中外著名既切肉臘腸同鮮鴨膶腸 油香濃郁得來唔會膩滯 每粒糯米都吸滿臘味油脂 煙韌分明 膶腸鮮嫩香濃 香氣撲鼻🌟🌟🌟🌟🌟🥟鵝肝膶腸小籠包 （$49）好特別 未試過既組合 係意外地無違和味🌟🌟🌟🌟🌟小籠包外皮薄身 一啖食落去係爆晒湯汁 鵝肝既細膩同膶腸既鹹香 香氣濃郁 整體調味都係非常剛好 油香不膩🥟手工麻辣小龍蝦水餃 （$88）除左揀自選靚湯米線時可以揀湯底 食水餃都同樣可以我地揀左鮮蝦濃湯 個人最中意係呢個🌟🌟🌟🌟🌟 水餃皮薄餡靚 麻辣小龍辣肉質爽彈 麻辣味道微辣不嗆配搭濃郁鮮甜蝦湯 辣中帶鮮 會不知不覺地飲晒啲湯🥛椰奶炸龜苓膏 （$49）炸龜苓膏都係第一次食 外層炸至金黃香脆 意想不到同椰奶都夾 入口完全沒有苦澀 食落有啲似黑糖糕既味道 外脆內Q 甜而不膩 有種食邪惡但健康甜品既感覺🤣…查看更多
