華星冰室 (克街)

營業中

休息中

系灣仔番工既我，每逢星期六放工就會同男朋友四圍搵野食，其實佢原本系想食清湯腩，但為何最尾會揀左冰室黎食？我地系行去銅鑼灣既方向，點知一經過克街我就見到華星，即刻勁開心，因為華星都算系我「好想食」既食物清單入面既其中一間。由於係星期六去，可能唔係一至五所以冇乜打工仔或者OL去，一去就有位。裝修亦系一貫懷舊既風格，其實呢家既冰室普遍黎講都肯花錢去裝修成冰室既style，環境以黑白為主題，牆側更有眾多明星簽名既簽名版，來頭不小。黎到華星冰室要食啲咩，相信非常餐莫屬，常餐包括叉燒意粉或者通粉、火腿炒蛋、牛油多士、咖啡或茶，我就揀左叉燒通粉，叉燒通粉既湯底幾清冇乜油幾岩我心水，不過叉燒就偏林，再硬啲就完美，不過系張相完全睇吾到有叉燒😂每一件都系細細件同埋沉曬底。常餐包埋戈份牛油多士好脆身，牛油好均勻咁搽曬系兩片多士度，厚度亦好足夠火腿炒蛋既蛋好滑呀，用黎同多士撈埋一齊食好正。 聽男朋友講一塊多士系就咁食，另外一塊就同火腿、炒蛋一齊食，原來識食系要咁食所謂嘅校長多士其實係黑松露芝士多士，對於勁中意食黑松露又勁中意食芝士既我實在非叫不可，開頭一睇仲以為做咩咁窿，但食落真係好香黑松露味，應該係表面烘過

今日下午我們去咗「華星冰室」喺灣仔分店食下午茶！我們叫咗黑松露炒蛋多士、校長多士、森美鹵脾、重口味一丁「鹹牛肉蛋餅」、軟硬沙嗲牛肉包、魔鬼潛艇、凍奶茶、熱奶茶同熱3.6鮮奶！黑松露炒蛋多士嘅炒蛋非常新鮮熱辣同軟滑！校長多士係他們獨有㗎，黑松露嘅香味好濃郁，多士亦相當香脆！黑松露炒蛋多士同校長多士都係即叫即做，係本人嘅必食推介！軟硬沙嗲牛肉包嘅牛肉相當新鮮，肉質好嫩滑，但因沙嗲汁好濃郁嘅關係，所以味道鹹咗少少！魔鬼潛艇嘅熱狗腸係切開一半，醬汁係wasabi加沙律醬，味道非常特別！熱3.6鮮奶真係非常香滑同奶味好香濃！凍奶茶同熱奶茶好滑溜，茶味好香濃！

好多人鍾意食炒滑蛋嘅朋友都知道去澳牛食，食嘅唔只係味道，仲有快、狠、凖嘅服務，但佢哋個通粉同意粉真係麻麻，相反華聲冰室除滑蛋做得也不錯外，通粉是做得比較好的。行完書展，手持一大袋戰利品，經過見到華聲無人排隊，即入，侍應示意我去一張三人枱，我坐二人位置那邊，點了中午十二點後供應的常餐，义燒意粉，火腿煎蛋，牛油多士，咖啡或茶($38，凍飲加$32)，落單時，侍應會問食意粉通粉？煎蛋炒蛋？最後決定义燒通粉、火腿炒蛋、牛油多士、凍檸茶，更點多個魔鬼潛艇($23)。先來火腿炒蛋，牛油多士，單看炒蛋顏色與質感已見嫩滑，食過後還是澳牛好少少，但已經很不錯，火腿屬來貨，微微加熱過，無特別，牛油多士是用厚多士，烘得夠乾身，如果多啲牛油更好；义燒通粉，通粉不會煮到過腍，有咬口，配湯一齊食很不錯，义燒也有5-6塊，味道也是不錯的，整體好過澳牛好多；魔鬼潛艇，是用長潛艇熱狗，再夾着一條切開咗嘅大香腸，加上相信係秘製沙律醬，再一分為二，加一塊青瓜、一塊番茄伴碟，潛艇包同腸都只是暖的，其實只不過是大份量之熱狗，味道不過不失；而飲品當然繼續點較早前從網上得知「甜飲全球每年殺18萬人，凍檸茶是兇手之一」成日害人不淺嘅