萬豐

營業中

休息中

今晚到花園街逛逛，熱鬧的街道上看到新店鋪「Micro Pho Asian Cuisine」，專營越泰菜餚，也想嘗味。餐廳裝潢簡樸，服務良好，更推薦全日優惠套餐二至三人餐，我們立刻下單。海鮮冬陰功~有南薑、酸子、香茅、青蔥、酸檸檬、辣椒、蝦和草菇，材料豐富，酸辣鹹鮮，共冶一爐。泰式炸魚餅、泰式香茅雞翼、香葉雞、是小食拼盤，雞翼香脆，炸魚餅和香葉雞皆鮮香甜美。慢煮牛舌湯粉~我選擇濃雞湯配湯粉吃，簡單也是美味，慢煮牛舌原汁原味口感鮮嫩，而且份量也頗多，口感很滿足。馬拉盞炒飯配雞肉串~炒飯很香夠乾爽，配搭雞肉串和炸蝦片是很不錯！馬拉盞炒通菜~冶味嫩滑。還有涷和熱的玫瑰花蜜。三人行，我們還點選多一款小食和甜品：炸魷魚蝦枝春卷~造型有趣，像跳泰國傳統舞的女舞蹈員，手指上的金色長指套，味道不賴，外脆內鮮嫩爽口。椰香芒果糯米飯~香甜飽肚的傳統甜品，也可以說是芒果撈飯吃，椰漿是飯的醬汁，造型又像芒果糯米飯壽司，真係除了美味還帶給我們無限想像添。

#Microphoasiancuisine 位於旺角花園街，位置方便，環境舒適，二人套餐價錢好親民，套餐並包括前菜、小食、主食及餐茶，呢度掃描QR code落單，好方便👍🏻固此受到不少附近街坊歡迎。✨抵食二人餐✨海鮮冬陰公湯酸辣同椰香嘅比例啱啱好，唔會太酸太辣，椰香味亦唔會蓋住冬陰功湯嘅味道，唔食得辣都可以試下。都飲到3-4碗，除咗香料，仲有蜆肉，海蝦同菇類等等。✨炸魚餅、香茅雞翼、香葉雞（各2）魚餅炸衣簿而脆，唔多油膩。香茅雞翼外脆內軟，酥香可口。✨馬拉盞炒通菜簡單又美味。即使快速翻炒，通菜亦保持脆爽，混入馬拉盞調味，十分惹味。✨香茅豬扒河粉大大件已切件香茅醃製嘅豬扒，炸得好酥脆，肉質唔會話太韌，河粉份量多，而配料都好足，例如有蘿蔔、芽菜等~✨馬拉盞炒飯配雞肉串好燶炭燒味雞肉串，旁邊有幾塊蝦片，白飯上有點馬拉盞調味，整體味道豐富!!✨（凍）泰式檸檬茶五片清香嘅檸檬，絕不欺場，加上醇而不澀嘅紅茶，酸酸甜甜，解辣一流。✨（熱）玫瑰花花蜜

一期一會，揀咗大家嘅中間點食晚餐🍜🥬 新開張期間，套餐有7折優惠，食物豐富，味道不錯，3個女仔分享都足夠，性價比高👍🏽手機落單後10分鐘，幾乎已上齊菜⚡️泰式生菜包🥬 蔬菜爽脆，肉碎炒得好味，份量多到可以撈飯🤣小食炸泰式魚餅辣辣地 🐥泰式香茅雞翼同香葉雞味道濃郁；🥬蔬菜有馬拉盞炒芥蘭苗，均衡飲食😆 主菜揀咗馬拉盞炒飯配雞肉串，伴有蝦片，炒飯帶淡淡鹹香味，好好味😋 由於有炒飯，另一款揀咗炭燒豬扒湯粉，湯底揀咗限量清雞湯底，豬扒肉質軟嫩，不過豬扒浸喺湯中，令炭燒風味冇咁突出，配飯會比較合適餐飲揀咗泰式奶茶☕️同桂花花蜜

🏝️熊妹好鐘意行旺角，新春佳節🧨，同樹熊行完花墟花巿經過花園街見到呢一間新開的泰國越南菜《Micro Pho Asian Cuisine 》大大間，門口大大塊招牌寫住新開張期間，二人套餐有七折優惠，原價$485七折後變成$339，仲要免加一，包前菜、小食拼盤、主菜兩款、一款蔬菜同埋飲品兩杯，睇落都好多野食好抵食下，一於要試試。📌餐廳以L型格局，有十幾張枱，有梳化卡位🛋️，有四人長方型枱，枱與枱之間有段距離，保留空間感唔會太逼，燈光通明💡，感覺亮麗光鮮簡潔✨。全日優惠套餐（2-3人餐），$339泰式生菜包雖然話係前菜，但係份量一啲都唔少。翠綠的有六大片，圍住盤邊，盤裡裝住一大堆生菜包肉碎，成形一個生菜花，望落好吸睛。靚生菜非常新鮮爽脆，洗得超級乾淨，而且每片都是拱型容易兜住肉碎，明顯有悉心挑選過每片生菜，廚師的用心選材，食客用心感受。點了小辣的肉碎炒得好香，加入了少去泰切粒的泰式辣椒仔同埋豆角粒，炒得好乾身，連埋翠綠嘅生菜一齊食，有菜的纖維配搭肉粒的香辣味，呢個就係生菜包的滋味。小食小食拼盤包泰式魚餅、泰式香茅雞翼同香葉雞，每款各兩件，魚餅夠彈牙，香茅雞翼唔係好大隻不過香茅味幾出，最驚喜的係