萬豐

營業中

休息中

花墟附近有間泰國餐廳,2-3人全日優惠套餐幾抵食。套餐有前菜、小食、主菜和飲品。🔸海鮮冬陰功蝦和青口很鮮味,冬陰功湯入口先酸後辣,但辣得很過癮。🔸炸泰式魚餅魚餅都幾辣,質地軟韌唔油膩,配上甜辣醬更惹味。🔸泰式香茅雞翼雞翼有香茅味,雞皮香脆,雞肉頗嫩。🔸蒜蓉魚露炒通菜通菜質地爽脆,蒜蓉夠多,有炸蔥令味道更豐富。🔸炭燒豬扒黃咖哩飯豬扒腍身,香茅味突出,黃咖哩質地濃稠,味道甜辣,配飯一流,蝦片頗脆。🔸馬拉盞炒飯配雞肉串雞肉用檸檬和香茅等香料醃製過,有焦香味,炒飯鹹香帶點甜味,炒飯唔會多油。🔸熱泰式檸檬茶茶的味道很濃,檸檬帶酸。🔸熱玫瑰花花蜜玫瑰花蜜味道濃郁,味道甜美。

味道好個人化，岩我食唔代表岩其他人食，所以如果我覺得唔好食，我會先諗左係唔係自己問題先。但今次里間餐廳一定唔係我個人問題👎🏻👎🏻蟹肉咖喱飯：蟹肉一定係攞貨，一分錢一分貨好正常，咖喱冇話特別偏甜或者偏鹹，都係正常口味。伏位係啲米，大家一定覺得米唔會有伏個喎，佢嘅米竟然係半生㗎。點睇得出？除咗咬落口係硬之外，我咬開一半睇。中間個芯有一半係實色嘅白色。問埋同行嘅友人，佢都覺得啲米係未熟。牛舌越南湯檬粉：湯底有明顯臊味，即使加青檸辣椒洋蔥，都未能遮蓋。牛舌算淋，但係黑色嘅舌苔未有任何處理，煮熟就咁上枱，有點驚嚇。通菜：菜係嫩，但係調味過咸生蝦刺身：非新鮮蝦，正常味道泰式奶茶：全餐最好食嘅，因為係正常味

係花墟買左兩個盆栽，就係隔離街食晚飯！好彩成條街都有野食，唔駛行好遠呢間越南餐廳嘅二人套餐好吸引‼️「越式小食拼盤」炸泰式魚餅口感好爽彈，旁邊嘅甜辣醬應該係自家調製過，味道比平時的更好食香葉雞有種咖喱香，雞肉juicy嫩滑「炭燒豬扒湯河粉」豬扒肉質好軟嫩，仲食到炭燒香❤️應該係即叫即炭燒，高質‼️牛骨湯底做base，河粉好索湯～～「馬拉盞炒飯配雞肉串」呢個炒飯非常惹味，配合埋炸乾蔥，令香味更加提升馬拉盞份量拿捏得很好，口味唔會太濃呢度嘅炸物 & 串燒都好出色

今晚到花園街逛逛，熱鬧的街道上看到新店鋪「Micro Pho Asian Cuisine」，專營越泰菜餚，也想嘗味。餐廳裝潢簡樸，服務良好，更推薦全日優惠套餐二至三人餐，我們立刻下單。海鮮冬陰功~有南薑、酸子、香茅、青蔥、酸檸檬、辣椒、蝦和草菇，材料豐富，酸辣鹹鮮，共冶一爐。泰式炸魚餅、泰式香茅雞翼、香葉雞、是小食拼盤，雞翼香脆，炸魚餅和香葉雞皆鮮香甜美。慢煮牛舌湯粉~我選擇濃雞湯配湯粉吃，簡單也是美味，慢煮牛舌原汁原味口感鮮嫩，而且份量也頗多，口感很滿足。馬拉盞炒飯配雞肉串~炒飯很香夠乾爽，配搭雞肉串和炸蝦片是很不錯！馬拉盞炒通菜~冶味嫩滑。還有涷和熱的玫瑰花蜜。三人行，我們還點選多一款小食和甜品：炸魷魚蝦枝春卷~造型有趣，像跳泰國傳統舞的女舞蹈員，手指上的金色長指套，味道不賴，外脆內鮮嫩爽口。椰香芒果糯米飯~香甜飽肚的傳統甜品，也可以說是芒果撈飯吃，椰漿是飯的醬汁，造型又像芒果糯米飯壽司，真係除了美味還帶給我們無限想像添。

喺附近花店行完，見到呢間新開越南泰國餐廳有個全日優惠2-3人餐，做緊7折，有齊前菜、小食、主食、飲品。前菜海鮮冬陰公呢個湯即時製作，會炒一炒啲海鮮，逼出啲鮮味，飲飲下都幾辣~小食包括咗4款，有炸泰式魚餅、泰式香茅雞翼、香葉雞、馬拉盞通菜，每樣各兩件，小食拼盤一樣咁豐富，香口美味，醃得夠入味主食炭燒豬扒湯粉豬扒有口感而且厚實，大大塊，經炭燒後，多了一個層次-煙燻香。豬扒就算浸入湯到，都唔會話淋晒～馬拉盞炒飯配雞肉串有我最鍾意的蝦片伴碟，雞肉串肉汁飽滿，炭燒香口。炒飯咸香味濃，惹味。飲品都可以揀2杯，養生系列有桂花花蜜和玫瑰花花蜜，清新系列有泰式檸檬茶 / 檸檬水，還有泰式風情的奶茶。

見好多網紅介紹，我哋一家人又去試吓，整體不錯，只是巨巨型豬扒有點淡口冇味，但厚切豬扒煮工唔鞋值得一讚，味道真心冇味，豬扒顏色一看已經好白，冇下次。泰式檸檬茶味道有點怪怪，本人不鍾意。香茅豬頸肉撈檬粉好味，撈檬汁唔酸，好味。瀑布蟹肉蟹籽咖喱飯掂👍🏻👍🏻，有下次。金不換蜆肉脆餅非常不錯，一定要食。

在界限街體育館做完運動，又累又肚餓，就附近食飯。就食越南泰國菜，快快點了個二人餐。有蒜蓉炒通菜夠鑊氣，炸蒜食完不會太大口氣，醒醒胃。再有生菜包，滿滿肉碎，爽口生菜，只看字眼，真會誤會係類似「上海菜肉包」。小食每款2件炸魚餅，香茅雞翼，香葉雞其中香葉雞較新穎特別，款式類似珍珠雞。正餐馬拉盞炒飯配雞肉串味道香濃，有種說不出的感興味道，應該是越南風味。跟餐兩杯飲品熱桂花花蜜; 凍玫瑰花花蜜清香帶甜，一試就夠。

今天到花墟買花，路過花園街一家開張不久的餐廳，門前放滿祝賀的花牌，於是入內一嘗。餐廳裝修簇新，光潔整齊，主理泰越菜式。店員推介了兩款特色美食：「瀑布蟹肉蟹籽咖喱飯」賣相別緻，咖喱飯上面蓋滿蟹肉和蟹籽，徐徐拉起膠紙，咖喱便如熔岩般傾瀉而下，很有趣。蟹肉鮮甜，蟹籽卜卜脆，配上微辣惹味的咖喱和綿軟可口的泰國香米，周圍還伴有香蒜粒，非常惹味。「巨型豬扒飯」一大塊巨型豬扒，煮得香口，肉質細嫩腍軟兼有肉味，甘香可口。附上自家製“泰婆汁”，由香蒜、洋蔥、魚露、辣椒和多種泰國香料混合而成，讓豬扒吃起來特別鮮味。「班蘭椰子沙冰」清香的班蘭葉，濃郁的椰奶，冰涼的沙冰，混合成一杯美味的飲品，吃完辣後最合宜。「泰式奶茶」特別的茶香味，我的至愛。這裏的菜式製作有創意，味道有新鮮感。

太子花園街最近開咗勁多泰式餐廳，今日同朋友就去咗一間新開冇耐嘅試試，二人套餐十分抵食，$400都吾洗，已經包括前菜、小食、主菜、飲品。✿ 全日優惠套餐 $339⭐️前菜前菜揀咗海鮮冬陰公，裏面海鮮頗多，有青口 蜆肉 蝦肉🦐數款海鮮同樣新鮮，甲殼類食物冇沙，蝦肉爽口彈牙。冬陰功辣到唔會話太辣，大眾都會接受到，椰漿味濃郁清甜🥥⭐️小食小食種類頗多，有炸泰式魚餅 泰式香茅雞翼 香葉雞 馬拉盞炒菜，炸泰式魚餅魚肉味新鮮🐟香茅雞翼煎得香口🐔香葉雞肉吸收香葉香氣之後好入味🌿⭐️主菜1️⃣ 慢煮牛舌·泰婆汁配飯 慢煮牛舌聽落好似日式菜式咁，牛舌充滿嚼勁🐮👅泰婆汁原來即系泰式辣醬，酸酸辣辣同牛舌莫名配合。2️⃣ 馬拉盞炒飯配雞肉串起源自馬來西亞馬拉盞，用蝦仔發酵而成，味道濃郁帶咸香，伴飯一流。雞肉串乾身得黎少少脆，雞肉肉質嫩滑🐔⭐️飲品泰式奶茶向來係大家泰國菜心目中嘅選擇，牛奶同茶底比例均勻，茶味香醇，不論係凍定熱都好好飲🧡

朋友推介呢間嘅巨形豬扒同瀑布咖哩蟹肉蟹籽飯好食，就試吓呢間新開嘅越南餐廳，整體感覺同味道真係唔錯，泰婆汁惹味唔算辣，豬扒內質夠腍不錯，伴碟嘅蝦片脆口好味，生牛肉湯河牛肉嫩滑有肉味，湯底濃淡適中，可惜略嫌唔夠熱，整體上價錢合理，服務都幾細心，店員喺適當時候清理碗碟，最正係飯同粉都可以選擇多或少，不另收費，全日免收加一外賣自取有九折（$68以上），一定會介紹朋友同再嚟👍🏻😋😋😋

位於太子的越泰料理餐廳，裝修充滿越泰的感覺，環境整潔，座位寬敞。海鮮冬陰功湯底配料豐富，有青口、鮮蝦和香菇。酸辣程度適中~小食拼盤（泰式魚餅、泰式香茅雞翼及香葉雞）魚餅新鮮彈牙，唔會覺得太油膩。香茅雞翼煎得好香，好入味。香葉雞用泰式葉包裹馬拉盞炒通菜通菜好新鮮又有口感，再加上用馬拉盞炒菜！慢煮牛舌配泰婆汁飯牛舌好腍好入味，厚切份量好足夠，餐廳仲切咗細細件，容易入口。再加上特製的泰婆汁，微辣好送飯！炭燒豬扒檬粉炭燒豬扒份量多。加上落咗好多配料落檬粉，開胃。冰玫瑰花花蜜濃郁的玫瑰花香味，清新解渴。泰式檸檬茶泰式茶低，比一般港式檸檬茶更易入口，感覺好特別。餐廳食物充滿越泰風味，服務質素一流，上菜又快。餐廳位於太子站附近的內街，記得預留少少時間搵路。

最近去咗太子一間新開嘅泰國菜餐廳，今次揀咗佢哋嘅巨型系列餐單，食物非常大份，價錢又唔貴，性價比超高✨✨✨.✨巨巨巨型豬扒湯河豬扒厚身，成隻手掌咁大塊，兩個人share都夠晒，肉質軟腍入味，湯河加入枱面上嘅魚露更加惹味✨瀑布蟹肉蟹籽咖喱飯打卡一流！蟹肉份量好多，影相效果好靚，咖喱味道適中唔太辣，成個配搭幾好食.另外我哋仲order咗兩杯嘢飲，包括泰式奶茶同芒果沙冰，兩杯飲品都唔錯😋.📍 Micro Pho Asian Cuisine (旺角)旺角花園街232-242號禮賢大廈地下J號舖

呢條街食店臨立，大多都係親民貼地選擇，經過見到呢間食泰越菜。門口見到呢個二至三人套餐，原價七折，包冬蔭公/生菜包，小食，主菜及飲品，都係三百幾落得樓，就即管試下。食泰菜傳統湯品點少得海鮮冬蔭公，份量都唔少，每人都有兩碗。有青口，蝦，菇及泰式香料，如香茅及南薑等，酸辣度易令人接受，夠熱，蝦隻爽口，好快飲完一碗。小食拼盤有炸泰式魚餅，香茅雞翼，由於無香葉雞，轉咗炸蝦卷。全部入口都熱辣辣，雞翼外香內嫩，食一隻唔夠喉囉 (哈哈….)。條炸蝦卷香脆，點埋個泰式酸辣醬仲好味道。包2杯飲品，要咗泰式凍檸檬茶及桂花花蜜。凍飲夠大杯，而桂花花蜜又香又滋潤。仲有個蒜蓉魚露炒通菜，份量相對就普通咗D，炒得相當惹味。壓軸出場有馬拉盞炒飯配鷄肉串，仲有好耐都無食過嘅炸蝦片。將香口鷄肉伴以馬拉盞炒過嘅飯粒，一口食晒，惹味倍增。豬扒無貨，聽侍應講係用生果醃製，限量供應，賣晒就無。轉食牛丸湯檬，五大粒牛丸加檬粉，再倒金不煥芽菜落湯伴食。湯底清而甜，牛丸入口幾彈牙，食晒五大粒都幾飽。埋單都真係呢口價，相當抵食，目測二人枱多數都會叫呢個餐。

今日放工去花墟買花，經過見到這間店新開張有我們喜歡吃的菜式，即刻入去醫肚先。泰國生菜包🥗碎肉炒至嫩滑，搭配脆脆的生菜葉，口感對比鮮明。炸魚餅、香茅雞翼、香葉雞🥠炸魚餅外皮炸至金黃香脆，內裡魚肉鮮嫩，帶有魚的鮮甜味。加入香茅、檸檬葉、辣椒等泰式香料，增添層次感。口感Q彈有嚼勁，配埋酸甜醬，提升整體風味。香茅雞翼外皮炸至香脆，內裡肉質多汁。而香茅帶來獨特的檸檬香氣，清新不膩。香葉雞香葉獨特使用泰國香葉，帶來獨特的香氣。雞肉嫩滑雞肉醃製後，口感嫩滑多汁。而調味帶有微辣和微甜，層次豐富。 馬拉盞炒通菜🥬馬拉盞炒通菜這款菜式靈魂就是馬拉盞，炒得甘香帶有濃郁的鹹鮮味，加入辣椒輕微的辣味，刺激味蕾。蒜末的香氣與馬拉盞結合，提升了整體風味。通菜清甜爽脆與馬拉盞的鹹鮮形成對比，使整道菜香氣撲鼻，味道濃郁。黃咖喱慢煮牛舌飯🍛黃咖喱以薑黃、香茅、椰漿等為基底，帶有溫和的辛香和椰奶的香甜，香氣濃郁。牛舌經過慢煮後，質地極為軟嫩，幾乎入口即化，與咖喱的濃郁風味完美融合。白飯吸收了咖喱的醬汁，變得香濃可口，與牛舌和咖喱一起入口，口感豐富且滿足。還有幾片蝦餅很鬆化。馬拉盞炒飯配雞肉串🍢馬拉盞炒飯炒得乾爽且粒粒分

✋🏼太子嘅越南菜🇻🇳呢個全日優惠套餐2-3人份量，真係好豐富，而且有得選擇⭐️首先叫左個前菜 APPETIZER🧡海鮮冬陰公小食呢個湯比較酸，味道濃郁有新鮮嘅大蝦🍤夠晒開胃 啱晒濕立立嘅天氣⭐️跟住就到三款小食拼盤，炸泰式魚餅幾有口感，加埋酸辣醬岩岩好泰式香茅雞翼、香葉雞夠入口仲好淋身⭐️蒜蓉魚露炒通菜夠健康，蒜蓉魚露味幾香又唔會太鹹有少少汁 唔會乾身主食叫左⭐️慢煮牛舌 黃咖喱🍛個牛舌好厚身 但一啲都唔硬 係好淋 黃咖喱好濃味 配飯食好味⭐️馬拉盞炒飯配雞肉串 飯炒得夠香 啲馬拉盞味幾