尚上下夏 - 養生雞煲火鍋 (已結業)

今次二訪尚上下夏雞煲依然都係咁出色🫶🏻一入到店就見到牆壁有勁多貓咪既畫 🐱 成件事勁歡樂勁吸睛 👁 今次我地揀左半份雞(小辣)🌶 份量都好多, 兩個人食啱啱好有齊雞件唔同部位 🐓 上到枱會有專人幫你攪勻佢🙆‍♀️雞煲除左有勁多調味料之外, 仲有豬皮每舊雞同醬汁既比例恰到好處每舊都索唒d醬汁, 醬汁非常濃郁而味道都夠唒出, 岩唒重口味人士🤣食完雞煲仲可以加水/湯打邊爐我地覺得本身夠味, 所以就就咁加水我哋叫左特選黑豚肉, 鬼馬墨魚同埋美味三拼餃(韭菜豬肉餃,鮮蝦雲吞,魚皮餃)鬼馬墨魚放入湯入邊1分鐘就食得索唒湯汁之餘仲好脆口🤤佢地仲有自家製作既竹蓆茅根夠唒清甜同解辣🤣整體來講呢到係同朋友吹水的好地方😆…查看更多

雖然近排天氣好熱但食雞煲係無分季節朋友推介我試下依間位於山林道既雞煲餐廳名已經夠玩味─尚上下夏環境裝修亦都都充滿風格有唔同貓一齊打邊爐既壁畫首先叫左半隻份量既雞煲一黎已經放左好多芫荽同蔥除左雞件，仲有豬皮同紫洋蔥雞食落都幾滑，紫洋蔥好甜豬皮入哂味，食落超惹味食完就揀左養生藥膳湯打邊爐湯底聞落奶濃味，食落就偏淡叫左手切極品靚牛王，賣相唔錯係本地牛黎，唔係走油脂既方向食落比較有咬口同有肉味仲叫左特選黑豚肉，味道正常嗌左個健康雜菜籃，貪佢有好多種菜有皇帝菜、娃娃菜、白菜、菜心同粟米特別推介粟米，食落好甜最後仲叫左招牌鬼馬墨魚油炸鬼軟硬適中，配埋墨魚滑好夾整體黎講雞煲比打邊爐出色下次可以再試下唔同湯式！…查看更多

上年行完街嚟咗依間店食雞煲.一年之後, 仲係好掛住佢嘅味道, 所以放工約咗朋友仔一齊去食. 佢有張tick tick紙俾你揀食咩, 但係你都未必會慢慢揀.因為店員好快就會問你係咪食雞煲, 佢會叫廚房炒定雞先. (放心! 係nice mode咁問嘅.)值得一提嘅係, 如果叫豬皮, 建議講明同D雞一齊炒, 因為D豬皮會入味好多, 好食好多.雞煲單鍋 - 半隻雞 (HK$159)講返個雞煲先.我哋3個人叫咗半隻雞份量就啱啱好喇.佢有得揀大/中/小/唔辣.我哋叫唔辣都覺得D雞肉好惹味, D洋蔥都好好食.成個雞煲都勁香.食完D雞就可以加湯打邊爐.佢都有幾款湯底揀.可能個湯底比較清, 我就唔係好食到個湯底係咩味喇, 淨係食到雞煲味.火鍋 - 清香皮蛋芫茜湯 (+HK$74)有幾樣食材係值得推介嘅:1. 自家製即炸響鈴 (例: HK$59)佢真係即炸㗎.上枱嘅時候仲係熱辣辣嘅.我覺得就咁食都得, 口感超酥化, 食落亦唔會有油淋淋嘅感覺.2. 鬼馬墨魚 (半: HK$35)即係油炸鬼上面有墨魚滑加蟹籽.擺落湯底一分鐘就食得.口感係好豐富.墨魚滑好彈牙, 蟹籽咬落一粒粒咁, 油炸鬼仲係有少少脆口, 而且吸晒湯底嘅味道.3. 手切頂級安格斯 (例: HK$239)唔會太肥又有牛香.飲品方面, 我哋叫咗降壓解脂洛神花茶 (HK$58).佢真係好大支, 而且好冰凍.我覺得依度嘅洛神花茶都幾好飲, 佢比起其他餐廳嘅洛神花茶冇咁酸, 亦都好解渴&好解油膩.係值得推介嘅.整體來講, 依度嘅雞煲火鍋真係好好食.好多雞肉, 而且火鍋材料都好正.連飲品味道都唔錯.店員反應快, 服務亦都好好.所以係值得再嚟嘅!…查看更多

因為武漢肺炎大家隔咗幾耐冇聚過餐？因為「火鍋家族」大家隔咗幾耐冇打過邊爐？天氣咁凍，最啱就係打邊爐，我哋偏偏就唔敢打:(不過山林道嘅呢間《尚上下夏 養生雞煲火鍋》防疫工夫做到足，發燒客人唔俾入、提供消毒搓手液、餐具統統用即棄嘅等等等等，防疫意識夠晒高，等客人食得安心💛再加上袁國勇教授其後已經表示認為，病毒係透過飛沫傳播，而唔係因為打邊爐令病毒霧化。大家人少少都不妨去打下邊爐啦🍲《尚上下夏》雞煲惹味，配料新鮮好食，大件夾抵食，防疫又做到足，最重要夠黃🎗️，超級推薦💛雞煲單鍋 雞半隻 ($159)+ 瑤柱群翅雞湯 ($49)呢到嘅雞煲可以揀一隻／半隻，仲可以揀指定部位，唔駛食到自己唔鍾意嘅部位！雞煲湯底亦都可以自選，我哋揀嘅係瑤柱群翅雞湯，其實都比雞煲味掩蓋咗，所以「瑤柱群翅」味道唔係好食得出。自家製即炸響鈴 ($59)打邊爐唔少得響鈴，呢到嘅響鈴即叫即炸，超大舊，上枱時熱辣辣。餐廳建議我哋可以將雞汁淋上去食，呢個新奇嘅食法，估唔到又真係好好味🤩鬼馬墨魚 油炸鬼墨魚滑 ($35/半份)呢個係「餐廳必食」嘅，油炸鬼釀入墨魚滑加上滿滿嘅蟹子😍墨魚滑嗰邊擺落湯底一分鐘就食得，吸盡湯底味道，墨魚滑爽滑彈牙，仲食到油炸鬼脆身嘅口感。清熱滋潤竹蔗茅根 ($58)打邊爐燥熱，竹蔗茅根養陰潤燥清熱氣唔少得💛其他推薦菜式💛：特選黑豚肉 ($109/例)招牌手打四寶丸 ($60/半份)- 墨魚丸、鯪魚丸、蝦丸、豬肉丸健康什菜籃 ($79)醬芥 ($12/人)-Menu:…查看更多

今晚同朋友去睇容祖兒演唱會之前，約了朋友到位於尖沙咀山林道的尚上下夏食雞煲，地點旺中帶靜，無論從尖沙咀地鐵站或佐敦地鐵站出都非常方便。一進店舖就有好懷舊的感覺，是仿照以前的大排檔設計，好有特色。餐牌選擇多樣化，除了雞煲外，還有很多不同的配料。首先，我們先叫了一個雞煲，這裏的雞煲有全隻、半隻、雞胸、雞脾肉選擇，我們選擇了啖啖肉的雞脾肉雞煲。而辣度亦有不同的選擇，我們要了小辣。一掀起蓋就香味四溢，帶有少量麻辣味。雞煲份量不少，而煲內當然全部都是啖啖肉的雞脾肉，雞脾肉厚身，但都是好入味的，每件雞脾肉均沾滿麻香味道的醬汁，而且食落好香滑。煲內還有大量芫茜，啱晒我鐘意食芫茜的人，很滿足。食過雞煲後，就可以加入不同的湯底打邊爐，湯底有好多款選擇，我們選了瑤柱翅雞湯。將鮮甜的瑤柱翅雞湯底注入麻辣雞煲中，鍋底變得有麻辣香味之餘也不失鮮甜味道。打邊爐當然不少得叫番一碟靚牛，我們今晚選擇了手切頂級安格斯牛。手切牛肉份量不少，雪花紋好靚，而且有濃郁的牛味，入口濃郁滑溜，必食推介。之後，叫了店舖推介的鬼馬墨魚，鬼馬墨魚即是將墨魚滑釀在油條上。將鬼馬墨魚微微放進湯底內，油條索了湯底的味道，配合爽口彈牙兼有墨魚粒的墨魚滑，帶出好夾的口感。手打四寶丸有墨魚丸、豬肉丸、蝦丸及鯪魚肉丸，粒粒彈牙新鮮，入面還有粒粒的肉粒，味道調較得剛好，能帶出四寶丸的鮮味。最後叫了稻庭烏冬，烏冬爽滑彈牙，吸盡湯底的麻辣味及鮮甜味，非常滋味。還有當然不少得叫支冰凍的可樂及冰凍的烏龍茶。…查看更多

是日同朋友慶祝生日,一行6人去到尖沙咀山林道尚上下夏 - 養生雞煲火鍋食晚飯好快安排好入內快快手點野食鴛鴦鍋雞煲全隻足料龍蝦湯+美顏豆腐牛奶湯先食雞煲BB辣都OK香口而不太辣到野飲日本手工黑啤,津路烏龍茶,加多寶,可口可樂,西瓜汁,柑桔蜜溏心皮蛋豆腐都幾好味既即食食物千頁冰豆腐入湯再食吸收日月精華手切極品靚牛皇唔會太肥又有牛香味頂級牛柳粒牛味好濃特選黑豚肉-豚香味十足又唔會太肥海龍王拼盤有珊瑚蚌蟶子皇新鮮鮑魚虎蝦花膠桶帶子皇花甲皇桂花蚌海鮮新鮮好味道生劏白鱔片鱔油香味濃自家製即炸響鈴放湯即食,幾脆健康什菜籃都有幾種可以食,都OK鮮淮山-味道清甜午餐肉打邊爐必食組合鮮蝦雲吞,美味魚皮餃都幾好食鬼馬墨魚-用油炸鬼做個底加墨魚滑及蟹子在上面,都幾特別,食左一次再叫多左一碟蝦膠釀鮮冬菇-蝦膠口感唔錯…查看更多

火鍋控的我不論春夏秋冬總是想起打邊爐，當然還有麻麻辣辣的雞煲，一想起已經流口水，朋友在尖沙咀山林道一帶上班，說這間「尚上下夏」的雞煲非常好味，心裏有如蟻咬囉囉攣很想去試，一於約埋朋友今天來試一試，看看是否真的非常好味。我一去到看到外表裝潢很像7、80年代的大排檔，摺檯摺櫈很有懷舊的感覺，即時令我想起兒時和父母到街邊大排檔的回憶。雞煲單鍋雞全隻 $219 加瑤柱群翅雞湯 $49全隻雞煲，未食已經聞到一股麻辣香氣十分誘人，材料非常豐富大量芫荽洋蔥還有豬皮，加上非常惹味的醬汁，入口有少許發麻的感覺夠香夠辣，味道令人上癮好食到停唔到口。食完雞煲便可加湯底到雞煲內打邊爐。頂級花腩片 $99連皮的頂級花腩片，入口煙韌爽口絕不油膩，一路食一路滲出豬肉的香味，越食越想食。脆肉鯇魚腩 $89脆肉鯇魚腩，自從愛上脆肉鯇魚腩，每次打邊爐都必定會叫，質量好的脆肉鯇魚腩，入口爽脆甘香油潤，帶有鯇魚的甜味，這裏就是這個質量，正。生劏白鱔片 $99生劏白鱔片，入口甘香鱔的味道濃郁，而且非常滑身薄薄一片，鮮甜無比。美國桶蠔 $169美國桶蠔，大大隻蠔味出眾，乾淨軟滑值得一試，一碟有七隻份量足。鬼馬墨魚 $60鬼馬墨魚，用油炸鬼切成一段段，釀上一層墨魚滑之後再在墨魚滑上加上大量的蟹籽，放落湯中油炸鬼把湯汁吸收，墨魚滑非常彈牙，加上一粒粒的卜卜脆的蟹籽，感覺好過癮。…查看更多

位於佐敦山林道的＂尚上下夏＂雞煲火鍋，地點位置方便，還有香港懷舊大排檔風味的裝潢，入到鋪頭裏面服務員個個親切的笑容真的有老香港的人情味😊雞煲全隻$219雞煲香氣四溢，有很多芫茜，紫洋蔥，蒜頭等香料，最特別還有豬皮，將惹味辣辣的汁完全吸收，雞件滑溜就算雞胸都不會嚡👍🏻瑤柱群翅雞湯$49瑤柱群翅雞湯很足料，還有金華火腿很鮮味美國桶蠔$169肥肥脹卜卜的桶蠔，大滾4分多鐘都不太縮水，還是那麼肥美，蠔味十足花腩片$99一層肥肉一層肉，油脂十足食花腩片就要這樣，厚薄適中，煙煙韌韌有咬口鬼馬墨魚$60大滾1分鐘即可，油條沾滿了墨魚和蟹子，油條軟韌墨魚彈牙蟹子卜卜脆，複雜的口感放在口中出奇地夾😋可樂$14最鍾意飲玻璃樽的可樂，很夠氣！…查看更多

8點的朋友話呢度既雞煲好出名好惹味，咁我地就當然要試下啦！【環境】餐廳以懷舊做主題，枱枱櫈櫈、牆上既裝飾都好有八十年代香港風貌，幾得意。【點落單】🐥雞煲點叫呢？1. 先叫一個雞煲，可以揀單鍋（圖左）or鴛鴦鍋（圖右），可以揀唔同辣度，or雞脾mix雞胸咁。2. 食哂雞煲就可以order湯底同食物，加落去雞煲度打邊爐。🌶淨係想食火鍋呢？都可以揀淨叫湯底，直接打邊爐既，一樣有單鍋or鴛鴦鍋揀。👉🏻full menu🍴🍴🍴🍴🍴【醬料】【雞胸 半份】$159我地得2個人，叫左半份，夠食。同埋雞煲係即叫即炒既，我地一坐底就叫左先。雞煲可以揀雞既不同部位，我地就揀左雞胸肉，冇骨冇皮既，啖啖肉，岩哂我地又為食又驚肥。 調味方面，見到有好多麻子、花椒、八角，仲有辣椒仔，我地叫左小辣，味道係偏麻既，辣味就配合得剛好，唔會辣到食唔出其他味道。【皮蛋芫茜湯】$39食完雞煲，我地叫左有清熱作用既 皮蛋芫茜湯，芫茜既份量多到嚇我地一跳，朋友見到咁多芫茜即刻2眼放光，哈哈。【野生竹笙】$99為左完全吸收呢個湯底，我地叫左好吸湯既竹笙，竹笙夠厚身、完整，好味。【鬼馬墨魚】$60脆卜卜既油炸鬼，上面舖左層墨魚滑，仲有滿滿既蟹籽，放落湯度，又係好吸湯既火鍋料。【竹蔗茅根】$58飲品方面，我地叫左清熱之選既竹蔗茅根，清甜消暑，最岩夏天飲。🎈總結食完成餐，最唔捨得個湯底啊，一啲都唔口乾，唔係味精之作，但又夠濃味喎。同埋呢度既通風幾好，身上面唔會話好大陣味，行一陣吹兩吹就散左9成lu。…查看更多

今日又有朋友帶我去食野，今次食雞煲我自己又好耐冇食過雞煲了。一坐低店員遞上一盆醬料俾我地自己配搭醬汁。點左雞全隻小辣大大份，雞肉嫩滑又夠入味又甜甜地，仲有豬皮系里面又索晒醬的精華非常好味道。食完雞我地點左龍蝦湯$49加入落雞煲度打邊爐，龍蝦湯底香郁又幾特別。滷水鴨舌滷到好香口又入味又淋。涼拌麻辣青瓜好爽口又夠味又甜甜辣辣幾開胃。手切頂級安格斯牛肉（大），油脂平均分怖，又切得夠薄，牛味香濃又嫩滑。炸響鈴好新鮮剛剛炸起，浸一下就拎起仲有脆卜卜又索埋湯的精華好味道。鬼馬墨魚店員提醒我地煮1分鐘就可以，墨魚滑幾爽口又有油炸鬼幾特別。雙滑釀豆卜，鯪魚豆卜和墨魚豆卜豆卜幾入味索到湯的精華。皇帝菜…查看更多

要係呢頭搵食，尤其係火鍋系列，真係相當頭痛，單係呢條街已經有好幾間有名火鍋店，今晚同友人去左呢間門口掛上最強鷄煲宣傳架大部份已經被訂枱，好彩仲有張空枱，室內裝飾走懷舊香港路線，玩味十足落單紙有齊鷄煲/火鍋湯底/火鍋食材/小食/飲品等，望落價錢都算合理價既然謂最強鷄煲，點可以唔會一會佢呢?!  呢度鷄煲，除左可以選辣度外，居然有得算要鷄比/鷄胸，歡喜啖啖肉的友人現出心心眼我地要左鷄比拼鷄胸，焗3-4分鐘就食得打開見到芫茜差唔多舖滿成個煲，正呀!濃香惹味醬汁與鷄件完美混合，仲有甜口洋蔥，少少娃娃菜，同埋索汁豬皮，材料夠晒足鷄胸肉煮完食落唔嚡喎，有驚喜呀，同鷄比肉一係混埋一D都唔輸蝕，麻辣中帶D甜味，愈食愈滋味!食完鷄煲，加$20可以轉新煲加自選湯底 (芫茜皮蛋湯)進行火鍋時間呢客鬼馬墨魚係呢度紅星，唔少人都會叫，其實即係墨魚滑釀係油炸鬼上，面頭再有蟹籽侍應話墨魚果面烚1分鐘就食得口感先有墨魚滑彈牙; 蟹籽脆卜卜; 油炸鬼索左湯變得腍身，好過癮喎!而好牛的我地叫埋呢客手切頂級安格斯 ($159/小)肉色頗靚仔，大細都OK，脂肪分佈尚算均勻，烚幾秒就食得，肉味偏濃，帶少少嚼口!友人歡喜食魚，特別係鱔片，呢客白鱔片 ($99)係為佢而叫每片唔算細，最怕烚完得番一舊仔，肉質軟腍中皮位帶點嚼口，食到魚甜味!火鍋又點少得菜呢?!  呢客什菜藍 ($79)，集合左幾款蔬菜，有白菜，菜心，皇帝菜，娃娃菜，生菜及粟米，份量都唔少!總括黎講，食材新鮮，份量亦夠對眼，鷄煲亦出色，回頭率偏高!…查看更多

記得早前經過山林道有間店名比較易記既火鍋店叫"尚上下夏", 所以係網上一SEARCH之下見到唔少好評, 所以我地今晚就去一試。今晚係星期日, 晚飯時段店內全場爆滿, 幸好我地等左陣都好快有位。店內裝修富有港式大排檔風味, 不同之處就是可以在冷氣下打邊爐。醬料方面, 每位HK$12, 可自由混醬黎呢度當然要試下佢地既招牌菜----雞煲【雞煲單鍋】HK$158/半隻雞煲可以揀辣同唔辣, 我地揀左唔辣。半隻雞已被切件, 而且已經煮熟了8成半, 上檯後稍為再焗一下就食得。當中除左有雞件外, 仲有少少豬皮同埋大量配菜。醬汁較杰, 鹹中有點少甜。 不過雞件就未見入味~呢度有一與眾不同既係平時出面食完雞煲, 都會直接加清湯/清水就開始打邊爐, 但呢度既係要另揀湯底。我地就揀左【瑤柱群翅雞湯】HK$48湯底係直接加落食完既雞煲中,不過就未見有瑤柱, 只見一件翅骨, 同埋大量配料【手切頂級安格斯】HK$238 (大)色澤紅潤, 脂肪分佈平均, 帶點牛味【鬼馬墨魚】HK$58香脆油炸鬼上加了墨魚滑同埋大量既蟹子, 呢款亦是吸湯底精華既其中一款。油炸鬼吸左湯底味道, 略有彈牙既墨魚配上粒粒蟹子, 口感豐富。【鮮蝦雲吞】HK$64雲吞比較細粒, 入面既蝦粒好爽口【手打蟹子蝦滑】HK$88全晚我地最喜歡就係呢款蝦滑, 鮮甜彈牙, 當中更有少少既蟹子, 更滿足到口感【蝦膠釀鮮冬菇】HK$75覺得呢度既蝦滑做得不錯, 所以我地再ORDER埋釀鮮冬菇, 冬菇厚度有點爽, 雙重爽口感, 正!【自家製即炸響鈴】HK$58果然係即叫即炸, 響鈴既皮好薄, 就咁食既口感好鬆脆, 不過豆味唔太突出整體黎講, 呢度既質素同樣很有大排檔風味, 加上以傳統既GAS爐做火鍋, 充滿港式味道既火鍋店。…查看更多

又到搵食部隊四出覓食的時候，是夜相約在山林道，大家都對雞煲情有獨鐘呢！當然要先點些啤酒吧！大路的藍妹，清酒是有的，想要特別一點的又有，例如日本／愛沙利亞手工啤酒等，各人都能有各人所喜歡的雞脾拼雞胸：不久，最令人期待的雞煲來了！這裡的最大賣點是，你可以自選想吃什麼部份，普通連骨的雞有，淨雞胸有，淨雞脾肉有，雙拼也有，人生還有什麼比"有得簡"好？懶到出汁的我們當然要試試雞脾拼雞胸，貪其啖啖肉，不用吐骨最方便！真爽！除左方便，有驚喜的是即使有雞胸肉在內，內質仍然是嫩滑的！好勁！我們點的是小辣，可是我們都一致認為是偏辣的，各位要小心哦！吃完雞煲後可以自選一款湯底（加＄３８－＄４８），我們選了同樣濃味的龍蝦湯，邊吃的時候聞到一點點的龍蝦味，很有趣手打三色滑：有墨魚滑、蝦滑，還有一款忘記了：Ｐ三款滑拼在一起，要先吃完一款才能下另一款呢，魚滑很彈牙有咬口，不錯千頁冰豆腐：索味之選１號，１份有６件，冰過的豆腐雖然不像新鮮滑溜，但會變得像海綿一樣非常索湯汁，浸完的豆腐會變得淋身，好吃！鬼馬墨魚：是油炸鬼上加了墨魚滑，記得要掉轉先將墨魚滑那邊浸住湯，讓油炸鬼不會浸得過淋失去了脆度，彈牙的墨魚滑加脆的油炸鬼是絕配手切本地牛頸脊：從油脂的分佈可以知道這個不算太肥，分佈平均，煮過後肉味仍然濃郁，但不會入口即溶，加熱的時間要控制好一點呢自家製響鈴：必點的響鈴，很脆！…查看更多

好久沒吃雞煲了, 因這間餐廳位置方便....方便我五湖四海的朋友們到尖沙咀這間餐廳吃雞煲.......餐廳頗容易找到....大老遠都看到這個招牌進入餐廳已聞到濃濃香香的雞煲香味...我們一坐下便立即先叫了一個雞煲...特別的是...這裏提供的雞是<雞脾拼雞胸>~~~~我的天!!!這雞煲香味真的香得不得了~~~煲肉雞肉很多....而且每件雞肉夾起來都係肉...無骨的......大家都不用擔心會有骨碎.....不愛吐骨的朋友有福了~~~而且雞肉本身頗滑.....而且很入味.........吸收不少汁的精華....(值得留意的是這間餐廳提供的雞煲辣度比較辛口,怕辣朋友....要注意了!)由於本人吃辣程度一般, 所以另外要了一支<沖繩黑糖酸梅湯>酸梅湯不算很甜...但很生津解渴....而且又大支又冰涼.........爽!!!!吃完雞肉.....剩下雞煲汁.....當然要再加湯.....再開始下半場...我們點了<足料龍蝦湯>...因為我們都很好奇......雞煲辣汁配龍蝦湯會是如何的效果@@我們用這雞煲辣汁配龍蝦湯所熬出來的火鍋配料, 聞起來有股龍蝦湯的香味...吃起來又有雞煲辣汁的味道.....蠻特別~~至於火鍋配料, 我們點了很多必吃的配料:自家製響玲: 勁脆....只有係自家製...吃起來特別脆....且沒有油益味....鬼馬墨魚: 上層墨魚滑很彈牙, 加上蟹子口感....和炸油條的脆...沾上雞煲辣汁....口感和味道都很豐富手打三色滑: 很彈牙, 同樣多了蟹子和瑤柱....口感也是很豐富手切本地牛頸脊(大): 這部位... 是牛常用的肌肉....所以脂肪不多.... 雖沒有入口即溶的感覺...但肉味相對很濃,沾上雞煲辣汁....特別惹味!!什菜籃:有菜芯, 皇帝菜, 唐生菜, 粟米, 娃娃菜....份量頗多.....千頁冰豆腐: 勁索汁......正!!…查看更多

打邊爐就吃得多了～但是雞煲 + 火鍋就真是第一次吃既然那麼吸引又近我上班的地方，和朋友們一起去探探究竟 (｡￫∀￩｡)名字特別之外，還有註明是養生雞煲火鍋呢7月熱辣辣的也沒難度，因為這裡的冷氣很充足！而且碰巧我們坐的是風口位(*^▽^*) 這裡跟很多的火鍋店一樣，可按自己的需要混醬料喔不過其實雞煲本來已經很濃味，大概沒太大需要(?)點餐步驟的Menu 很可愛，有可愛的貓貓插圖另外也有特飲的飲品Menu飲品點了 - 凍柑桔蜜 ($19/杯) & 凍蜂蜜菊花露 ($19/杯)很快雞煲就到了～因為朋友吃辣，我不吃辣的關係~所以是鴛鴦鍋而且雞肉是選了雞脾的部份 ($88/例牌)(っ˘口˘ς) 好辣！！！偷偷試了少少.....惹味但對於不太好到辣的我連少少也很勉強不過雞肉煮了一段時間還是很滑嫩，另外還有豬皮呢雞煲差不多吃完的時間就來到火鍋喔～選了一些比較特別的火鍋料 ヽ(‘ ∇‘ )點了兩款湯底 - 養生藥膳湯 (不辣) & 龍蝦湯 (辣)但其實我覺得加了落雞煲變得太濃味... 好像比較適合重口味的朋友呢生猛海蝦 ($88) 這個海蝦的形變了Z字呢～蝦肉很鮮甜也有彈性原條桂花 ($118) 大部份的魚肉已經起了骨，吃時很方便而且魚肉也是很甜~因為湯底已經夠味，所以不用沾醬也沒問題 (@゜∇゜@)炸物也點了兩款 - 鬼馬墨魚 ($58) & 自家制響玲 ($58)前者的「鬼馬」其實就是油炸鬼吧~再加上墨魚滑不過油炸鬼有些黏糊糊的，單吃墨魚滑可能更好 (ゝω・) 另外響玲放落鍋一會便可吃~很脆打邊爐有怎可以少了「牛」！！！ (￣▽￣)ノ 牛魔王拼盤 ($398)頂層的是牛柳粒~中層的是牛爽口、黑栢葉~底層的是靚牛皇、安格斯牛小排、牛脷托牛味濃郁～特別要說的是牛爽喉，第一次吃！口感如其名~很爽口！！手打香蕉墨丸 ($88) - 好像是這家店獨有的加了香蕉有點甜～整體感覺很詭異 (゜▽゜;)另外還有 - 芝麻麻吉燒 ($58) 也是甜的代表，味道和口感就像是湯丸那樣吧還有相對比較普通的 醬爆鮮蝦丸 ($58)還吃了 - 鮮蝦雲吞 ($58) & 韮菜豬肉餃 ($58)內裡的料子滿滿 ヾ(≧∪≦*)ノ最後沒有點到菜，倒是點了 - 什菰籃 ($69)吃這個時絕對要小心選擇湯底，如果不小心放了辣的那邊真的不得了 ٩('(エ)´ )…查看更多